Aktibismo
An aktibismo (o adbokasiya) pigbibilog kan mga paghingoa na magbusol, magpatunong, magdirekta, o makiaram sa mga repormang pansosyedad, pampolitika, pang-ekonomiya, o pangkapalibotan na may katuyohan na gumibo nin mga pagbabago sa sosyedad pasiring sa pigtutubodan na mas dakulang karahayan. An mga klase nin mga aktibismo nagkakalaen poon sa pagpagibo nin mandato sa komunidad (kaiba an pagsurat nin mga surat sa mga diyaryo), pagpirma nin petisyon sa mga opisyal sa gobyerno, pagbali o pag-ambag sa mga kampanya sa politika, piling pagtangkilik o boykot nin mga negosyo, asin demonstratibong klase nin aktibismo siring kan mga rally (o pagtiripon), pagmartsa sa tinampo, welga, sit-in, o pag-ayuno (o gutom bilang protesta).
Mapupwedeng isagibo an aktibismo sa pang-aroaldaw sa manlaenlaen na paagi, kabilang an pagtogdas nin arte (artibismo), pag-hack nin kompyuter (hacktivism), o sa simpleng paagi non pagpili kun pano gagastuson an saindang kwarta (aktibismong ekonomiko). Halimbawa, an pagsayuma na bakalon an mga gubing o produkto gikan sa sarong kompanya bilang sarong protesta tumang sa eksploytasyon kan mga trabahador kan kompanyang idto na mapupwedeng trataron na sarong ekspresyon nin aktibismo. Mala ngani, naggikan parati an pinakanahihiling asin pinakamaimpluwensyang aktibismo poon sa iribahan na paghiro, kun saen dakol na indibidwal an nag-oorolay tanganing isagibo an hirong protesta na magka-iriba tanganing magkaigwa nin sarong mas dakulang epekto.[1] Kilala bilang kilusang panlipunan ang sama-samang pagkilos na may layunin, organisado, at nanatili sa isang panahon.[2]
Toltolan
[baguhon | baguhon an source]- ↑ Tarrow, Sidney (1998). Power in Movement: Social Movements and Contentious Politics
(in English) (2nd ed.). Cambridge, UK: Cambridge University Press. ISBN 9781139076807. OCLC 727948411.
- ↑ Goodwin, Jeff; Jasper, James (2009). The Social Movements Reader: Cases and Concepts
(in English) (2nd ed.). Wiley-Blackwell. ISBN 9781405187640.