Toyota RAV4
2019 Toyota RAV4 | |
Oorsig | |
---|---|
Vervaardiger | |
Produksie | 1994–huidig |
Bakwerk en onderstel | |
Klas | Oorkruis SNV |
Bakstyl | Mini/kompakte SNV |
Uitleg | Voorenjin, voorwieldryf of vierwieldryf |
Die Toyota RAV4 is 'n sportnutsvoertuig (SNV) wat deur die Japannese motorvervaardiger Toyota gebou word. Dit was die eerste kompakte oorkruis SNV, wat sy debuut in Japan en Europa in 1994 gemaak het, en die volgende jaar in die VSA.
Die voertuig is ontwerp vir verbruikers wat 'n voertuig verlang wat die meeste van die voordele van 'n SNV het, soos 'n vergrote vragruim, hoër sigbaarheid en die opsie van voltydse vierwielaandrywing, plus die beweeglikheid en goeie brandstofverbruik van 'n kompakte motor. Alhoewel nie alle RAV4's oor vierwielaandrywing beskik nie, staan RAV4 vir "Recreational Active Vehicle" met viertrek, omdat die bogenoemde toerusting slegs 'n opsie in sekere lande is.
Oorsig | |
---|---|
Produksie | Desember 2012–huidig |
Modeljare | 2013–huidig |
Montering | Ōbu, Aichi, Japan[1] Tahara, Aichi, Japan[2] Woodstock, Ontario, Kanada Tianjin, China |
Bakwerk en onderstel | |
Bakstyl | 5-deur stasiewa |
Platform | Toyota New MC platform |
Spesifikasies | |
Enjin(s) | 2.0 L Toyota 3ZR-FAE I4 (petrol) 2.2 L Toyota 2AD-FTV I4 (diesel) 2.2 L Toyota 2AD-FHV I4 (diesel) 2.5 L Toyota 2AR-FE I4 (petrol) |
Ratkas | 6-gang handrat 6-gang outomaties Palwisselratstelsel (CVT) outomaties |
Lengte | 4570 mm |
Breedte | 1845 mm |
Hoogte | 1660 - 1705 mm |
Asafstand | 2660 mm |
Die vroeë sukses van die RAV4 het die weg gebaan vir kompeterende kompakte oorkruis-SNV's soos die Ford Escape en die Subaru Forester. In die meeste markte, is die RAV4 die enigste kompakte SNV of oorkruiser beskikbaar by Toyota. In ander markte, is dit die oorkruiser-eweknie van die Toyota FJ Cruiser. Sedert die 2006-derde geslagmodel, het Toyota beide kort- en lang-asafstandweergawes van die RAV4 aangebied. Kort-asafstandweergawes word verkoop in Japan en Europa, met Australië en Noord-Amerika wat die lang-asafstandweergawes ontvang.
Eerste generasie, XA10 (1995–2000)
Die eerste generasie RAV4 was beskikbaar in beide twee- en vierdeurweergawes. Die enjin was 'n 2.0-liter inlyn-enjin wat 127 perdekrag (95 kW) gelewer het. Beide voor- en vierwielaangedrewe weergawes was beskikbaar, met 'n keuse tussen 'n 5-ganghandrat of 'n 4-gang outomatiese ratkas. In 1998 het die RAV4 'n klein opknapping gekry, waar die agterkant en voorkant effens verander is, en 'n weergawe met 'n seildak het op die mark verskyn.
Tweede generasie, XA20 (2001–2005)
In Europa was die tweede generasie RAV4 in beide drie- en vyfdeurweergawes beskikbaar, maar in Amerika was die enigste bakopsie die 5-deurweergawe. Beide voor- en vierwielaangedrewe weergawes was steeds beskikbaar. Die nuwe enjinopsies was 'n 1.8-liter inlynviersilinder (slegs beskikbaar in 2-wieldryf) wat 92 kW lewer, 2.0-liter inlynviersilinder wat 110 kW lewer, 2.4-liter inlynviersilinder wat 118 kW lewer, en 'n D-4D dieselweergawe.
