Ir al contenido

Straight edge

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Eixemplos de ropas con parches de miembros d'o movimiento "straight edge"

Straight edge ye un estilo de vida y un movimiento chovenil que prencipió adintro d'a subcultura d'o hardcore punk, en que bels seguidors fan un compromis de por vida ta abstenerse de beber alcol, fer servir productos derivatos d'o tabaco, emplegar drogas y estar promiscuo. O termin fue creyato por o grupo Minor Threat en a canción d'o mesmo nombre.

O simbolo d'a X

[editar | modificar o codigo]
Concierto d'o grupo To Kill. Se veigan as X en o dorso d'as mans d'os miebros d'o grupo y d'o publico
Eva Genie, cantaire de Gather, con a caracteristica X en a man

A letra X ye o simbolo straight edge mas conoixito, por un regular portiato como una marca en o dorso d'as dos mans, encara que tamién puet estar amostrato en atras partis d'o cuerpo. Bels seguidors han encorporato o simbolo en ropa y pins. D'alcuerdo a la serie d'entrevistas realizatas por o periodista Michael Azerrad, a X d'o straight edge data d'a chira de l'agrupación Teen Idles por a costa este d'Estaus Unius en 1980.[1] Teen Idles yera programato ta tanyer en o Mabuhay Gardens en San Francisco, pero cuan o grupo plegó, o cherent d'o club descubrió que toz os miembros yeran menors de 21 anyos, edat requiesta ta beber legalment en Estaus Unius, por lo que se les habría prohibir a dentrata a o club. Como una traza de compromis, a cherencia marcó a cadagún d'os miembros con una X negra en as mans ta advertir a o personal d'o club que no sirviera alcol a os musicos. En tornar a Washington D.C., o grupo suchirió o mesmo sistema a os clubs locals ta permitir a os chovenes asistir a os conciertos sin a necesidat de servir-les alcol y luego a marca fue asociata con o estilo de vida straight edge.

Una variant se convirtió en un trío de X —xXx—, orichinato por o disenyo creyado por o batería Jeff Nelson de Minor Threat, a on que reemplazó as tres estrelas en a bandera de Washington D.C. por X.[2] O termin a vegatas ye alcorzato adibindo una X en a abreviadura d'o termin straight edge —sXe—. D'a mesma traza, en ocasions hardcore punk s'alcorza como hxc. A X tamién se puet fer servir ta relacionar o nombre d'una persona u colla con o straight edge, por eixemplo, o grupo xFilesx.

Historia

[editar | modificar o codigo]

D'alcuerdo con William Tsitsos, o straight edge ha pasato por tres diferents etapas dende a suya creyación en 1980.[3]

Old School —zaguerías d'os 1970 y primerías d'os 1980—

[editar | modificar o codigo]
Concierto de Point of No Return, colla harcore punk straight-edge

Eixemplos d'o que se pueden considerar cancions proto-straight-edge son as cancions "Keep it Clean" d'o grupo anglesa The Vibrators, un eixemplo adicional ye o tema "I'm Straight" d'o cantaire y compositor Jonathan Richman y o grupo The Modern Lovers, en que, refusaba l'uso de drogas. Os primers indicios d'o straight edge en o hardcore se pueden trobar en as parolas d'o grupo Minor Threat, eixemplos son os temas "Straight Edge",[4] "In My Eyes" y "Out of Step", por lo que o straight edge ye relacionato con o punk rock, mas que mas con o hardcore.[5] Os seguidors d'ista primera epoca manifestaban os ideyals orichinals d'o punk, tals como individualismo, refuse a o treballo y a escuela y actituz sobre vivir l'inte.[3]

Encara que o straight edge prencipió en a costa este d'Estaus Unius, en Washington D.C. y Nueva York, s'estendillo a escape por a resta d'os Estaus Unius y Canadá.[6] En a decada de 1980, grupos d'a costa ueste d'Estaus Unius, tals como Stalag 13, Justice League y Uniform Choice ganaban popularidat. En primeras as presentacions encluyiban grupos straight edge y grupos que no se consideraban como tal, manimenos, as circunstancias cambioron, y a era old school yera vista eventualment como a epoca “antis de que as dos escenas se desepararan”.[5] Grupos d'a era Old School d'o straight edge encluyen a Minor Threat, State of Alert —mas conoixitos como S.O.A.—, Government Issue y Teen Idles de Washington D.C., 7 Seconds de Reno Nevada, SSD, DYS y Negative FX de Boston, Stalag 13, Justice League y Uniform Choice de California.

