La Cluse-et-Mijoux
La Cluse-et-Mijoux | |
| |
Verwàltung | |
---|---|
Land | |
Region | |
Département | Doubs (25) |
Arrondissement | Pontarlier |
Kànton | Pontarlier |
Kommünàlverbànd | Grand Pontarlier |
Àmtliga Nàma | La Cluse-et-Mijoux |
Maire | Yves Louvrier (2014-2020)[1] |
Code Insee | 25157 |
Poschtlaitzàhl | 25300 |
Iiwohner | |
Iiwohner | 1.323 |
Flech | 22,50 km2 |
Bevelkerungsdicht | 56,31 Iiw./km2 |
Làg | |
Koordinate | 46° 52′ 19″ N, 6° 22′ 43″ E / 46.871944444444°N,6.3786111111111°EKoordinate: 46° 52′ 19″ N, 6° 22′ 43″ E / 46.871944444444°N,6.3786111111111°E |
Heche | 861 m |
Website | |
http://www.la-cluse-et-mijoux.fr |
La Cluse-et-Mijoux isch e französeschi Gmeind im Departemänt Doubs.
Si lyt im Jura öppe vier Kilometer vo der Stadt Pontarlier wäg. Es isch en Ortschaft im Tal vom Fluss Doubs, wo dört im ene schmale Kwertal dur d Jurachetti vo de Bärge Montagne du Larmont und Montagne du Laveron durelauft. Wäge der Kluus het d Gmeind der Name. S zäntrale Dorf vo der Gmeine heisst Le Frambourg.
und d Strooss vo Les Verrières här
Vom Bärg wägg isch en chlyne, aber stotzige Hoger, wo druff d Burg Joux stoot, wo anne 1034 s erschte Mol im ene Dokumänt erwäänt isch. Wo d Gmeind mit der Freigrafschaft anne 1678 an Frankrych cho isch, het me z Paris bschlosse, die bedüütendi Gränzburg zun ere Feschtig uszboue; der Vauban het derfür d Plään zeichnet, und hüt isch die Aalaag eis vo de schönschte gschichtleche Monumänt vo der Gägend. Wisawi isch d Feschtig Fort du Larmont Inférieur oder Fort Mahler.
Uf der Oschtsyte isch im Gmeindbann vo La Cluse-et-Mijoux der Afang vo däm länge Tal, wo uf der französische Syte als Vallon des Verrières afoot und bim Dorf Verrières-de-Joux a d Landesgränze zu der Schwiiz chunt; änedra goot s Tal wyter durs Val de Travers im Kanton Nöieburg.
Dur d Klus bi La Cluse-et-Mijoux goot d Ysebaanlinie vo Nöieburg uf Pontarlier. Und do träffe sech au die alte Stroosse, wo kwer dur e Jura laufe; die vo Bärn und Nöieburg und die vo Lausanne über Jougne. En anderi Stroos goot is waadtländische Sainte-Croix übere.
Weblink
[ändere | Quälltäxt bearbeite]Fuessnoote
[ändere | Quälltäxt bearbeite]- ↑ Liste des maires au 25 avril 2014 (data.gouv.fr)