Charles Duvivier de Streel
| Skepiaedje | 5 di nôvimbe 1799, Lidje |
|---|---|
| Moirt | 1î di fevrî 1863, Lidje |
| Activités | scrijheu, priyesse crustin |
Charles Duvivier (riwalnijhåve Tchåle Dovevî) u Charles Duvivier de Streel; oficirmint, a dater di 1841, Charles du Vivier de Streel[1], c' esteut on scrijheu e walon, aprume kinoxhou come cåzaedjisse do pantalon trawé, la k' i raconte, kécfeye, li vicåreye da Tchårlî Djambe-di-bwès. C' est po çoula k' i sinéve voltî ses ouves «l' oteur do Pantalon trawé».
Tchåle Dovevî vna å monde a Lidje e 1799, et-z î dhoter e 1863.
Il est rprins dins l' grosse antolodjeye da Piron.
I scrijha eto e francès ene epopêye comike, La Cinéide (1852).
Di s' mestî, il esteut curé del pårotche Sint-Djhan a Lidje.
Ouve e walon
[candjî | candjî l’ côde wiki]Come mo des ôtes, il a cmincî pa redjårber des fåves da Lafontinne e walon. Ki: c' est lu k' a stî l' prumî (avou Tchåle Werote a-z end eplaidî (e 1844).
Adon-pwis, i publiya deus ptits livrets d' arimés : Quelques chansons wallonnes (Sacwantès tchansons e walon, Lidje, 1842), et Poésies wallonnes (Powezeyes e walon, Lidje, 1842).
Come diccionairî, il a ovré so on Dictionnaire des rimes wallonnes mins ki n' a måy sitî eplaidî. I bouta eto so on motî walon francès mins i n' l' a måy tot fwait.
Sacwants tites d' arimés da Duvivier
[candjî | candjî l’ côde wiki]- Les breyåds
- Lidje et les etrindjirs
- Li vén do payis
- Li coine do toet : paskeye so les eleccions
- Li pantalon trawé : dijh-pîté arimé loukî pa Maurice Piron come li tchîf d' ouve des tchansons e walon divant l' arivêye di Nicolas Defrecheux.
- Les biesses acsûtes del pesse (onk des prumîs ratournaedje e walon des fåves di Lafontinne.
Hårdêyes difoûtrinnes
[candjî | candjî l’ côde wiki]Li Wiccionaire si rsieve di sacwantès fråzes da Charles Duvivier de Streel po-z enimådjî des mots k' i gn a.
Vos trouvroz des racsegnes so les ouves da Charles Duvivier de Streel, u les ouves zeles-minmes, so Wikisourd e walon.
- Notice da Piron sor lu, å coron do tecse do "Pantalon trawé"
Sourdant
[candjî | candjî l’ côde wiki]- ↑ Grosse antolodjeye Piron p. 112