foye

Walon (Rifondou)

Etimolodjeye 1

Tayon-bodje latén « folium » (minme sinse) (tchuze d’ ene sorwalonde come rifondowe)

Prononçaedje

• AFE :
  • diferins prononçaedjes : /fuj/ /fɔj/ /faj/ /fuːj/ /fwɛj/ /fœj/, miersipepieuzmint e l’ notule ALW 1.42 .
  • prononçaedje zero-cnoxheu : /fɔj/
• Ricepeures : nén rcepåve

Sustantif 1

singulî	pluriyal
foye	foyes

foye femrin

1. (botanike) vete boket, tot plat, d’ ene plante, d’ èn åbe, ki vént so li stipe u so les coxhes.
   • Ene foye di djote, des foyes di djaeyî.
   • I fwait setch; les bôlîs pierdèt ddja leus foyes. — Motî del Fagne et del Tieraxhe (fråze rifondowe).
2. (foye di fleur) petale di fleur.
   • Ene rôze ki piede ses foyes. — Motî d’ Vervî (fråze rifondowe).
3. cwårêye sitindêye di papî.
   • Ene foye a cigarete.
   • Prindoz ene novele foye, et riscrire vosse redaccion comifåt. — Motî del Fagne et del Tieraxhe (fråze rifondowe).
4. pitite gazete.
   • Dji l’ a lî sol foye. — Motî d’ Nivele (fråze rifondowe).
   • Dj’ a fwait mete ene anonce sol foye. — Motî d’ Vervî (fråze rifondowe).
5. (mot des mnujhîs et scrinîs) fene plake di mnujhreye, 15 a 18 mm sipesse.
   • I m’ rifåreut deus foyes d’ unalite.
   • Ene foye di placaedje. — Motî d’ Vervî (fråze rifondowe).

• 
  (Sinse 1) Ene foye d’ åbe.

Ratourneures

(plat boket d’ plante)

1. foye di såvlon : foye di toubak ki toutchive tere, ki n’ dene nén do si bon toubak.
2. des foyes di plope : des sôs ki n’ valèt rén. On dit eto : des cwårs di schaye.
3. foye di djote : vî paraplu.
4. tronner come ene foye

(imådjreçmint)

1. poirter vetès foyes : bén aler economicmint.
2. riwaitî les foyes pa padzo : aler dins l’ bwès djonnea et djonnete po coûtchî eshonne.
3. On n’ va nén å bwès cwand on-z a peu des foyes : i n’ fåt nén cmincî ene sacwè, si on n’ est nén capåbe d'endè vni mwaisse.
4. Ostant cweri après ene foye pierdowe e bos : dijhêye cwand on-z a pierdou ene pitite sacwè, k’ on n’ ritrouvrè dandjreus nén.
5. Gn a pus d’ ene foye å bos : dijhêye cwand on amete ene sakî sins prouves. On dit eto : Gn a pus d’ on tchvå k’ on lome Baron.
6. Markez l’ so ene foye di cabu, et dinez l’ a vos lapéns, Metoz l’ so ene foye di djote, et dinez l’ al gade : dijhêye a onk (ene) ki vos taene por vos lyi fé ene sacwè ki vos n’ vloz nén.
7. On voet bén k’ les foyes tcheyèt : dijhêye a ene sakî ki fwait l’ sot.
8. foye Sint-Cwelin : asplati ongue, sene do må Sint-Cwelin.

(boket d’ papî)

1. foye di cårculaedje : (éndjolike) foye di tåvleu éndjolike, po fé des carculaedje.
2. foye di stîle : (éndjolike) fitchî la k’ on scrît do côde CSS.
3. dressêye foye, coûtcheye foye : relijha po l’ metaedje so papî d’ ene pådje tapêye al machine u avou èn aspougneu d’ tecses.

