Tatara saŭco
Etoso
Tatara saŭco estas malvarma saŭco preparata ĉefe el majonezo. Ĝi estas servata kun fumaĵitaj viandaĵoj, malvarma viando, bolitaj ovoj, marfruktoj kaj terpomfingroj.
Ĝiaj ingrediencoj estas:
- majonezo
- kremo aŭ jogurto
- fajne dispecigitaj acidaj (peklitaj) kukumoj
- fajne dispecigitaj peklitaj fungoj (ekz. ĉampinjonoj)
- mustardo, salo, pipro, sukero, citrona suko, ev. vinagro
Al tatara saŭco oni foje aldonas ankaŭ cepon, ŝenoprazon, raspitan krenon, fromaĝon, kaporojn, hakitan ovon, petroselon, olivojn kaj aliajn ingrediencojn.
Kiuj ajn estas la ingrediencoj, ili devas esti dispecigitaj ne tro fajne, por ke oni sentu pecojn dum la manĝo.