Buick

**Buick**
	Buick
Tipe	Filiaalmaatskappy
Gestig	("Buick Auto-Vim and Power Company"); 1899; ("Buick Motor Company"); 19 Mei 1903
Hoofkantoor	Detroit, Michigan, Verenigde State
Gebied bedien	Sjina, Verenigde State, Kanada, Meksiko
Industrie	Motorvervaardiger
Produkte	Motors
Dienste	Voertuigdiens en onderdele
Moedermaatskappy	General Motors (1908–hede)
Webwerf	buick.com

Buick is 'n Amerikaanse motorvoertuig wat deur General Motors (GM) vervaardig word.^[1] Die naam word uitgespreek as "Bjoeik". Hierdie voertuie is van 1903 deur die Buick-motormaatskappy gebou, wat later tot die stigting van GM sou lei. Dit is 'n luukse motor met uitstekende werkverrigting en waarde. Ná die beëindiging van die Saturnus-handelsmerk het GM aangekondig dat die Buick se stilering op die Duitse Opel gebaseer sal wees.

Geskiedenis

David Dunbar Buick is op 17 September 1854 in Skotland gebore. Toe hy twee jaar oud was emigreer hy met sy ouers na Detroit in die Verenigde State. In 1869 begin hy te werk by 'n besigheid wat loodgietersprodukte maak. Die maatskappy het in 1882 probleme ondervind, waarna hy en 'n medewerker dit oorneem. Buick was ook die uitvinder van onder meer die tuinsproeier en 'n goedkoper metode om gietyster met glasuur te bedek. Met hierdie innoverings het die besigheid onder hul bestuur gedy.

In die 1890's raak Buick geïnteresseerd in die binnebrandenjin. In 1899 verkoop hy sy aandeel in die besigheid vir $100 000 en begin hy die Buick Auto-Vim and Power Company. Hier het hy hom veral op stilstaande enjins toegespits. Later begin hy ook met motorkarre, maar sy geld raak op, en slegs een kar is gebou.

In 1902 stig hy die Buick Manufacturing Company met die bedoeling om enjins en motors te bou en te verkoop. Teen die einde van die jaar was sy geld egter weer op. Hierdie keer kon hy darem twee karre lewer. Tog het hy die kopklepmotor uitgevind, wat beter werkverrigting as die syklepmotor gelewer het. In 1903 leen Buick $5000 van 'n vriend, waarmee hy op 19 Mei 1903 die Buick Motor Company in Flint, Michigan, oprig.^[2]

Buick verkoop later die besigheid aan James Whiting, wat William Durant kry om die maatskappy te lei. Dit was die einde van Buicks se betrokkenheid by die maatskappy. Onder Durant se leierskap het dit egter tot die grootste motorvervaardiger van die Verenigde State uitgebrei. In 1908 word die winste gebruik om General Motors te stig (met Buick-motors as 'n dogtermaatskappy).