Parintaedje

Tos les parints do mot "foye" si fwaiynut avou candjmint d’ voyale O => OU, apus ki "foyou"

• foyou
• fouyî, fouyaedje, fouya
• fouyea
• fouyete, fouyet
• fouyter, fouyton, fouytaedje, fouytåjhe
• si disfouyî, si disfouyter
• s’ efouyî
• Fouyoe

Mots d’ aplacaedje

• foye d’ årdjint
• foye di coixheure
• foye di Sint-Antoenne
• meye-foyes

Ortografeyes

Divant 1900 :

• foie : E212 (plante) ^(lére)
• foïe : E203 ^(lére)
• fouie : E212 (papî) ^(lére)

Après 1900, foû rfondou (Feller, Feller ricandjî, nén Feller) :

• fûye : G201
• fâye : E34, G201
• feuye : G201, O0, O4
• foye : E1, E212b (plante), E213, G201, S117
• fèye : C8
• fo.ye : S109
• foûye : E213, G201, O0
• fouye : C1, C8, C9, C13, E1, E212b (papî), G201, O0, S0, S117
• faye : G201
• fwèye : G201, O3

E rfondou walon :

• foye : R9 ^(lére), R10 ^(lére), R13

Ratournaedjes

vert plat boket d’ ene plante

• Arabe : ورقة ^(ar) =‎ waraqa
• Arabe marokin : ورقة ^(ary) =‎ werqa
• Almand : Blatt ^(de)
• Inglès : leave ^(en)
• Espagnol : hoja ^(es)
• Francès : feuille ^(fr)
• Itålyin : foglia ^(it)
• Gåmès : feuille, plume dau bos
• Neyerlandès : blad ^(nl)
• Picård : fwelle ^(pcd)
• Tchampnwès : feille
• Sicilyin : fogghia ^(scn)

gazete

• Francès : journal ^(fr)

fene plake di mnujhreye

• Francès : feuillet ^(fr)

foyes di crompire

• Francès : fanes ^(fr)

des foyes di plope

• Francès : de la monnaie de singe

poirter vetès foyes

• Francès : être prospère, florissant

dressêye foye, coûtcheye foye

• Francès : feuille en portrait ^(fr), en paysage ^(fr) (pour l’impression papier)

Sustantif 2

foye todi singulî

1. såjhon k’ les åbes fouyèt.
   • Å moes d’ may, cwand c’ est al foye, vos n’ sårîz pus vey li djibî. — Båze di dnêyes di l’ Årdene nonnrece (fråze rifondowe).

Sinonimeye

• fouytåjhe

Ratournaedjes

Loukîz a : fouytåjhe

Codjowas

foye

1. indicatif prezintrece, prumire et troejhinme djins do singulî, do viebe « fouyî ».
   • On n’ voerè pus les tchivroûs : i foye a grands côps.

Etimolodjeye 2

Svierba do viebe « foyî ».

Codjowas

foye

1. indicatif prezintrece, prumire et troejhinme djins do singulî, do viebe « foyî ».
   • Ele foye dedja s’ djårdén.
2. suddjonctif prezintrece, prumire et troejhinme djins do singulî, do viebe « foyî ».
   • Fåreut bén k’ on foye dimwin u après.
3. kimandeu prezintrece, deujhinme djin do singulî, fôme camaerådrece, do viebe « foyî ».
   • Foye mu co ces deus aireyes la !

Sustantif

singulî	pluriyal
foye	foyes

foye femrin

1. påle (po foyî).
   • Tes djetes di biyokî sont sol foye, dé l’ schalete do corti. — Lucyin Mahin (fråze rifondowe).
2. cweraedje dins tere po trover åk
   • Fé ene foye po cweri des hoyes — Motî Haust (fråze rifondowe).

Ortografeyes

Après 1900, foû rfondou (Feller, Feller ricandjî, nén Feller) :

• = ? (fwôye) : G152 (a « bêche ») (ramexhné a Mûno)
• fouye : E1
• fôye : E1

E rfondou walon :

• foye : R10 ^(lére)

Ratournaedjes

Loukîz a : locet