Dañsadeg Dukez Richmond
Dañsadeg Dugez Richmond a c'hoarvezas e Brusel d'ar 15 a viz Mezheven 1815, e derc'hent Emgann Quatre Bras, e ti Charlotte, Dugez Richmond. He fried, Charles Lennox, pevare Dug Richmond, a oa e penn ur rannarme e Brusel, karget da ziwall kêr diouzh arme Napoleone Buonaparte.
Elizabeth Longford a skrivas e oa "brudetañ dañsadeg an Istor" ; "un afer dispar e voe", ha "war-bouez tri jeneral, en em ziskouezas eno kement ofiser uhel a oa en arme Wellington", emezi.
Levezon sevenadurel
[kemmañ | kemmañ ar vammenn]Awenet e voe meur a skrivagner pe arzour gant an dañsadeg-se en XIXvet kantved.
Meneget e voe gant Walter Scott e Paul's Letters to his Kinsfolk[1].
Deskrivet e voe gant William Makepeace Thackeray e Vanity Fair ha gant Lord Byron e Childe Harold's Pilgrimage. Byron a daolas gouloù war sked an dañsadeg hag euzh an emgann, hag a roas brud d'ar c'himiadoù enkrezet :
Ah! then and there was hurrying to and fro,
And gathering tears, and tremblings of distress,
And cheeks all pale, which but an hour ago
Blushed at the praise of their own loveliness;
And there were sudden partings, such as press
The life from out young hearts, and choking sighs
Which ne’er might be repeated; who could guess
If ever more should meet those mutual eyes,
Since upon night so sweet such awful morn could rise!
— Lord Byron, Childe Harold's Pilgrimage
Thackeray a implijas an dañsadeg e Vanity Fair ma voe awenet, gant e bajennadoù, meur a film, evel hini 1935 gant RKO ha Becky Sharp (harozez e romant), kentañ film Technicolor[2]</ref>(en) The American WideScreen Museum</ref>,[3] ken e c'haller lavarout eo dañsadeg Dugez Richmond eo an darvoud istorel kentañ a weler en ur film liv.
Arzourien a voe awenet ivez, evel John Everett Millais, a livas The Black Brunswicker e 1860, Henry Nelson O'Neil a reas Before Waterloo e 1868, ha Robert Hillingford a livas The Duchess of Richmond's Ball[4].
Ur rann e voe an dañsadeg eus trede arvest ur reuzc'hoari anvet In the Days of the Duke skrivet gant Charles Haddon Chambers ha J. Comyns Carr.
Notennoù
[kemmañ | kemmañ ar vammenn]- ↑ (en) p.16 Scott, Walter : Paul's Letters to his Kinsfolk, R. Cadell, 1841
- ↑ (en) Martin B. Hart. Technicolor: Early Live Action Films: All singing, All dancing, All Color!
- ↑ (en) What? Color in the Movies Again?
- ↑ The Duchess of Richmond's Ball, livadur gant Robert Alexander Hillingford e Goodwood House, sez duged Richmond