Colombier NE
|
- La mallongigo NE en Colombier NE staras por la svisa Kantono Neŭŝatelo. Por aliaj signifoj de la nomo vidu sub Colombier. |
| Colombier | |
|---|---|
 | |
| Blazono de Colombier | |
 | |
| Kastelo de Colombier | |
| Ortschaft • former municipality of Switzerland | |
| Kantono | Neŭŝatelo |
| Komunumo(j) | Milvignes |
| Geografia situo | CH1903: 556472 / 201892 (mapo)46.9666666666676.8666666666667Koordinatoj: 46° 58′ N, 6° 52′ O; CH1903: 556472 / 201892 (mapo) |
|
| |
| Nombro de loĝantoj | 5592 (2010) |
| Areo | 4,52 km² |
| Alteco | 457 m super marnivelo |
| Poŝtkodo | 2013 |
 | |
| Mapo de Colombier | |
Colombier estis ĝis fino de decembro 2012 svisa komunumo en la distrikto Boudry en Kantono Neŭŝatelo. Ĝi havis 5592 loĝantojn je la 31-a de decembro 2010. Kun efiko de la 1-a de januaro 2013 ĝi estis kunigita kun la komunumoj Auvernier kaj Bôle al la nova komunumo Milvignes.
Geografio
[redakti | redakti fonton]Colombier situas ĉe la norda bordo de la Lago de Neŭŝatelo, proksimume 5 kilometrojn sudokcidente de la kantonĉefurbo Neŭŝatelo. La komunumo konsistas el la vilaĝo Colombier ĉe la lagobordo kaj la vilaĝetoj Cottendart (sur alteco de 570 m s.m.) kaj Le Villaret (sur alteco de 600 m s.m.) ambaŭ ĉe la suda deklivo de Ĵuraso.
La teritorio de la iama komunumo etendiĝas sur areo de 4,52 km², de kiuj 20% estas kovritaj de arbaro, 41% servas por agrikulturo kaj 38% por setlado.[1]
Iamaj najbaraj komunumoj
[redakti | redakti fonton]La iama komunumo Colombier limis ĝis decembro 2012 en nordo al Corcelles-Cormondrèche, en oriento al Auvernier, en sudoriento al la Lago de Neŭŝatelo, en sudo al Boudry, en okcidento al Bôle, kaj en nordokcidento al Rochefort.
Trafiko
[redakti | redakti fonton]Tra Colombier pasas la kantona ĉefvojo n-ro 5 kaj la svisa aŭtovojo A5, al kiu ĝi disponas pri propra alveturejo. Colombier disponas pri stacidomo ĉe la trajnlinio de Svisaj Federaciaj Fervojoj de Bielo al Laŭzano. La komunumo estas ankaŭ servata de la neŭŝatela tramlinio n-ro 5 de Neŭŝatelo al Boudry.
Historio
[redakti | redakti fonton]La unua dokumenta mencio de Colombier datiĝas el la jaro 1228 kiel Columbier.
Sub la hodiaŭa kastelo de Colombier estis trovitaj la restaĵoj de unu el la plej grandaj romiaj vilaoj en Svislando. La unua dokumenta mencio de Colombier datiĝas el la jaro 1228 kiel Columbier. La kastelo de Colombier estis dum mezepoko la sidejo de la Senjorujo de Colombier. En la jaro 1534 la grafo de Neŭŝatelo akiris la senjorujon. Ĝis 1832 Colombier estis la sidejo de neŭŝatela majorejo.[2]
En 2012 la kastelo de Colombier gastigas militan muzeon kaj lertigejon por soldatoj kaj policistoj.
Pere de la kunigo de Auvernier, Bôle kaj Colombier al la nova komunumo Milvignes la loko kun efiko de la 1-a de januaron 2013 ĉesis ekzisti kiel memstara komunumo.
La fervojkatastrofo de la 22-a de marto 1871
[redakti | redakti fonton]La 22-an de maro 1871 en Colombier armea ekstratrajno, kiu transportis internitajn soldatojn de la franca Bourbakiarmeo, koliziis kun ŝarĝotrajno ŝarĝita de karbo. Mortis 22 homoj kaj vundiĝis 72. Ankoraŭ hodiaŭ monumento memorigas tiun katastrofon, kiu estis unu el la plej gravaj fervojakcidentoj en Svislando.
Vidu ankaŭ
[redakti | redakti fonton]- Aliaj lokoj kun la nomo Colombier
- Colombier NE (stacidomo)
- Colombier NE Allées Littorail (stacidomo)
- Colombier NE Les Chézards (stacidomo)
- Colombier NE Littorail (stacidomo)
- Tramtransporto en Neŭŝatelo
Notoj kaj referencoj
[redakti | redakti fonton]Eksteraj ligiloj
[redakti | redakti fonton]- Oficiala retejo de la komunumo Colombier
- Colombier NE en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Colombier – (Kolekto de bildoj kaj plurmediaj dosieroj)
- retejo de la kastelo Arkivigite je 2017-04-18 per la retarkivo Wayback Machine
Bildoj
[redakti | redakti fonton]-
Senjora bieno de Vaudijo en Colombier
-
Le Pontet