Youth Crew —meyatos d'os 1980—

[editar | modificar o codigo]

Mientres d'a era youth crew, a cual prencipió a meyatos d'os 80s, as nuevas brancas d'o straight edge que apareixioron por ixas envueltas s'orichinoron d'ideyas presentatas en cancions. Grupos importants d'o youth crew encluyen a Gorilla Biscuits, Judge, Bold, Youth of Today, Chain of Strength, 7 Seconds, Slapshot, Turning Point y Insted

O grupo Youth of Today y a suya canción “Youth Crew” exprisó o deseyo d'unir a escena en un movimiento.[7] A tematica mas notable que surchió mientres d'ista epoca estió a relación entre o straight edge y o vechetarianismo, tal ye o caso d'o tema “No More” d'o disco We're Not in This Alone de 1988,[8] lo cual encetaría una tendencia enta os dreitos d'os animales y o veganismo aintro d'o straight edge, que plegaría a o suyo punto mas altero en a decada d'os 90s.

Os anyos 1990

[editar | modificar o codigo]
Justin Sane d'Anti-Flag sigue a filosofía straight-edge

En primerías d'a decada de 1990, os militants straight edge yeran una presencia conoixita en a escena. O termin militant se refiere a belún que ye adedicato y charra ubiertament sobre as suyas politicas personals, pero también s'asume que ye de mente zarrata, prechuicioso y potencialment violento.[9] O militant straight edge fue caracterizato por menos tolerancia a las personas que no comparten a filosofía straight edge, mas expresivos en cuanto a l'orgullo d'estar straight edge y a disposición de recurrir a la violencia ta promover una vida limpia.[9]

Tamién estió arredol d'ista epoca que o veganismo se tornó una parti important en as vidas de cuantas personas straight edge, feito que fue reflectato por grupos como Birthright, Earth Crisis, Path of Resistance y Warcry, que promoveban mensaches sobre militancia straight edge y dreitos animals.

A meyatos d'os anyos 1990, cuantos grupos refirmaban mensaches sobre chusticia social, liberación animal y veganismo, grupos d'ista epoca encluyen a Mouthpiece, Culture, Earth Crisis, Chorus of Disapproval, Undertow y Strife.

Os 2000

[editar | modificar o codigo]

Dimpués d'os 90s, beluns d'os aspectos controvertitos que rodiaban o straight edge prencipioron a desapareixer.[10] En os 2000, grupos straight edge y aquellas que no se relacionan con a subcultura, han compartito escenarios de traza regular, igual que os seguidores que asisten a ditos eventos. Belunas d'os grupos d'ista epoca encluyen a xAFBx, Allegiance, Embrace Today, Fight Everyone, The First Step, Have Heart, Recon, Righteous Jams, Guns Up!, 50 Lions, Violation; en Espanya se troban grupos como The Defense de Barcelona.

Se veiga tamién

[editar | modificar o codigo]

Referencias

[editar | modificar o codigo]
  1. ↑ (en) Azerrad, Michael (2002). Our Band Could Be Your Life: Scenes from the American Indie Underground 1981-1991. Back Bay Books. ISBN 0-316-78753-1
  2. ↑ (en) Minor Threat Sleevage. Sleevage.com
  3. ↑ 3,0 3,1 (en) Tsitsos, William. "Rules of Rebellion: Slamdancing, Moshing, and the American Alternative Scene". Popular Music, 18(3), 403
  4. ↑ (en) Se veigan as declaracions de Ian MacKaye y Henry Rollins en el libro de Michael Azerrad Our Band Could Be Your Life: Scenes from the American Indie Underground 1981–1991. 2002, Back Bay Books. ISBN 0-316-78753-1
  5. ↑ 5,0 5,1 (en) Haenfler, Ross (2006). Straight Edge: Hardcore Punk, Clean Living Youth, and Social Change (p. 11). Piscataway: Rutgers University Press. ISBN 0-8135-3851-3
  6. ↑ (en) Bartlett, Thomas. "Studying Rock’s Clean, Mean Movement". The Chronicle of Higher Education, A16.
  7. ↑ (en) Haenfler, Ross (2006). Straight Edge: Hardcore Punk, Clean Living Youth, and Social Change (p. 12). Piscataway: Rutgers University Press. ISBN 0-8135-3851-3
  8. ↑ (en) Youth of Today (1988). "No More". On We're Not In This Alone [LP/CD]. New York: Caroline Records (1988).
  9. ↑ 9,0 9,1 (en) Haenfler, Ross (2006). Straight Edge: Hardcore Punk, Clean Living Youth, and Social Change (p. 88). Piscataway: Rutgers University Press. ISBN 0-8135-3851-3
  10. ↑ (en) Inside Straight Edge. National Geographic Society

Bibliografía

[editar | modificar o codigo]
  • The Straight Edge Movement, por Sam McPheeters, Dave Stein, Jason O'Toole, y Brian Baker, Buzz 1987
  • Wood, Robert T. (2006). Straight Edge Youth: The Complexity and Contradictions of a Subculture. Syracuse, NY: Syracuse University Press. ISBN 0-8156-3127-8
  • Out of Step: Faces of Straight Edge, by Raymond McCrea Jones, Empire Press 2007, Philadelphia, PA. ISBN 13:978-0-615-15884-6 Official Website

Vinclos externos

[editar | modificar o codigo]
Obteniu de "https://an.wikipedia.org/w/index.php?title=Straight_edge&oldid=2222097"