Science
| ||
| ||
País |
| |
Idioma | Inglés | |
Categoría | Bioloxía | |
Añu de fundación | 1880 | |
Circulación | ||
Frecuencia | Selmanal | |
ISSN | ISSN 1095-9203 0036-8075, 1095-9203 | |
[editar datos en Wikidata] |
Science ye una revista científica y órganu d'espresión de l'American Association for the Advancement of Science (AAAS), l'Asociación d'Estaos Xuníos pa la Meyora de la Ciencia.
Historia
[editar | editar la fonte]Science foi fundada en Nueva York por John Michaels en 1880 con soporte financieru de Thomas Edison y darréu d'Alexander Graham Bell. Sicasí, primeramente nun tien enforma ésitu y remata la so publicación en marzu de 1882. Un añu dempués, l'entomólogu Samuel H. Scudder recupera la revista algamando una mayor sonadía al cubrir les xuntes de les sociedaes científiques d'Estaos Xuníos, incluyendo la AAAS.[1] Sicasí, en 1884, de nuevu tien problemes financieros y foi vendida al psicólogu James McKeen Cattell por 500 dólares. Nun alcuerdu ente Catelll y el, daquella, secretariu de la AAAS Leland O. Howard, Science pasa a ser l'órganu d'espresión de la Sociedá d'Estaos Xuníos pa la Meyora de la Ciencia en 1900.[2] Mientres los primeros años del sieglu XX son publicaos en Science, artículos como la xenética de la mosca del vinagre por Thomas Hunt Morgan, artículos d'Albert Einstein sobre gravitación, y la nebulosa espiral d'Edwin Hubble.[3] Dempués de la muerte de Cattell en 1944, la propiedá de la revista pasó a la AAAS.[4]
En 1900 adóptase como la revista de l'Asociación d'Estaos Xuníos pa la Meyora de la Ciencia. El mayor oxetivu de la revista ye la publicación d'afayos d'investigación recién (fonte primaria). Science ye tamién conocida polos sos science-related news (‘noticies rellacionaes cola ciencia’), que ye una publicación sobre política científica y otros asuntos en rellación cola área de les ciencies y teunoloxía. Cubre un ampliu rangu de disciplines científiques, pero tien especial interés nes ciencies de la vida. Tien un factor d'impautu en 2014 de 33.611 (midíu por Thomson ISI).
En 2007 esta revista foi gallardoniada col Premiu Príncipe d'Asturies de Comunicación y Humanidaes xunto cola revista Nature.
Referencies
[editar | editar la fonte]- ↑ AAAS, "150 Years of Advancing Science: A History of AAAS Origins: 1848-1899", 2004
- ↑ AAAS, "150 Years of Advancing Science: A History of AAAS AAAS and Science: 1900–1940", 2004
- ↑ «AAAS and Science: 1900-1940». American Association for the Advancement of Science. Consultáu'l 5 de xunetu de 2007.
- ↑ «AAAS - History and Archives». American Association for the Advancement of Science. Consultáu'l 5 de xunetu de 2007.