Werkln bei Procol Harum (Obschnitt)

== Gschicht ==
De meistn von de Musika, di si späta bei da ''Procol Harum'' zsammgfundn haum, haum scho friah untan Nauman „The Paramounts“ a boa [[Beatmusik|Beat]]- und [[Rhythm and Blues]]-[[Single (Musik)|Singles]] aufgnumman.

Da [[Gary Brooker]] und da [[Keith Reid]] ham de ''Procol Harum'' 1967 grindt. Da a wengl söötsaume Nauman soi wegn an Schreibfööhla entstaundn sei, haaßz. Wäu ma des owa nochan ned gscheid eaklean kennan hod, hod ma in Uasprung vom Nauman ins Lateinische glegt,<ref>{{cite web| title =Lost in translation| url =http://www.procolharum.com/doglatin.htm| accessdate =2007-08-12| archiveurl =https://web.archive.org/web/20070819052206/http://www.procolharum.com/doglatin.htm| archivedate =2007-08-19| offline =yes}}</ref> iwasetzt mid „fern von Hier und Jetzt“ (stimmd owar aa ned, wäu fia des miaßaz haaßn ''procul his''<ref>{{cite web|url=http://www.perseus.tufts.edu/hopper/text?doc=Perseus:text:1999.04.0059:entry=procul |title=Perseus.tufts.edu|publisher=Perseus.tufts.edu |date= |accessdate=2011-07-15}}</ref>).

Im Frihjoa 1967 is de Partie voa oim mid aan Liadl bekaunnt und berihmt wuan, des woa ''[[A Whiter Shade of Pale]]''. Vo dem haums scho kuaz nochdems aussekumman is 2,5&nbsp;Mülionan Stickl vakauft. Seitdem sans wöödweit wenigstns 6 Mülionen. Mid a so an Eafoig haum de Autorn Brooker und Reid natialich ned grechnet. Wichtig fian Eafoig wia des Hammonduarglgschpüü, mid dem si da [[Matthew Fisher]] stoak aunan [[Johann Sebastian Bach]] auglahnt hod.<ref>''[[:Datei:Air (Bach).ogg|Air (Bach)]]'' ([[Ogg]]-Format)</ref> Owa eascht 2006 hod a britisches Gricht in Matthew Fisher aan Täu von de Uahebarecht zuagschrim.

Es san no mea Hits kummam, wia ''Homburg'' und ''A Salty Dog''. Und aa in de 1970a Joah haums no Eafoig ghobt, unta aundan min Oibum ''Grand Hotel'', auf dem de [[Christiane Legrand]] ois [[Solist|Gastsolistin]] a gsungan hod.

Aussan hoatn Kean - da Brooker, da Wilson und da Reid - hod de restliche Bsetzung häufig gwexlt. Bis zua Auflösung 1977 hoz zehn Oibm gem, drunta ''[[Procol Harum Live in Concert with the Edmonton Symphony Orchestra|Live with the Edmonton Symphony Orchestra]]''. Do heat ma Liadl mid vüü Ideen und de aa oft aun da klassischn Musik ausgricht san. Es gibt owaraa wööche, de si gaunz stoak anan Blues aulahnan.

1991 hod si de oide ''Procol Harum'' wieda zsaummgfundn, nua min [[Mark Brzezicki]] an de Trummln stod in B.&nbsp;J. Wilson, dea jo 1990 gstuam is. Und no imma is de Gruppn a eafoigreiche Live-Band, owara im Studio sans wieda aktiv.