Asparagus
?Akar parsi | ||||||||||||
---|---|---|---|---|---|---|---|---|---|---|---|---|
Klasifikasi ilmiah | ||||||||||||
| ||||||||||||
Nama binomial | ||||||||||||
Asparagus officinalis L. |
Akar parsi[1] atawa asparagus (Asparagus officinalis) dalam pangartian awam adalah sabuting parian sayuran matan sabuting spesies tumbuhan genus Asparagus. Akar parsi marupakan parian tangarann perenial dwirumah.[2]
Akar parsi hudah dipakai wayah lawas sawagai bahan makanan marga rasanya nang nyaman wan sipat diuretiknya. Marga adanya sipat diuretik nitu, akar parsi bahasiat gasan malancarakan saluran pangamihan sahingga hingkat mambaiki gawian ginjal. Akar parsi marupakan sumber pambaiknya asam folat nabati, lawan kada tapi banyak kaluri, kada mangandung lamak atawa kulistirul, lawan juwa mangandung saikit natrium. Tumbuhan ngini juwa marupakan sumber rutin, sabuting sanyawa nang kawa manguatakan tawing kapiler.
Ngaran ilmiah
[babak | babak asal-mulanya]Akar parsi memiliki ngaran ilmiah yaitu Asparagus officinalis. Spesiesnya tamasuk dalam kulaan babawangan.[3]
Garambas
[babak | babak asal-mulanya]Akar parsi tumbuh lawan akar-akar nang bagarumbung. Akar cagaran batuyuk dimulai matan bagian nodus batang. Tagas akarnya baisi wan pina mungkal.[4] Tagas bagian batangnya cladode nang tamasuk parian phylloclade. Jumlah internodusnya antara sabuting atawa dua. Internodus nang panjang wan sukulen disebut cladode.[5] Bagian daun matan asparagus kawa barubah jadi panting.[6]
Sipat kimia
[babak | babak asal-mulanya]Akar parsi marupakan sasukat sayur nang kada tapi mahasilkan etilen. Tingkat sensitivitas akar parsi duwa etilen juwa sasadangan haja.[7]
Kandungan giji
[babak | babak asal-mulanya]Satiap anam batang akar parsi mangandung Pitamin C 22 mg. Pitamin ngini magun ada haja dalam akar parsi lamun dimasak wayah baku atawa masak.[8] Satiap 3,5 uns akar parsi juwa mangandung karnitina 0,195 mg.[9] Akar parsi juwa mangandung asam folat nang malimpuar.[10]
Akar parsi randah kaluri, kada mangandung kolesterol wan randah saudium. Ngini juwa marupakan sumber nang baik gasan Pitamin B6, kalsium, maknisium wan seng, wan sumber nang baik banar gasan serat, protein, Pitamin A, Pitamin C, Pitamin E, Pitamin K, thiamin, riboflavin, rutin, niacin, asam folat, besi, fosfor, kalium, tembaga, mangan wan selenium. Akar parsi juwa kaya kandungan asam amino asparagina.
Inang
[babak | babak asal-mulanya]Asparagus marupakan salah sabuting inang gasan hulat bawang (Spodoptera exigua). Hulat bawang marupakan parian hulat nang mamakan samunyaan tanaman.Hulat bawang nang kikicikan cagaran mamakan daun tumbuhan wan maulah daun baluang. Bagian nang dimakan dimulai matan higa daun bagian parmukaan atas atawa bawah.[11]
Panyimpanan
[babak | babak asal-mulanya]Asparagus awit disimpan di dalam kulkas dalam sasala waktu 2-3 hari. Hawa pandinginannya kikira 0,5–4,4 °C. Masa awitnya kawa tahan sampai 8 bulan apabila disimpan di dalam lamari pembaku lawan suhu kurang matan 0 °C.[12] Asparagus nang disimpan rahatan suhu 0–2 °C lawan kalambapan 95% kawa tahan sampai 2–3 minggu.[13]
Bagian asparagus nang kawa dibakuakan adalah bagian batang anum nang lunak lawan bagian hujung nang tasampuk. Sabalum dibekukan, asparagus dibasuh sampai barasih wan disusun sasuai ukurannya. Limbah nitu, asparagus ditatak 2 inci wan bagian hujungnya disisaakan.
