Elbasan
Elbasan | ||
---|---|---|
| ||
Koordinate | 41° 7′ N, 20° 5′ O | |
Basisdate | ||
Staat | Albanien | |
Qark |
Qark Elbasan | |
Kreis | Kreis Elbasan | |
Höchi | 150 m | |
Iiwooner | 126.081 (2008) | |
Poschtleitzahl | 3001-3006 | |
Website | www.elbasani.gov.al | |
Politik | ||
Burgermeischter | Qazim Sejdini (Partia Socialiste e Shqipërisë)[1] | |
Elbasan (Ussprooch: [ɛlbaˈsan]; bestimmti Form im Albanische: Elbasani) isch e Stadt in Mittelalbanie un mit öbe 126.000 Ywohner eini vo de gröschte Stedt vo Albanie. Es isch e relativ jungi Stadt, wo vo de Osmane wääred de Eroberig vo Albanie gründet worde isch. Z Elbasan befindet sich d ältischt Moschee vo Albanie, wo im Joor 1492 baut worde isch.
Gschicht
[ändere | Quälltäxt bearbeite]D Stadt goot uff e Militärlager wo d Osmane bi de Eroberig vo Albanie im 15. Joorhundert gründet hen. Im Joor 1467 het de Mehmed II. e Feschtig baue lo. Elbasan bedütet uff Türkisch „starchi Feschtig“. D Stadt isch deno e Zentrum vo de orientalische Kultur z Albanie worde. D Stadt isch e wichtigs Handelszentrum, un e kulturell viilfälltigi Stadt gsi. Näbe de Albaner hen au Grieche, Slawe, Aromune un natürli Türke in de Stadt gläbt. D Stadtmuure sin im Joor 1834 vum Reshit Pasha wider ygrisse worde.
In de Mitte vum 18. Joorhundert isch z Elbasan e eigni Schrift für s Albanische entwigglet worde, wo sich aber nit het chönne duresetze.
Unter em König Zogu het d Aasiidlig vo Induschtri, mit Tabak- un Alkoholherstellig, aagfange. Unter de Kommunischte isch Elbasan de zum Induschtrizentrum vo Albanie uffbaut worde.
Wirtschaft
[ändere | Quälltäxt bearbeite]Z Elbasan spiilt vorallem d Induschtri e Roll. Im Joor 1974 isch vo de Chinese e Stahlwerch baut worde. Es het dertemool Celiku i Partise, also „de Stahl vo de Partei“ gheisse. Wyl de kommunistisch Diktator vo Albanie, de Enver Hoxha, aber bal s Bündnis mit de Chinese broche het, isch die Fabrik nie ganz fertig worde, un het aneme Mangel an Ersatzdeil glitte. Usserdäm isch s Shkumbim-Tal durch d Stahlproduktion verpeschtet worde. Bis zum Zämmebruch vum Kommunismus im Joor 1990 hen dört öbe 12.000 Lüt gschafft[2]. S Stahlwerch isch de bis 1999 gschlosse gsi, wo e türkischi Firma de Betrieb wider uffgno het. Trotz dass Fortschritt bim Umwältschutz gmacht worde sin, isch d Luftverschmutzig z Elbasan e grosses Problem.
Usserdäm git es z Elbasan au e Zementfabrik, wo in de Region als vorbildlich bim Umwältschutz gilt.
Literatur
[ändere | Quälltäxt bearbeite]- Babinger, Franz: Die Gründung von Elbasan. In: Mitteilungen d. Seminars f. Oriental. Sprachen zu Berlin. 34(1931).
Weblink
[ändere | Quälltäxt bearbeite]Fuessnote
[ändere | Quälltäxt bearbeite]- ↑ 20/02/2007 Të nderuar miq!. 20. Februar 2007.
- ↑ Southeast Europe Business Guide Archivlink (Memento vom 4. Septämber 2009 im Internet Archive)