Galaxa del Sombreru
Galaxa del Sombreru | ||
---|---|---|
| ||
Descubrimientu | ||
Descubridor | Pierre Méchain | |
Data | 6 de mayu de 1783 | |
Datos d'observación (dómina J2000.0) | ||
Tipu | Sa o Sb | |
Ascensión reuta | 12,0h 39m 59,4s | |
Declinación | -11° 37′ 23 | |
Distancia | 28 millones al | |
Magnitú aparente (V) | +8,0 | |
Tamañu aparente (V) | 9 × 4 minuto d'arcu | |
Constelación | Virgu | |
Carauterístiques físiques | ||
Magnitú absoluta | -22,6 | |
Radiu | Ente 25.000 y 70.000 al | |
Otres designaciones | ||
[editar datos en Wikidata] |
La Galaxa del Sombreru (tamién conocida como Oxetu Messier 104, Messier 104, o NGC 4594), ye una galaxa lenticular de la constelación de Virgu a una distancia de 28 millones d'años lluz. Afayóse por Pierre Méchain en 1781.
Tien un nucleu grande y brillante, una inusual protuberancia central, y una destacada banda de polvu nel discu galácticu. Dende la Tierra, vese de cantu, lo que-y apurre un aspeutu de sombreru sobre un quintu del diámetru de la Lluna llena.
Ye una galaxa espiral de la 8ª magnitú de tipu Sa o Sb. Ye invisible a güeyu, pero cenciellamente reconocible con pequeños telescopios.
Información xeneral
[editar | editar la fonte]La galaxa asítiase na constelación de Virgu, magar que nun se considera miembru del Cúmulu de Virgu. Una investigación recién convirtióla na galaxa más brillosa nun radiu de 10 megaparsecs,[1] con una magnitú absoluta intrínseca de -22,8.[2]
El diámetru de M104 asítiase ente los 50.000 y 140.000 años lluz. La so masa ye aproximao de 800.000 millones de soles.
M104 tamién tien un nutríu sistema de cúmulos globulares, con siquier dellos cientos d'ellos visibles con grandes telescopios, y una población envalorada de 2.000 o más, munchos más de los qu'orbiten la Vía Lláctea.
Imáxenes recién revelen que la galaxa tien un halu galácticu de grandes dimensiones. Tamién paez tener nel so centru un furacu prietu cola masa de 10⁹ mases solares.
Nuevos estudios fechos con ayuda del telescopiu d'infrarroxos Spitzer suxuren que la M104 pue ser en realidá una galaxa elíptica xigante que nel pasáu -hai aproximao 9.000 millones d'años- prindó material formando un discu enfiñíu nella que darréu evolucionó pa convertise no que vemos güei.[3][4]
Descubrimientu
[editar | editar la fonte]Afayóse a finales del sieglu XVIII, probablemente por Pierre Méchain, quien mentó'l so afayu'l 6 de mayu de 1783. Trátase del primer oxetu Messier amestáu tres la publicación inicial del Catálogu Messier; Messier añadiólu manualmente a la so copia personal el 11 de mayu de 1781, describiéndola como una «nebulosa bien tenue».
Foi descubierta independientemente por William Herschel el 9 de mayu de 1784.
En 1912, Vesto Slipher afayó que M104 tenía un gran desplazamientu al bermeyu. Calculóse que se ta alloñando de la Tierra a una velocidá de 1.000 km/s - una velocidá demasiáu alta pa un oxetu residente na Vía Lláctea. Ésta foi una de les sólides claves que fixeron pensar que M104 nun yera una nebulosa, como se pensó tiempu atrás, y que l'universu espándese en toes direiciones.
Referencies
[editar | editar la fonte]- ↑ A CATALOG OF NEIGHBORING GALAXIES
- ↑ Índiz de color tomáu de [1]. Recordar que ye la magnitú absoluta corrixendo los efeutos de l'absorción por polvu na mesma galaxa (0,22 magnitúes), y que'l rellumu real ye inferior (el dadu en primer llugar)
- ↑ NASA'S Spitzer Finds Galaxy with Split Personality
- ↑ Surprises in Image Decomposition of Edge-on Galaxies: does Sombreru have a (classical) bulge?
Enllaces esternos
[editar | editar la fonte]
Wikimedia Commons tien conteníu multimedia tocante a Galaxa del Sombreru.
- Messier 104, SEDS Messier (n'inglés)
- Astronomy Picture of the Day 9 de payares de 1995 (n'inglés)
- Astronomy Picture of the Day 20 de febreru de 2000 (n'inglés)
- Astronomy Picture of the Day 11 de mayu de 2005 (n'inglés)