Pamakanan
[babak | babak asal-mulanya]Asparagus marupakan salah sabuting parian kundang lamun budidaya di Mediterania.[3] Asparagus dibarasihi lawan cara manguyak kulit bagian pangkal batangnya.[14]
Asparagus marupakan salah sabuting parian sayur nang musti dihatiakan lawan urang nang bapanyakit asam urat. Inggan maksimalnya adalah 100 gram sahari. Takarannya sama lawan 6 sudu sayur.[15]
Jujuhutan
[babak | babak asal-mulanya]Catatan kaki
[babak | babak asal-mulanya]- ^ (Bahasa Indonesia) parsi akar parsi: Kamus Besar Bahasa Indonesia
- ^ Parker, SYbil, P (1984). McGraw-Hill Dictionary of Biology. McGraw-Hill Company.
- ^ a b Hakim, Luchman (2014). Etnobotani dan Manajemen Kebun-Pekarangan Rumah: Ketahanan pangan, kesehatan dan agrowisata (PDF). Malang: Penerbit Selaras. hlm. 29. ISBN 978-602-18900-3-5.
- ^ Silalahi dan Adinugraha 2019, hlm. 5.
- ^ Silalahi dan Adinugraha 2019, hlm. 15.
- ^ Silalahi dan Adinugraha 2019, hlm. 36.
- ^ Asiah 2020, hlm. 48-49.
- ^ Winarni, Nissa, dan Purnami 2019, hlm. 40.
- ^ Winarni, Nissa, dan Purnami 2019, hlm. 67.
- ^ Rahayu, A., dkk. (2018). Hadianor, ed. Study Guide: Stunting dan Upaya Pencegahannya bagi Mahasiswa Kesehatan Masyarakat (PDF). Bantul: CV Mine. hlm. 102. ISBN 978-602-52833-1-4.
- ^ Udiarto. B. K., Setiawati, W., dan Suryaningsih, E. (2005). Pengenalan Hama dan Penyakit pada Tanaman Bawang Merah dan Pengendaliannya (PDF). Bandung: Balai Penelitian Tanaman Sayuran. hlm. 8. ISBN 979-8304-48-9.
- ^ Asiah 2020, hlm. 56.
- ^ Wardah dan Sopandi, T. (September 2016). Teknologi Hasil Pertanian (PDF). Surabaya: PT Revka Petra Media. hlm. 33. ISBN 978-602-4170-59-2.
- ^ Buleng, Apri (2020). Sajian Sayur ala Rumahan. Jakarta: Demedia Pustaka. hlm. 14. ISBN 978-979-082-325-9.
- ^ Madyaningrum, E., dkk. (Februari 2021). Buku Saku Kader: Pengontrolan Asam Urat di Masyarakat (PDF). Yogyakarta: Fakultas Kedokteran, Kesehatan Masyarakat dan Keperawatan (FK-KMK) UGM. hlm. 7. ISBN 978-602-6801-22-7.
Daftar pustaka
[babak | babak asal-mulanya]- Asiah, N., dkk. (2020). Prinsip Dasar Penyimpanan Pangan Pada Suhu Rendah (PDF). Makassar: Penerbit Nas Media Pustaka. ISBN 978-623-6941-31-7.
- Silalahi, M., dan Adinugraha, F. (2019). Sihotang, H., dan Jatmoko, I., ed. Penuntun Praktikum Morfologi Tumbuhan (PDF). Jakarta Timur: UKI Press. ISBN 978-623-7256-36-6.
Pranala luar
[babak | babak asal-mulanya]Wikimedia Commons baisi tumbung pasal Asparagus |
- (Bahasa Inggris) Multilingual taxonomic information from the University of Melbourne
- (Bahasa Inggris) Asparagus information from the Michigan Asparagus Advisory Board
- (Bahasa Inggris) World Asparagus Situation and Outlook Archived 2012-10-18 at the Wayback Machine (pdf)