Sant'Antonio da Pàdoa

dottore della Chiesa ^(it)
Sant'Antonio da Pàdoa

Nome orizenałe	(la) Antonius Patavinus
Biografia
Nasimènto	(la) Fernandus 15 de agosto del 1195 Łisbóna (Portogało)
Mòrte	13 de zugno del 1231 (35 ani) Pàdoa (Itàlia)
Liogo de sepełimento	Cexa de Sant'Antonio (Padoa) Tomb of St. Anthony (en)
Dati personałi
Rełijon	Ceza catòłega
Atività
Ocupasion	presbìtero catòłego, predicator
Órdene rełijozo	Ordine francescano (it)
Ełevasion
taumaturgo santo (it)
Festività	13 de giugno
Iconografia	Lilium candidum (it) e Bambino Gesù (it)
Patrono de	Celiachia (it)

Afresco de Simone Martini inte ła baxełega Inferior de Asisi, che mostra Sant'Antonio insieme co San Francesco

Sant'Antonio de Pàdoa, al secoło Fernando Bulhão (Łisbóna, 15 de agosto 1195 - Pàdoa, 13 de zugno 1231) xe stà un frate fransescan, e el xe un santo de ła Ceza catòłega. Ła data de nàsita ła xe tramandà par tradision.

El jéra de fameja de nobiłì portoghexi, disendenti dal cavałiere croxà Goffredo di Buglione.

Prima co ì Canonici regolari agostiniani de Coimbra (1210), dopo co ì francescani (1220), el gà predicà dapartuto, inte el Portogało prima, e dopo in Itàlia; le sò parołe le jéra piene de dotrina de łe Sacre Scriture.

Inte el 1221 el gà incontrà, a ła Porziuncola, San Fransesco de Asisi, che el ło gà mandà a l'èremo de Montepaolo, tacà Forlì, sità dove el gà scuminsià a predicar.

Profesor de teołogia e a ło steso tenpo predicator, el gà conbatù l'erexia catara, soratuto in Fransa, co tanta fòrsa e co tanta convinsion. Dopo el xe stà trasferìo anca a Bułogna e in fin a Pàdoa, sità dove el xe patron.

El xe morto el 13 de zugno del 1231, a l'età de 35 ani, visin de ła Ceza de l'Arceła (Ara Coeli), frasion nord de Padoa, de ritorno dal convento de Canpo San Piero indove ch'el se jera ritirà. Dopo ła so morte i tanti miracołi i gà fato in modo che el fuse invocà dai devoti come un infaticàbiłe guaritor, e tuti i lo dixeva santo.

Inte el 1232, l'ano dopo de ła so morte, papa Gregorio IX el lo gà fato santo.

Pio XII in tel 1946 el gà eleto Sant'Antonio tra i dotori de ła Ceza Catołica; in particołàre ghe xe stà dà el titoło de dotor evangełico', parché el jèra sołito sostegnere łe so afermasion co łe çitasion del Vanxeło.

Ła granda Baxełega de Padoa ła xe dedicà a Sant'Antonio, e in sità ła xe cìamà "El Santo". Ghe xe anca un dito su Padoa, ligà anca al Santo: ła sarìa difati ła sità col cafè sensa porte, el santo sensa nome, el prà sensa erba, che sarìa el cafè Pedrochi, sant'Antonio apunto, e el Prà de ła Vałe.

Sant'Antonio el se festeja el 13 de zugno; a Padoa, par l'ocaxion, se fà na inponente çełebrasion co ła proçesion.