Gouda

Ĝemelurboj
	Solingen ; Kongsberg ; Gloucester ; Finsterwalde vd

Gouda
nederlanda municipo (1812–) vd
Flago	Blazono
Administrado
Ĝemelurboj
	Solingen ; Kongsberg ; Gloucester ; Finsterwalde vd
Poŝtkodo	2800–2809
En TTT	Oficiala retejo [+]
Demografio
Loĝantaro	73 681 (2021) [+]
Loĝdenso	4 069 loĝ./km²
Geografio
Geografia situo	52° 1′ N, 4° 42′ O (mapo)52.0180555555564.7055555555556Koordinatoj: 52° 1′ N, 4° 42′ O (mapo) [+]
Alto	0 m [+]
Areo	18,11 km² (1 811 ha) [+]
Horzono	UTC+01:00 [+]
	Gouda (Nederlando)
	Situo de Gouda
Alia projekto
	Vikimedia Komunejo Gouda [+]
	v • d • r

Ĉi tiu artikolo temas pri urbo Gouda. Por aliaj signifoj vidu la artikolon Gaŭdo-fromaĝo.

Gouda (nederlanda prononco [ĤAŬda], esperante Gaŭdo) estas malnova urbo en la mezo de la provinco Suda Holando de Nederlando. Grafo Floris la 5-a donis en 1272 la urborajtojn al la urbo. Estis la unuaj urborajtoj kiuj estis donitaj en Suda Holando.

Gouda estas mondfama pro sia fromaĝo, kiu estas negocata je la ĵaŭda fromaĝofoiro. La urbo ankaŭ estas konata pro la fabrikado de kandeloj, fumpipoj kaj siropvafloj. En pasintaj tempoj Gouda havis gravan drapoindustrion kaj grandan nombron da bierofarejoj. La Gouda fromaĝo ne tiom estas farita en Gouda, sed en la ĉirkaŭa regiono. La plengrasa fromaĝo ricevis sian nomon pro la fakto ke ĝi estas forkomercita en Gouda, ĉe kio la urba estraro zorgas pri severa kvalitokontrolo. La fromaĝoj estas pezataj en la pesejo (Waag). Ankoraŭ nuntempe dum la somero estas fromaĝofoiro je ĵaŭdomateno. Plue Gouda estas konata pro la jara kandelovespero kie laŭ tradicio la urbestro laŭtlegas la evangelion de Johano. La belegan kristnaskan arbon ĉiujare donacas la ĝemela urbo Kongsberg Norvegio.

Statistikaĵoj

La municipo Gouda havis je la 1-a de januaro 2005 71 764 loĝantojn. La areo estas 1 811 hektaroj, la doĝdenso sekve komence de 2005 estis 39,5 loĝantoj po hektaro. En 2003 estis ĉirkaŭ 30 000 domoj.