Ópera
Ópera | |
---|---|
xéneru musical, estilo teatral (es) | |
música escénica (es) | |
| |
La ópera (del Italianu opera, "obra musical") determina, dende aproximadamente l'añu 1350, un xéneru de música teatral nel qu'una aición escénica ye, armonizada cantada y tien acompañamientu instrumental, au los autores usen estilos pocu comunes al cantar.
Les presentaciones yeren ofertaes típicamente en teatros d'ópera, acompañaos por una orquesta o una agrupación musical menor.
La ópera forma parte del raigañu de la música clásica Europea o occidental.
Descripción
[editar | editar la fonte]La ópera tradicional básase en distintes modalidaes de cantu: recitativu, ariosu, y aria. Cántase tamién dúos, tríos, cuartetos... Toes éstes, n'ocasiones, puen apaecer combinaes con coru. A partir de mediaos del sieglu XIX, estes formes escomencipien abandonase, y xurden formes cada vez más llibres.
La representación n'Ópera
[editar | editar la fonte]A diferencia del oratoriu, la ópera española, el Singspiel alemán, la Opereta vienesa, la Opéra-comique francesa y el Musical inglés y norteamericanu. Caúna d'estes variantes del teatru musical tien les sos carauterístiques propies, ensin qu'éstes seyan privatives y, en nun poques vegaes, provocando que les llendes ente dichos xéneros nun seyan clares.
Disciplines qu'axunta la ópera
[editar | editar la fonte]N'ópera, como en bien de xéneros del teatru musical, xúnense:
- la música (orquestra, solistes, coru y direutor);
- la poesía (al traviés del llibretu);
- les artes escéniques (pintura, artes plástiques, decoración, arquiteutura)
- l'allumación y otros efeutos escénicos;
- el maquilllaxe y los vestuarios;
La ópera y otros xéneros
[editar | editar la fonte]La ópera suel estremase d'otros xéneros de teatru musical aceutándose que, a diferencia d'ellos, la ópera ye una representación acompañada dafechu por música. La historia del xéneru amuesa que tal afirmación nun ye correuta. Si bien la ópera diferenciase del teatru recitáu pola estraordinaria participación de la música na so constitución, conocíense yá dende'l barrocu formes llimítrofes como la Mascarada, la Ópera de balaes, la Zarzuela y el Singspiel que se tracamundien en non pocos casos como la ópera. Asina, los Singspiele de Wolfgang Amadeus Mozart considérense óperes al igual que les zarzueles de José de Nebra, mentantu que Die Dreigroschenoper (la Ópera de los tres centavos) de Kurt Weill ta, daveres, muuncho más allegada al teatru recitáu qu'a la ópera. Pa cabu, hai otros xéneros allegaos a la ópera como lu yeren les ópera-balé del barrocu Francés y dalgunes obres neoclasicistes del sieglu XX como, por casu, dalgunes obres d'Igor Stravinsky. Sicasí, nestes obres la parte principal espresiva recái na danza mentantu que'l cantu ye rellegáu a un papel secundariu. Al respeuto de la diferencia ente la ópera y la Zarzuela, la Opereta, el Singspiel y el Musical inglés y norteamericanu, la llende ñaz d'una diferencia formal. Estos xéneros carauterícense por tar estructuraos en númberos musicales pesllaos que van intercalaos nuna representación recitada, mentanto que la ópera ye dominada pola música y la cantidá de testu recitáu ye menor o dengún, y tien acompañamientu musical.
Referencies
[editar | editar la fonte]Enllaces esternos
[editar | editar la fonte]- Seición d'óperes de PianoMundo
- Ópera y voces
- Pro ópera!
- Web La Opera
- Una nueche na ópera. Foru d'ópera pa quien entamen y pa espertos
- Escelente pa escolinos. Óperes como cuentos. Archiváu 2009-10-07 en Wayback Machine
- Programa de radio sobre ópera dende Méxicu. Archiváu 2009-10-04 en Wayback Machine
- Diccionariu de la ópera
- Ópera pa lleer
- Web d'Opera en Costa Rica
- Kareol: Llibretos billingües d'óperes (idioma orixinal - español)
- Ópera, siempre. Bitácora sobre actualidá operística y cantantes llíricos d'anguaño
- Dramma per musica