Editando Julio Anguita (seición)

=== Alcalde de Córdoba ===
Nes [[Eleiciones municipales d'España de 1979|eleiciones municipales d'abril de 1979]] presentóse como candidatu del PCE a l'alcaldía de [[Córdoba (España)|Córdoba]], llogrando ser el más votáu anque quedó llonxe de la mayoría absoluta —el PCE llogró 8 de los 27 conceyales en xuegu—.<ref>Francisco Solano Márquez Cruz (1993); Córdoba capital. Volumen I: Historia, pág. 351</ref> Anguita decidió formar un gobiernu de concentración xunto al restu de fuerces polítiques ([[Partíu Socialista Obreru Español|PSOE]], [[Unión de Centru Democráticu|UCD]] y [[Partíu Andalucista|PSA]]), polo que foi escoyíu rexidor municipal. D'esta miente, convirtióse nel primer y únicu alcalde comunista d'una capital de provincia.<ref name="p.353">Francisco Solano Márquez Cruz (1993); Córdoba capital. Volumen I: Historia, pág. 353</ref> A la so llegada al poder, Anguita atopóse una mala situación na ciudá, y nos primeros meses al mandu de l'alcaldía atopóse con numberosos problemes. Daquella Córdoba yera una ciudá verdaderamente degradada y con una urxente necesidá d'intervenciones urbanes, especialmente na zona ablayada qu'había alredor de les instalaciones ferroviaries. La so llegada al poder coincidió cola crisis económica de los años 1970 y el zarru de munches empreses, como foi'l casu de la fábrica de [[Westinghouse Electric|Westinghouse]].

Los problemes dientro del gobiernu de concentración tamién empezaron dende bien aína. Les rellaciones col PSOE enterriáronse darréu de la alquisición de la empresa privada d'autobuses [[AUCORSA|Aucorsa]], entós nun estáu ruinosu, con un costu de 200 millones pa les arques municipales; la posterior compra d'una nueva flota d'autobuses per valor de 300 millones de pesetes y la xestión de la operación supunxeron un nuevu desencuentru ente socialistes y comunistes.<ref name="p.104">Juan de Dios Mellado (2005). ''Crónica de un Sueño: Memoria de la transición democrática en Córdoba'', C&T Editores, pág. 104</ref> En 1980 tanto'l PSOE como la UCD bloquiaron delles iniciatives económiques, como la creación d'una cadena de radio llocal de calter públicu, la xestión de la [[EMACSA|empresa municipal d'agües]], o la revisión del PGOU. L'españíu d'un nuevu escándalu a raigañu del llamáu «Caso Provienco» —la compra municipal d'un inmueble que Anguita autorizó ensin conocencia nin aprobación de la corporación municipal— llevó a la rotura definitiva col PSOE.<ref name="p.116">Juan de Dios Mellado (2005). ''Crónica de un Sueño: Memoria de la transición democrática en Córdoba'', C&T Editores, pág. 116</ref> Poco dempués tamién llegaría la rotura cola UCD pol enfrentamientu que Anguita caltuvo col obispu de Córdoba, a cuenta de la cesión del antiguu [[Conventu de Santa Clara (Córdoba)|conventu de Santa Clara]] a un coleutivu musulmán encabezáu pol [[Arabia Saudita|saudín]] Alí Ketanni. Sicasí, esta cesión nun espolletaría y quedó en nada.

Pese a la crisis económica que travesaba la ciudá y de los problemes que travesaba'l gobiernu municipal, la so popularidá ente la población cordobesa siguió siendo bastante elevada. Nes eleiciones municipales [[1983]] foi reelixíu como alcalde, pero esta vegada por mayoría absoluta (17 conceyales).<ref name="p.353">Francisco Solano Márquez Cruz (1993); Córdoba capital. Volumen I: Historia, pág. 353</ref> Tres esti aplastante trunfu empezóse-y a conocer como'l «Califa rojo».<ref name="CR"/> La nueva mayoría absoluta del PCE llevaría a la formación d'un tándem de gobiernu ente Anguita y el so teniente d'alcalde, [[Herminio Trigo]]. Ye reseñable que sería per esta dómina cuando se solicitó a la [[UNESCO]] la declaración de la [[Mezquita de Córdoba|Mezquita-catedral de Córdoba]] como [[Patrimoniu de la Humanidá|Patrimoniu Cultural de la Humanidá]], cosa que finalmente se llogró en [[1984]].<ref>Juan de Dios Mellado (2005). ''Crónica de un Sueño: Memoria de la transición democrática en Córdoba'', C&T Editores, pág. 132</ref>

Dempués de 1983, tres l'apolmonante victoria socialista nes [[eleiciones xenerales d'España de 1982|eleiciones xenerales de 1982]], Anguita caltuvo una actitú d'enfrentamientu y de ciertu victimismu frente al gobiernu central y otres instituciones gobernaes por socialistes. Esta nueva política llevó a que'l desenvolvimientu de la ciudá viérase notablemente paralizáu.<ref name="p.353">Francisco Solano Márquez Cruz (1993); Córdoba capital. Volumen I: Historia, pág. 353</ref> La construcción d'una nueva Estación de ferrocarril foi otru de los asuntos polémicos d'esta dómina. Anguita caltuvo numberosos enfrentamientos con [[RENFE]] y el [[Ministeriu de Fomentu]], dada la pretensión de Anguita de que los terrenes lliberaos de l'antigua estación pasaren a propiedá del Conceyu y que fuera l'Estáu quien financiara puramente les obres de la nueva estación, una idea que topetó cola oposición de [[Red Nacional de los Ferrocarriles Españoles|RENFE]] y el ministeriu. La posición d'Anguita provocó que la construcción de la nueva Estación quedara paralizada mientres casi una década. En 1985 unvió una carta al entós presidente del gobiernu, [[Felipe González]], na que s'oponía al pidimientu d'esti d'impulsar la construcción dende los conceyos d'España, como solución al problema del paru; nella tamién defendía l'autonomía municipal y respetar la ''Llei del Suelu'' vixente nesi momentu pa impulsar un modelu urbanísticu sostenible. Arriendes, Anguita dio a la conxelación de les llicencies d'obres y del Plan Xeneral d'Ordenación Urbana (PGOU), decisión qu'atopó un ampliu refugu dende numberosos sectores de Córdoba, inclusive cola oposición del so teniente d'alcalde y compañeru de partíu, Herminio Trigo.<ref>{{cita web |url=http://hemeroteca.sevilla.abc.es/nav/Navigate.exe/hemeroteca/sevilla/abc.sevilla/1985/06/07/027.html|títulu=Socialistas y empresarios de Córdoba, contra la política urbanística de Anguita|último=|primero=|fecha=7 de xunu de 1985|idioma=|obra=ABC de Sevilla|cita=}}</ref> A empiezos de 1986 dimitió del so cargu y arrenunció a presentase de nuevu como alcalde pa les siguientes eleiciones. Sicasí, poco dempués saltaría al ámbitu políticu andaluz al convertise en candidatu d'[[Izquierda Xunida]] (IX) a la Presidencia de la [[Xunta d'Andalucía]].