Vrpackonga
Erscheinungsbild
Dialäkt: Schwäbisch |
Vrpackonga em Oizlhandl senn a Rfendong mo se mid dr Aifihrong vo de Selbschdbedienongsläda ausbroidad hod. Manche vo dene Bsondrhoida kommad wiedr en Brauch. Em Lädle isch draussa Kolonialwaara gschdanda. Drenna hod s älles gä, wamr wella hod – weil mr blos hod wella derfa was gäba hod.
Lischt vo Verpackonga
[ändere | Quälltäxt bearbeite]- Bier hod ma en dr Wirschafd hola kenna. Drbei isch vom Hahna en a Flasch zabfd worra.
- Brod hod s auf em Land blos auf Bschdellong ghed, weil mr selbr bacha hod.
- Dr[A 2] Buddr isch mid ara Holzschaufl auf a Bergamedbabier gwog worra.[A 3]
- Doigwara hend de moischde Leid selbr gmachd, drom hod se s kaum gäba.
- Fisch: Dr Fischvrkauf war em Fischlada ond hod se auf a baar Sorda beschrenkd.
- Dr Bachschdoikäs (a Limburger Magrmilchkäs) isch 100-grammweis vo ama Block[A 4] aagschnidda worra[3]
- Fir Kaffee hod s extra Gschäfd gea. Gmahla hend n d Leid drhoim.
- Malzkaffee war iblich, weil r billigr war.
- D Milch isch emma Milchlada aus groasse Milchkanna mid ama Schepfr virdl- odr halbliddrweis en a Milchkann gschepfd worra. Vrkaufsferdernd hods Bildla gä, mo ma en Alba hod kleba kenna, mid Thema wia Afrika.
- Oier send oinzln vrkaufd worra, ond jeds isch durchleuchded worra, ob s au guad isch. Ond weil d Henna em normala Leba ned emmr legad, hod mr Oier en Wassrglas eiglegd.[1]
- D Waag isch koi Vrpackong, abr isch fir s vrkaufa ohne Vrpackonga elemendar gwää – se isch aus em Ländle komma, wia dr Nama BizerBa[A 5] au said.
Guck au
[ändere | Quälltäxt bearbeite]Lidradur
[ändere | Quälltäxt bearbeite]- Walter Theiler: Als langsam schon schnell war: 111 Dinge, die unser Leben schneller machen. ISBN 3-7407-4358-1.
Weblink
[ändere | Quälltäxt bearbeite]Aamergonga
[ändere | Quälltäxt bearbeite]- ↑ Anka isch en Buddr mo ma s Wassr nauskochd hod drmid r längr halda duad.
- ↑ Em Schwäbischa isch es DER, ned DIE.
- ↑ Nachdem Vrpackonga eigfiehrt worra swnn, hod s no lang koi Dadum drauf geba, blos vrschlissld mid MILCHPROBE.
- ↑ Deswega dr Nama Bachschdoi.
- ↑ Bizer, Balingen. Uf dr Alb hods Ord gä, mo jedr zwoide Bizer ghoissa hod.
Mo s her isch
[ändere | Quälltäxt bearbeite]- ↑ 1,0 1,1 1,2 Konservierung wie vor 100 Jahren.
- ↑ Warum wiegt ein Würfel Hefe eigentlich genau 42 Gramm?. Archiviert vom Original am 2. Juli 2017. Abgrüeft am 16. März 2018.
- ↑ ÖMA Allgäuer Backsteinkäse, Bioland. Archiviert vom Original am 27. Dezember 2019. Abgrüeft am 27. Dezember 2019.