Ełetrònega
Ełetrònega | |
rama de ła siensa |
Leteralmente, l'eletrònega xe la siensa e la tecnołogia che controła i ełetroni. Ma 'sto termine l'indica 'nco l'insieme dele conosense pràteghe e de ła teoria che serve par progetar e realizar aparati boni de elaborar grandese fixiche.
Xe usa i circuiti eletròneghi che i xe fati da conponenti ativi e pasivi, cołegai par mezo de fili dove che in mezo pasa ła corente.
Storia
[canbia | canbia el còdaxe]Le prime robe fate de l'elitronega, le xe stae i sircuiti radio riseventi e traxmitenti, sensa dubio Guglielmo Marconi e Nikola Tesla, i xe stai i pari de la elitronega, anca se le so radio, no le gaveva njiente de conpleso. El vero e proprio xbaleton, el riva co l'ingegnere britanego John Ambrose Fleming de l'University College de Łondra, che inte el 1904 el ga inventà el primo dispoxitivo elitronego a do terminali, el diodo a vodo, o sia la prima valvoła termoionega. Dopo dù ani, inte el 1906 xe rivà el primo conponente elitronego a tre elitrodi de Lee de Foreste, el triodo a vodo, che el permetia de anplifegar on segnal.
Dopo la prima guera mondial, l'elitronega la jera cresua velosemente, soratuto par merito de la Radio, che in chel tenpo, la jera la ponta del elitronega, inte la teoria dei sircuiti, na roba granda, la ghe xe stada inte el 1927, co l'invension del primo sircuito a reasion, chel permetia de raxonxare co pochi conponenti, prestasion mejori. Inte el contenpo, le radio le se fea senpre pì conplicade, pasando dai primi semplisi schemi sircuitali omodina o sincrodina, a schemi pì conplicadi eterodina e superterodina, che le garantia na mejor separasion tra le stasion radio e manco caxin de sotofondo.
N'altra xvolta, la ghe xe sta dopo la segonda gura mondial, co l'invension del transistor, conponente ativo chel podeva ver le stese funsion de le valvole termoioneghe, ma co manco schei, co manco spasio e co manco corente. I transistor i pole esare xontai in dispixitivi conplesi, i sircuiti integrai, che i pole tegnerghene anca milioni de transistor.
Co i transistor e dopo co i sircuiti integrai, l'eletronega la ga ciapà el boom, che oncora oncò no l'è njiancora finio e se xe senpre drio conosar robe nove.
Descrision
[canbia | canbia el còdaxe]Segondo alguni autori, se pole definir eletronega come el studio del moto dei eletroni al de fora dei metali. Segondo sta definision, l'eletrotecnega e le aplicasion aradio claseghe, no le fa parte del canpo de la eletronega, che l'è riservà ai soli dispoxidivi a semicondutore (siłiço, xermanio, semicondutori conponesti), ai tubi a vodo (valvole) e a la propagasion del canpo eletromagnedego in mexi dieleteghi come l'aria o el vero (fibre oteghe).
L'eletronega e l'elettrotecnega le xe do disipline che le xe tra de lore ligae e che le se difarensia pal tipo de aplicasion: La prima la ga come fin prinçipal l'elaborasion dei segnali elettrici e de l'informasion, la segonda la laora soratuto inte el canpo de la traxmision de la potensa eletrega, o sia de la jestion e projetasion de le machine ełetreghe
L'eletronega, co l'informadega e a le telecomunegasion, ingrumae inte la denominasion Information and Communegation Technology (ICT), la xe anca uncò uno dei setori economeghi trainanti de la cusì ciamada tersa rivolusion industriale.
Metodeghe
[canbia | canbia el còdaxe]Dal ponto de vista teorego, l'eletronega la ciapa sia le leji de eletromagnetismo clasego, sia de l'ełetrotecnega e sia de la mecanega cuantistega, che la xe la baxe de la tecnoloxia dei semicondutori.
In pì njien doparai i metodi matemadeghi fati da la teoria dei sistemi par definir la risposta in frecuensa del sistema eletronego e da l'alxebra de Boole.
I componenti eletroneghi ativi, o sia i diodi e i transistor, i xe cuerti da na tratasion teorega conpleta e xe posìbiłe capirghene el conportamento in ogni so condision oncora prima che suçeda; anca algune tipoloxie de çircuiti, come i anplificadori lineari a basa potensa, i anplificadori operasionali ei osiladori, i ga na baxe de teoria che la pole in parte guidar el projetista, ma in xeneral el projeto de on novo çircuito el xe on laoro chel ga da metar insieme la teoria co la creatività.
Ambiti
[canbia | canbia el còdaxe]L'eletronega la se dixunise in do setori:
- l' Ełetronega anałoxega, la se ocupa de segnali analoxeghi, o sia che i varia inte el tenpo in manjiera continua, che in linea de prinçipio li podaria diventare on valore calsiasi in un determinà tenpo: Tipiche asion de sti segnali xe dati da l'amplificasion, la modułasion, la miselasion, il filtrajo.
- l' Ełetronega dijitałe, che la se ocupa de segnali dijitali, che inte el tenpo i pole diventar solo alguni valor (determinai o finii) doparando on sistema binario: "alto", "baso" che saria asegnà a valori analoxeghi "vero" "falso". In sto caxo se parla de segnali binari che i njien sotoponesti a operasion loxeghe come l'AND, l'OR, il NOT ecc. L'è proprio sto setor de l'ełetronega che el ga fato in manjiera che nasese e se xvilupase el moderno calcoladore eletronego.
Altri setori i xe:
- l'ełetronega industriale
- l'ełetronega de potensa
- l'optoełetronega
- l'ełetronega de alta frecuensa
- l'ełetronega de consumo
- la microełetronega
- l'ełetronega par tełecomunicasion
- l'ełetronega mołecolare
- l'ełetronega cuantistega
Aplicasion
[canbia | canbia el còdaxe]Le aplicasion pì comuni de l'eletronega e dei çircuiti le xe:
- inte le telecomunegasion ;
- inte l'informadega;
- inte el controlo de robot e machine industriali;
- inte el controlo de asensori e inianti automatixati;
- inte la diagnosdega e inte la clinega medica;
- inte i strumenti di mixurasion;
- inte la vixion artifiçałe;
- inte la conversion de l'enerxia ełetrega;
- inte i asionamenti de motori a veloçità variabile;
- inte i veicoli stradali e feroviari;
- inte la microełetronega .
I componenti eletroneghi pì comuni e doparai i xe:
- Rexistore
- Condensadore
- Indutore
- dispoxidivi a semicondutore:
- valvole termoioniche
- componenti modulari:
Varda anca
[canbia | canbia el còdaxe]- ASCI Red, un supercomputer 'merican
- Scheda video
- Zilog z80, un exenpio de microprocesor
- Batèria (chìmega)
Wikimedia Commons el detien imàjini o altri file so ełetrònega
Controło de autorità | LCCN (EN) sh85042383 · GND (DE) 4014346-6 · BNF (FR) cb11934822z (data) · NDL (EN, JA) 00561449 |
---|