Marajó
| Marajó | |||
|---|---|---|---|
 Satelita bildo de la insulo | |||
| insulo [+] | |||
| Akvejo | Amazona rivero, Atlantiko | ||
| Supermara alteco | 19 m [+] | ||
| Koordinatoj | 0° 59′ S, 49° 35′ U (mapo)-0.978611-49.581667Koordinatoj: 0° 59′ S, 49° 35′ U (mapo) | ||
| Ĉefa loko | Breves | ||
| Plej alta punkto | Breves | ||
| - alteco | 40 m | ||
| Longo | 297 km (185 mi) | ||
| Larĝo | 204 km (127 mi) | ||
| Akvokolektejo | 40 100 km² (4 010 000 ha) [+] | ||
| Areo | 40 100 km² (4 010 000 ha) [+] | ||
| Loĝantaro | 419 744 [+] (2022) | ||
| Horzono | UTC-03:00 [+] | ||
|
|||
|
|||
 |
|||
| Marajó | |||
 Vikimedia Komunejo: Ilha de Marajó [+] |
|||
Marajó [maraĵo] estas brazila insulo en subŝtato Parao antaŭ la elfluejo de rivero Amazono.
Ĝi havas areon de ĉ. 40 100 km² kaj estas la plejgranda rivera insulo en la mondo (iuj ne agnoskas ĝin kiel riveran insulon, ĉar ĝia nord-orienta bordo estas mara) kaj la 35a plej granda insulo en la mondo. Norde ĝin limas rivero Amazono (ties brako Canal do Sul), nord-oriente Atlantiko, sud-oriente kaj sude rivero Tocantins kaj sud-okcidente aro da direkto-ŝanĝaj kanaloj (rio de Breves, furo dos Macacos, rio Jacaré), kiuj depende de la sezono fluas de Amazono al Tocantins aŭ inverse.
En la insulo estas la municipoj Afuá, Anajás, Bagre, Breves, Cachoeira do Arari, Chaves, Curralinho, Gurupá, Melgaço, Muaná, Ponta de Pedras, Portel, Salvaterra, Santa Cruz do Arari, São Sebastião da Boa Vista kaj Soure.
En 1920 okazis evento, kiu influis la faŭnon sur la insulo: En Atlantiko akcidentis ŝipo el Azio, kiu transportis akvobubalojn; tiuj sukcesis naĝe savi sin kaj atingi la insulon. Tie ili plimultiĝis kaj nun estas signifa specio, uzata ekzemple por transportado de varoj kaj homoj. Oni taksas ilian nombron je almenaŭ duona miliono, eble multe pli.
-
Eudocimus ruber (Guarás) sur insulo Marajó
-
Akvobubalo sur Marajó
