djindåre

Walon (Rifondou)

Aplacaedje di : « djin », « d’ » eyet « åre », djin ki poite des åres.

	singulî	pluriyal
omrin et femrin	djindåre	djindåres

djindåre

(omrin et femrin ) ome (feme) ki s’ mestî est di fé respecter li lwè avå les voyes.
- C’ esteut ene bele pitite djindåre ki nos a rçû.
- I s’ a fwait apicî pås djindåres.
- Les djindåres veyént k’ i cawyive après l’ måjhone; i contént k’ c’ esteut on voleu.
- Il ont trové mes laeces ! Les djindåres savèt tot ! — Joseph Vrindts, ”Vîx Lîge” (1901), p.188, “Li Brac’neu” (fråze rifondowe).
- Ene di ces poufiasses la; li djindåre li vleut moenner al prijhon, mins ele l’ a télmint cafroyî k’ il a toumé dins ses bresses.
- Ebén dabôrd, dji va dire a les djindåres ki c’ est t’ pa k’ a stî voler do tcherbon dins les vagons do tchmin d’ fier. — Ben Genaux (fråze rifondowe).
- Miere ! les djindåres ! Dj’ î estans ç’ côp ci ! — Georges Pècheur (fråze rifondowe).
- Å minme moumint, on-z ôt resdondi des pas di tchvås k' apatraftèt sol rote : vocial les djindåres… — MFab, "Li hatche di bronze" (1937), p. 52 (fråze rifondowe).
(omrin) vere a gote deus côps pus grand ki l’ tchiket, li ci ki les djindåres et ls accizyins prindèt pus voltî.
(omrin) (mot des cinsîs) banon (brandon)