American Pie
|
C'l artìcul chè 'l è scrit in
Miranduléś |
 American Pie
| ||
| American Pie | ||
 Biggs, Nicholas e Thomas in na figùra dal film | ||
| Tórta 'd póm 1999 | ||
|---|---|---|
| Regìa: Paul Weitz • Chris Weitz | ||
| Scritōr: Adam Herz | ||
| Atōr: Thomas Ian Nicholas • Eddie Kaye Thomas Jason Biggs • Chris Klein • Shannon Elizabeth Tara Reid • Eugene Levy • Seann William Scott Alyson Hannigan • Mena Suvari • Chris Owen | ||
| Müsica: David Lawrence | ||
| Léngua: Ingléś | ||
| Dürä dal film: 96 minüt | ||
| Nasiōṅ: Stat Unî | ||
American Pie (Tórta 'd póm) 'l è na cumèdia americàna dal 1999 ad Paul Weitz e ad Chris Weitz, dū fradèi chè a la lōr prima regìa.
Custa ùndas migliòṅ ad dòlar, al film al gh'à abû pò un sucès clamuróś e al 'n à fat sù da piò ad duśènt-trentasìnc migliòṅ. Par dasfrutàr-'n al sucès i vènan fóra in di an sucesìṿ sèt film fra séguit, pelìculi p'r al marcâ televiśìṿ e spin-off.
Par la culòna sunóra dal film, i Blink 182 i càntan dū pès, Mutt e Every time i look for you.
Sunt
Jim Levenstein (Jason Biggs), Kevin Myers (Thomas Ian Nicholas), Paul Finch (Eddie Kaye Thomas) e Chris Ostreicher dit Oz (Chris Klein) i èṅ quàtar śuvnòt ch'i vaṅ a scóla insém, i èṅ a 'l ùlt'm an, ma i gh'aṅ anc 'n àtar quèl in cumùṅ, qvél 'd ès'r incóra vìrgin. Dòp n'atra fèsta pasàda in biànc sénsa psēr puciàr al biscòt, gl'àmig i decìdan ad far un pat par jutàr-as a ciulàr prima ch'a finìs la scóla. I gh'aṅ n'ultma ucaśiòṅ durànt na fèsta a cà dal galét Steve Stifler (Seann William Scott).
Jim al vrév far-as na studènta céca, la Nadia (Shannon Elizabeth), ch'la gh piàś dimóndi. Al la tōś śò cun la webcam méntar la s cava śò ma sénsa vlér al la fà védar a tuta la scóla faghénd na figùra da ciòld cun tuti chi atri ragasōli, a part la Michelle (Alyson Hannigan), na sunadōra ad sibiōl fóra ad tèsta, ch'la gh la dà vluntéra.