Dwingel

Cité de Carcassonne: dwingel tussen binnenste en buitenste vestingmuur

Dwingel is 'n term uit die Middeleeuse vestingbou.

'n Dwingel is die ruimte tussen twee vestingmure. Dit bestaan uit 'n plat terrein, meestal begroei met gras. Die breedte van die dwingel bedrae minder as 'n boogafstand, die afstand wat 'n pyl kan vlieg. Sodoende kan 'n vyand wat daarin geslaag het om die buitenste muur te oorkom vanaf die binnenste muur beskiet word. Om die rede is torings in die buitenste vestingmuur altyd oop aan die agterkant. Die oop terrein bied geen beskutting nie en gee 'n vrye skietveld aan die verdedigers.

In vredestyd is die dwingel gebruik om toernooie te hou of vir militêre opleiding.