Сим Хун
Сим Хун | |
심훈 | |
| |
Ажал үйлэ: | |
---|---|
Түрэһэн үдэр: | |
Түрэһэн газар: | |
Эрхэтэнэй харьяалал: | |
Наһа бараһан үдэр: |
1936 оной 9 һарын 16 (35 наһатай) |
Наһа бараһан газар: |
Сим Хун (солонгосоор 심훈, 沈熏, 12.12.1901 – 16.12.1936, жэнхэни түрэһэн нэрээрээ Сим Дэсоп), Солонгос ирагуу найрагша, уран зохёолшо.
1901 оной 9 һарын 12-то Сеул хотодо түрэһэн намтартай. 1919 ондо, ахалагша ангиин һурагша болоод ябахадаа, Япон эзэнтэ гүрэнэй эзэрхэг түримхэй ябуулгануудта эсэргүү Гурбан һарын нэгэн үдэрэй хүдэлөөндэ (солонгосоор 삼일운동, Самиль хүдэлөөн) хабаадаад баригдажа, дүрбэн һарын туршада шорондо хаагдаа һэн. Шоронһоо табигдаһанай удаа Хитадай Чжэцзян можын дээдэ һургуулиин удха зохёолой тэнхимдэ һураба. 1924 ондо һургууляа дүүргэжэ, түрэһэн нютагаа бусаһан юм. Сим Хун Японой засагай зүгһөө эзэрхэг хамалганда ороһоншье һаа, зүрхэ сэдьхэлээрээ сүхэрөөгүй, эхэ нютагайнгаа эрхэ сүлөөгэй түлөө тэмсэхээр хэзээдэшье бэлэн байгаа. Энэ үедэ тэрэ сониной сурбалжалагша болоо, ирагуу найрагшын, уран зохеолшын абьяасынь элирээ бэлэй. Солонгос уласай тусгаар амяарлан тогтоһоор арбан жэлэй үмэнэ, оройдоо 35 наһатайдаа Сим Хун балнад үбшэнһөө наһа бараһан юм.
Шухала зохёолнууд
[Заһаха | үндэһэн бэшэгые заһабарилха]- Мүнхын миһэрэл ((《영원의 미소》), 1987 ондо KBS 1TV-гэй сериалжуулагдаһан)
- Мүнхэ ногоон модон (《상록수》)
- Чжигнесон (《직녀성》)
- Тэрэ үдэрэй ерэбэл (《그 날이 오면》)
- Наранай гарахада (《먼동이 틀 때》)
- Дурна зүгһөө ерэһэн инаг дуран (《동방의 애인》)
- Феникс (《불사조》)
- Суу бэлигтэнэй ябадалнууд (《기남의 모험》)
- Шаббат (《새벗》)
- Табадугаар һарын онсо байдал (《오월의 비상》)
- Һүүлшын гайхал (《황공의 최후》)
- Хүхы шубуунай бархираан (《뻐꾹새가 운다》)