Luis Menéndez Pidal

Luis Menéndez Pidal
Vida
Nacimientu	Payares, 15 d'agostu de 1861
Nacionalidá	España
Muerte	Madrid, 5 de febreru de 1932 (70 años)
Familia
Casáu con	Josefa Álvarez-Santullano y Aramburu (es) (1892 – 1932)
Fíos/es	Luis Menéndez-Pidal y Álvarez
Hermanos/es	Ramón Menéndez Pidal; Juan Menéndez Pidal
Estudios
Estudios	Universidá d'Uviéu
Llingües falaes	castellanu
Alumnu de	Alejandro Ferrant y Fischermans; Francisco Pradilla y Ortiz (es) ; José Villegas Cordero
Oficiu	pintor
Llugares de trabayu	Madrid
Trabayos destacaos	Salus infirmorum (es) ; La cuna vacía (es) ; Lazarillo de Tormes (es) ; En el locutorio (es)
Miembru de	Real Academia de Belles Artes de San Fernando
Xéneru artísticu	pintura de xéneru

Luis Menéndez Pidal (15 d'agostu de 1861, Payares – 5 de febreru de 1932, Madrid), foi un pintor asturianu.

Yera fíu del maxistráu Juan Menéndez Fernández, natural de Payares, y de Ramona Pidal, nacída en Villaviciosa. Trátase d'una familia inclinada a les artes y lletres, hermanu de Juan y Ramón Menéndez Pidal y el so fíu Luis, foi un un importante arquiteutu restaurador.

La infancia pasóla en delles ciudaes obligaos polos cambios de residencia de la familia por cuenta de la profesión del maxistráu de so padre. Terminó los estudios de Derechu na Universidá d'Uviéu nel 1884, carrera impuesta pol pá yá que la so vocación yera la pintura. Depués d'ello ingresó na Escuela de Belles Artes de San Salvador d'Uviéu y complementó colos estudios na Escuela Superior de Pintura de Madrid nel 1885, onde foi discípulu d'Alejandro Ferrant. Amplió los estudios n'Italia con beques, residiendo en Roma y estudiando con José Villegas Cordero y Francisco Pradilla y en Florencia, ingresando como alumnu na Academia Ussi, hasta la vuelta nel 1888. Nel añu 1892 casó con Josefa Álvarez Santullano y Aramburu, fixando la residencia de forma definitiva en Madrid.

Nel añu 1892 casó con Josefa Álvarez Santullano y Aramburu, fixando la residencia de forma definitiva en Madrid. Na Exposición de 1888 del Círculu de Belles Artes de Madrid espunxo Éxtasis de San Francisco y na Exposición Nacional de Belles Artes del 1890 obtuvo medaya de segunda clase col llenzu A buen xuez, meyor testigu, comprando entós la reina rexente María Cristina d'Habsburgu-Lorena dalguna de les obres.

Nos años 1892 y 1899 obtuvo medaya de primer clase con La cuna vacía y Salus infirmorun respeutivamente.

Como docente nomáronlu profesor de la Escuela Superior d'Artes Industriales de Madrid nel 1900. Al añu siguiente pasó a la Escuela d'Artes y Oficios Artísticos, a cargu de la disciplina d'Artes Decoratives y Pintura.

Nel 1907 accedió a la cátedra de Dibuxu y Ropaxe de la Escuela Superior de Belles Artes de San Fernando, puesto que desempeñó hasta la so xubilación a los setenta años. Pocos meses depués de retirase finó en Madrid el 4 de febrero del 1932.

Obres

Luis Menéndez Pidal pue consideraselu como ún de los pintores asturianos más importantes. Los rasgos más destacaos de la so obra seríen el dominiu del oficiu y l'academicismu, demostrando nes obres un gran interés por tolo asturiano. L'estilu yera mui personal, y taba consideráu como ún de los meyores colloristes d'España.

"Plañideres exipcies y Retratos”- 1887- presentaes na Exposición Nacional
"A buen xuez meyor testigu”- primer premiu del concursu de la revista madrileña “La Ilustración Española y Americana”
"La cuna vacia”- 1892- Primer medaya Esposión de Madrid.
"Un sonetu de Quevedo”- 1897- Esposición Internacional de Munich.
"Salus Infirmorum”1 -1899- Adquirida pol Estáu pal Muséu de Arte Modernu (España)
"Estudiu d'aldeana”- 1899
"Una tarde en Payares” -1899
"El Lazarillu de Tormes” 1924
"El viáticu na aldea”-1924
Nel 1918 pintó a frescu la cúpula d'una capilla de la ilesia de San Francisco'l Grande en Madrid.

El so estilu yera mui personal, y taba consideráu como unu de los meyores colloristes d'España. Pintor d'historia, pintó tamién cuadros decorativos y costumistes, demostrando en toos ellos el so gran dominiu de la composición y la téunica.

Referencies

↑ ^1,0 ^1,1 ^1,2 ^1,3 ^1,4 URL de la referencia: https://www.museodelprado.es/coleccion/artista/menendez-pidal-luis/cdb9c34a-fc82-43fa-bd58-50e836717f93.
↑ Afirmao en: Portal d'Archivos Españoles. Identificador PARES: 67570.
↑ URL de la referencia: https://www.rae.es/academicos/ramon-menendez-pidal-0.
↑ Afirmao en: Diccionario biográfico español. Identificador DBE: 12636/juan-menendez-pidal. Editorial: Real Academia de la Historia. Llingua de la obra o nome: castellanu. Data d'espublización: 2011.

Enllaces esternos

Wikimedia Commons tien conteníu multimedia tocante a Luis Menéndez Pidal.

Bibliografía

"El Concejo de Lena en el siglo XX a través de sus personajes” / Gaudencio Tomillo Montes. -- 1ª ed. -- Uviéu : Trabe ; [La Pola] : Conciyu de Ḷḷena, 2004
"La actitud arqueológica de Luis Menéndez-Pidal en la restauración de monumentos : un ejemplo metodológico de la reconstrucción de posguerra “/ Miguel Martínez Monedero -ISBN 84-9718-360-6 P. [922]-946 ”Las últimas restauraciones en Santa María del Campo de La Coruña” / Luis Menéndez Pidal. -- Madrid : Imp. C. Bermejo, 1960

[9ca71bf70426cc6e04a9c8f0f3cc36c256801e79-1] 1,0 ^1,1 ^1,2 ^1,3 ^1,4 URL de la referencia: https://www.museodelprado.es/coleccion/artista/menendez-pidal-luis/cdb9c34a-fc82-43fa-bd58-50e836717f93.

[334b36fff88d714dfd742bc57ccd1fdb339cfeb9-2] Afirmao en: Portal d'Archivos Españoles. Identificador PARES: 67570.

[c3ec718b2b9b69ce355fa1224353e181f3e757b9-3] URL de la referencia: https://www.rae.es/academicos/ramon-menendez-pidal-0.

[723a80c902a635c61bd49f6af16c39c0ae55a9b1-4] Afirmao en: Diccionario biográfico español. Identificador DBE: 12636/juan-menendez-pidal. Editorial: Real Academia de la Historia. Llingua de la obra o nome: castellanu. Data d'espublización: 2011.

[1]

[2]

[3]

[4]