Derde generasie, XA30 (2006–2012)
Die heeltemal vernuwe RAV4 is in 2006 te koop aangebied. Dit het 'n 2-liter inlynenjin met 'n krag van 152 pk. In Noord-Amerika is die basiese enjin die bekende 2,4-liter inlynvier van die vorige generasie model, maar die maksimum krag is 166 pk. Daar is ook 'n weergawe met 'n 3.5-liter V6-enjin, waarvan die enjin van die Toyota Avalon afkomstig is, die krag in hierdie weergawe is 269 pk. Die nuwe RAV4 is binne 21% ruimer as sy voorganger, en ’n derde ry sitplekke vir kinders is agter beskikbaar. Die nuwe RAV4 is ook in beide voor- en vierwielaandrywing beskikbaar, hoewel in die meeste lande net die viertrekmodel verkoop word.
Vierde generasie, XA40 (2013–2018)
Die vierde generasie RAV4 is by die Los Angeles Motorskou in 2012 aan die publiek aangebied.[3] In vergelyking met sy voorganger was die model langer, breër en laer. In 2016 het die RAV4 'n opknapping gekry en 'n hibriede weergawe is terselfdertyd bekend gestel.[4]
Vyfde generasie, XA50 (2019 –)
Die vyfde generasie RAV4 is aan die publiek bekendgestel by die New York Internasionale Motorskou wat in die lente van 2018 gehou is.[5] Die ontwerp is voorbeskou deur die Toyota FT-AC-konsep wat by die Los Angeles Motorskou gewys is. Beide 4-silinder-petrolaangedrewe en petrol-elektriese hibriedvariante was beskikbaar.
Die Europese première van die model was by die Parys Motorskou in Oktober 2018, en die eerste motors het in die lente van 2019 in Finland aangekom. Die model is in lengte gestrek in vergelyking met sy voorganger en behoort nou duidelik aan die middelklas.[6] Die vyfde generasie RAV4 word op die nuwe Toyota New Global Architecture Platform (TNGA) vervaardig.
Verwysings
- ↑ Stricker, Tom of Toyota Motor North America (30 April 2014). "VIN Coding System for 2015MY Toyota RAV4, 2015MY Toyota Tacoma, 2015MY Lexus GS 350, 2015MY Lexus GS 350 AWD, and 2015MY Lexus GS 450h" (PDF). Geargiveer vanaf die oorspronklike (PDF) op 18 Junie 2015.
- ↑ Stricker, Tom of Toyota Motor North America (5 September 2012). "VIN Coding System for Certain 2013MY Toyota RAV4, Toyota RAV4 Limited AWD, and Toyota RAV4 AWD" (PDF). Geargiveer vanaf die oorspronklike (PDF) op 17 Junie 2015.
- ↑ "2013 Toyota RAV4 debuts at LA Auto Show". Autoweek. 28 November 2011. Geargiveer vanaf die oorspronklike op 11 September 2013. Besoek op 31 Julie 2013.
- ↑ Sabatini, Jeff (Junie 2016). "2016 Toyota RAV4 Hybrid AWD". Car and Driver. US. Geargiveer vanaf die oorspronklike op 14 Augustus 2017. Besoek op 13 Augustus 2017.
- ↑ Lye, Gerard (28 Maart 2018). "2019 Toyota RAV4 makes its New York debut - TNGA platform, Dynamic Force engines, all-new styling". paultan.org. Geargiveer vanaf die oorspronklike op 14 Januarie 2021. Besoek op 1 September 2018.
- ↑ "Toyota Rolls Out All-New RAV4". Toyota Motor Corporation Official Global Website (in Engels). 10 April 2019. Besoek op 1 September 2022.
Huidige modelle:
Auris ·
Avanza ·
Avensis ·
Camry ·
Corolla ·
Crown ·
Etios ·
FJ Cruiser ·
Fortuner ·
HiAce ·
Hilux · | ||
Wysig hierdie sjabloon |
Hierdie artikel is in sy geheel of gedeeltelik vanuit die Engelse Wikipedia vertaal. |