Argoen

Argoen – Ergoen
Die Argoen in Shiwei, China, Rusland is aan die teenoorgestelde kant. Die Argoen in Shiwei, China, Rusland is aan die teenoorgestelde kant.
Die stroomgebied van die Argoen
Oorsprong	Groot Sjingan-bergreeks, Mantsjoerye, Volksrepubliek China
Monding	Grens tussen China en Rusland Amoer
Stroomgebied	Rusland, Volksrepubliek China
Lengte	1 620 km (1 007 myl)
Oorspronghoogte	1 961 m (6 434 voet)
Mondinghoogte	305 m (1 001 voet)
Gemiddelde afloop	340 m³/s (12 007 ft³/s)
Stroomgebiedopp.	163 000 km² (63 000 myl²)
Kaart van die Argoen-bekken in Asië

Die Argoen of Ergoen (Boerjaties: Urgengol, letterlik: "breë rivier"; Chinees: 额尔古纳河, pinyin: É'ěrgǔnà hé; Mongools: Эргүнэ мөрөн, Ergüne gol; Russies: Аргу́нь) is die grootste sytak van die Amoer. Dit vorm saam met die Schilka een van twee bronriviere van die Amoer. Dié rivier, met 'n lengte van 1 620 km (1 007 myl), ontspring in die Groot Sjingan-bergreeks in die Mantsjoerye, die noordoostelike deel van die Volksrepubliek China. Aansluitend vloei dié rivier in 'n westelike rigting en word Hailar genoem. Net wes van die grens tot Mongolië en suid van die grens tot Rusland begin dié rivier in 'n noordoostelike rigting vloei. Die Argoen vorm vir 944 km die grens tussen China en Rusland totdat die rivier sy noordelikste punt bereik en die Schilka ontmoet, die Amoer se tweede bronrivier.

Tydens die reënseisoen vloei water van die Hulunmeer, wat eintlik sonder uitvloei is, sowat 30 km noord en bereik die Argoen. Daarmee behoort die Kherlen se rivierloop soms tot die Argoen-Amoer-rivier, wat daardeur 'n lengte van 5 052 km (3 139 myl) bereik.

Eksterne skakels

• Wikimedia Commons het meer media in die kategorie Argoen.