Klingenberg am Main

Basisdotn
Bundesland:	Bayern
Regiarungsbeziak:	Untafrankn
Landkroas:	Landkroas Miltenberg
Hechn:	128 m ü. NHN
Flächn:	21,14 km2
Eihwohna:	6234 (31. Dez. 2020)
Bevökarungsdichtn:	295 Einwohner je km2
Postleitzoi:	63911
Voawoi:	09372
Autokennzeichn:	MIL, OBB
Gmoaschlissl:	09 6 76 134
Stodgliedarung:	3 Ortstei
Address vo da; Stodvawoitung:	Rathausstraße 9; 63911 Klingenberg
Webseitn:	www.klingenberg-main.de
Buagamoasta:	Ralf Reichwein (CSU)
Log vo da Stod Klingenberg am Main im Landkroas Miltenberg
	Karte

Klingenberg am Main (amtli: Klingenberg a.Main) is a fränkische Stod im bayerischn Landkroas Miltenberg.

Geografie

Geografische Log

De Stod liegt am Untermain unmiddlboa an da Grenz zu Hessn und bsteht ausm oidn Ort Klingenberg sowia de beidn 1976 eihgmoantn Stodtei Trennfurt und Röllfeld. Röllfeld und Klingenberg lieng rechtsmainisch am Fuaß vom Spessart, währnd auf da westlichn Mainseitn und genau Klingenberg gengiwa Trennfurt an an Odenwald grenzt.

Auffällig san da Hohbeag (Richtung Erlenbach) und da Schlossbeag (Richtung Großheubach), zwoa Weinbeage obahoib vom Stodtei Klingenberg mid terrassnfeamign Steillogn, an dena unta ondam da bekonnte Klingenberga Rotwein onbaut werd, voawiegnd Spätburgunder und Portugieser.

Klingenberg liegt 12 km vo da Kroasstod Miltenberg, 28 km vom Obazentrum Aschaffenburg und 67 km vo Frankfurt am Main entfeant und gheat– wia da gsomte bayerische Untermain – zum Rhein-Main-Gebiet.

Da topografisch hechste Punkt vo da Stodgemarkung befindt se mid 385 m ü. NN am Lausbeag sidwestli vo Trennfurt, da niedrigste liegt im Main auf 116,5 m ü. NN.

Stodgliedarung

De Stod Klingenberg am Main ist in drei Stodtei gliedat:^[2]

Klingenberg am Main
Röllfeld
Trennfurt

Nochboagmoana

Stod Wörth am Main	Stod Erlenbach am Main	Moakt Mönchberg
Gmoa Lützelbach		Gmoa Röllbach
Stod Michelstadt	Gmoa Laudenbach	Moakt Großheubach

,

Nochboagmoana san im Noadn de Städt Erlenbach (auf da Klingenberga Mainseitn) und Wörth (auf da Trennfurta Mainseitn), im Ostn de Spessartgmoana Mönchberg und Röllbach, im Sidn Großheubach (auf da Klingenberga Mainseitn) und Laudenbach (auf da Trennfurta Mainseitn) sowia im Westn de hessische Odenwaldgmoa Lützelbach, de jedoch nua iwa Wörth zu eareichn is, und de Stod Michelstadt (Stodtei Brunnthal).

Noma

Etymologie

Ihrn urspringlichn Noma Clingenburg hod de Stod Klingenberg am Main vo da owahoib vom Ort liengdn Clingenburg.^[3] Da Zuasotz am Main untascheidt se vo weitan gleichnomign Ortn.

Friahare Schreibweisn

Friahare Schreibweisn vom Ort aus diversn historischn Koartn und Urkundn:^[3]

1100 Clingenburg
1108 Clingenburch
1241 Clingenberg

1594 Klingenberg
1675 Klingenberg am Meyn
1888 Klingenberg a.Main^[3]

Klingenberg, Röllfeld und Trennfurt in da Spessartkoartn vo Paul Pfinzing vo 1594 (Noadn is rechts)

Gedenkstoa in da Westmaua vom Grubinga Friedhof (Kirchhof)

Klingenberg in da Topographia Hassiae vo Matthäus Merian 1655

Wejtweit bekonnt is Klingenberg 1976 duachn Tod vo Anneliese Michel worn, de im Haus vo iahn Ejtan an extrema Untaeanährung gstorm is, nochdem in de Monat voa iahm Tod zwoa katholische Priesta insgsomt 67 Moi an groußn Exorzismus an ihr voizong ghod hom.

Eihgmoanunga

Des Kfz-Kennzeichn fia Klingenberg hod, solong de Stod zum Landkroas Obernburg gheat hod, OBB ghoaßn. Mid da Auflesung vom Landkroas Obernburg is Klingenberg 1972 in an nei buidtn Landkroas Miltenberg (Kfz-Kennzeichn MIL) kema. Im Rohma vo da Gmoagebietsreform is Klingenberg am 1. Jenna 1976 mid de bis dohi sejbstständign Gmoana Röllfeld und Trennfurt zua neien Stod Klingenberg vaeinigt worn.^[4]

Owahoib vo da Klingenberga Oidstod und vom Weinbeag liegt de middloitaliche Clingenburg.

1871 hod de Stod de Buagruine eawoabn. Im 20. Joahrhundad is de Buag touristisch easchlossn worn; so san etwa a Restaurant sowia a Aussichtsplottfoam oglegt worn, vo der ma oan guatn Blick auf de Oidstod unds Maintoi hod.

287 Stiang fiahn de Bsucha aufm Fuaßweg vo da Oidstod aus noch om.

Klingenberg hod a molarische historische Oidstod mid zoireichn Fochweakgebaidn ausm 16. Joarhundad, insbsondare in da Haptstroß, In da Oidstod, in da Kirchngoss und in da Lindenstroß.

Oidstod
Clingenburg
Clingenburg
Stodschloss
Pforrkiach Klingenberg
Brunntortuam
Pforrkiach Röllfeld
Trennfurt

Weinbau- und Hoamatmuseum und Brunntortuam

Schaustojn vom Tonbeagwerk Klingenberg im Weinbau- und Hoamatmuseum Klingenberg

Literatua

Friedrich Berninger: Chronik der Stadt Klingenberg am Main. Band 1–3, Stadt Klingenberg 1994–1996, DNB 963469797.
Katholisches Pfarramt Trennfurt: Trennfurter Kirchengeschichte : 250 Jahre St. Maria Magdalena Trennfurt. Trennfurt 2005, OCLC 634850109.

Beleg

↑ Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).
↑ bayerische-landesbibliothek-online (obgruafa im Jenna 2013)
↑ ^3,0 ^3,1 ^3,2 Wolf-Armin Frhr. v. Reitzenstein: Lexikon fränkischer Ortsnamen. Herkunft und Bedeutung. C.H.Beck, München 2009, ISBN 978-3-406-59131-0, S. 121 (Eingeschränkte Vorschau in da Google Buachsuach).
↑ Statistisches Bundesamt (Hrsg.): Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27. Mai 1970 bis 31. Dezemba 1982. W. Kohlhammer GmbH, Stuttgart und Mainz 1983, ISBN 3-17-003263-1, S. 751.