Åblete coreuse

Pol discramiaedje des årtikes avou l' mot « åblete », loukîz cial.

Pol discramiaedje des årtikes avou l' mot « palete », loukîz cial.

dobe roye so l' dizo do vinte et rodjeurs a l' axhele des naivurons bén veyåves

L' åblete coreuse u coreu (on dit ossu : li palete, li platene u el lårdjete), c' est on ptit pexhon des doûcès aiwes, on pô pus lådje k' ene åblete.

Sincieus no d' l' indje : Alburnoides bipunctatus

Discrijhaedje

C' est on ptit pexhon del minme grandeur ki l' åblete (10 a 16 cm long), mins pus lådje (did la ses nos e walon). I peze 20 a 50 grames. Li palete tént dins ene mwin.

Elle est on pô pus grijhe ki l' åblete, ey ene miete brunåsse sol dos.

Elle a-st ene dobe roye sol dizo do vinte (did la, ès no e latén bipunctata).

Elle a des rodjeurs al pate des naivurons.

Vicaedje

Elle a ptchî des aiwes ene miete rimouwantes, årvier di l' åblete ki s' tént purade dins les gofes et les nowes.

Elle naiveye foirt rade.

Elle pout haper des halenes a contrucorant u des insekes metous sol toele di l' aiwe.

Vicaedje

E l' Walonreye, ele froye e moes d' may et djun.

• 
• 
  hapant on hanzin