Wikipedia:About
བོད་ཡིག་ཝེ་ཁེ་རིག་མཛོད། ལོ་ངོ་ 250 ཡི་ལོ་རྒྱུས་ལྡན་པའི་དབྱིན་ཇིའི་ཀུན་བཏུས་རིག་མཛོད། (Encylopedia)དེ་ 2012 ལོར་དཔར་མཚམས་བཞག་པ་རེད། རྒྱུ་མཚན་ནི་དྲ་རྒྱའི་རིག་གནས་ཏེ་ཝེ་ཁེ་རིག་མཛོད་(wikipedia)སྣ་འཛོམས་ཅན་དུ་འཕེལ་རྒྱས་འགྲོ་བཞིན་པ་དང་དེང་སྟབས་བདེ་བའི་ལྟ་ཆས་ལག་ཁྱེར་ཁ་པར་ཀུ་ཤུ་སོགས་ཐོན་པས། ཡིག་དཔར་མའི་ཀུན་བཏུས་རིག་མཛོད་ཀྱིས་ནང་དོན་མང་དང་། དུས་ངེས་མེད་བཤེར་འཚོལ། བཤེར་འཚོལ་སྟབས་བདེ་ཡིན་མིན་སོགས་གང་ཅིའི་ཐད་ནས་ཝེ་ཁེ་རིག་མཛོད་ལ་མ་དོ་བས་དཔར་མཚམས་བཞག་དགོས་བྱུང་བ་རེད།
ཚོགས་ཆུང་འཛུགས་པའི་དགོས་པ།
དུས་རབས་ཀྱི་འགྲོས་དང་བསྟུན་ནས། གོ་ལ་ཧྲིལ་པོ་ཆ་འཕྲིན་ཅན་ལ་ཁ་ཕྱོགས་པ་དང་ཆབས་ཅིག་རྒྱལ་སྤྱིའི་སྐད་ཡིག་མང་པོ་ཞིག་གི་དཔར་བསྐྲུན་ལ་འགྱུར་ལྡོག་ཆེན་པོ་འགྲོ་བཞིན་ཡོད། དེས་ན་བོད་ཡིག་ཀྱང་དེ་ལས་མ་འདས་ཤིང་། བོད་སྐད་ཡིག་ལ་དགའ་ཕྱོགས་ཡོད་པའི་དམངས་ཁྲོད་དང་བླངས་པས་ཝེ་ཁེ་བོད་ཡིག་རིག་མཛོད་བསྐྲུན་རྒྱུ་དེ་ནི། བོད་སྐད་ཡིག་གིས་དེང་རབས་ཀྱི་འཕེལ་རྒྱལ་ལ་འགྲན་ནུས་མིན་དང་མ་ཉམས་གོང་འཕེལ་ཡོང་ཐུབ་མིན་གྱི་ཐབས་ལམ་གཙོ་གྲས་ཤིག་རེད།
ཚོགས་ཆུང་གི་འགན་དབང་།
ད་ཡོད་ཀྱི་དེབ་ཐེར་དང་དཔེ་ཆ་ཡིག་རྙིང་། དེ་མིན་ཝེ་ཁེ་རིག་མཛོད་ཀྱི་སྐད་ཡིག་གཞན་སོགས་ལས། ལོ་རྒྱུས། ས་ཁམས། ནམ་ཟླ། ཡུལ་ལུང་དང་རྒྱལ་ཁབ། རིག་གནས། སྒྱུ་རྩལ། ལུས་རྩལ། མི་སྣ་སོགས་ཀྱི་ཡིག་ཆ་འཚོལ་སྡུད་བྱས་ནས་གློག་ཀླད་ནང་གཏགས་རྗེས་ཝེ་ཁེ་རིག་མཛོད་ནང་ཚིག་ཚན་བཟོ་སྒྲིག་བྱ་རྒྱུ་ཡིན།
ཚོགས་ཆུང་གི་དམིགས་ཡུལ།
- ༡ བོད་ཡིག་ཆ་འཕྲིན་སྣ་ཁ་འཛོམས་པ་ཞིག་ཏུ་བསྐྲུན་པར་ཞབས་འདེགས་ཞུ་རྒྱུ།
- ༢ ཚོགས་མི་རང་ངོས་ནས་འཛམ་གླིང་གི་ཆེས་སྔོན་ཐོན་གྱི་ཚན་རིག་ལག་རྩལ་གྱི་འགྲོ་ཕྱོགས་ལ་རྒྱུས་ལོན་དང་ངེས་ཤེས་རྙེད་རྒྱུ།
- ༣ འཛམ་གླིང་ཡུལ་གྲུ་ཀུན་གྱི་བོད་སྐད་ཡིག་དང་རིག་གནས་ལ་དགའ་ཞེན་ཡོད་མཁན་ཚོར་རིན་མེད་ཀྱིས་རྒྱུ་ཆ་མཁོ་འདོན་བྱ་རྒྱུ།
ཚོགས་ཆུང་གི་རྩ་དོན།
- ༡ ཆབ་སྲིད་དང་ཁྲིམས་ལུགས་ལ་ཕོག་ཐུག་གཏོང་མི་རུང་།
- ༢
- ༣ རྩོམ་པ་པོ་བཅས་པའི་མི་སྒེར་གྱི་ཁེ་ཕན་ལ་བརྩི་སྲུང་གནང་བ།
ཚོགས་ཆུང་གི་སྒྲིག་གཞི།
ཚོགས་ཆུང་གི་བྱ་རིམ།
ཚོགས་ཆུང་གི་བྱ་ཐབས།
- ༡ འཚོལ་སྡུད་དང་ཡིག་གཏགས་ནི་གཏན་འཁེལ་གྱི་དུས་ཚོད་ནང་ཚར་ན་འགྲིག ནང་དོན་ཐད་གོང་གསལ་གྱི་ནང་དོན་ཕུད་པའི་གཞན་དག་རང་འདོད་ཀྱིས་གདམ་ན་འགྲིག འོན་ཀྱང་ཁ་གྲངས་མང་ཉུང་ཚད་ལོན་པ་དགོས།
- ༢ ཚིག་ཚན་བཟོ་སྒྲིག་དེ་ལ་ཅུང་དཀའ་ཁག་ཡོད་རུང་། མཛུབ་སྟོན་བྱེད་མཁན་ཡོད་ཚེ་ཆུ་ཚོད་ཕྱེད་ཀའི་ནང་ཤེས་པས། ངེད་ཚོགས་ཆུང་ནས་སྦྱོང་བརྡར་སྤྲད་ཆོག
དེ་མིན་ཁ་གསབ།
- ༡ ཚོགས་རྟགས་གཏན་འཁེལ་བྱ་རྒྱུ་ཡིན།
- ༢ ཚོགས་མི་བསྡུ་བའི་དུས་ཚོད་ད་ལྟར་གཏན་འཁེལ་བྱས་མེད་ཀྱང་།人人དང微博སོགས་བརྒྱུད་ནས་ཁྱབ་བསྒྲགས་བྱ་རྒྱུ་ཡིན།