Peru Magdalena: berrikuspenen arteko aldeak

Peru Magdalena
(2007)
Bizitza
Jaiotza	Durango, 1980 (43/44 urte)
Herrialdea	Bizkaia, Euskal Herria
Hezkuntza
Hizkuntzak	euskara gaztelania
Jarduerak
Jarduerak	idazlea, margolaria, bertsolaria eta kazetaria

Peru Magdalena Arriaga (Durango, Bizkaia, 1980 - ) euskarazko idazle, bertsolari eta margolari bizkaitarra da.

Hainbat komunikabideetan parte hartzen du, hala nola, Ostiela!, Linterna Gorria, Putz eta beste aldizkari literario batzuetan ere. Honez gain, Euskadi Irratiko "Ipurtargia" irratsaioko "Little Arratia Klub irrati-nobela"n egon zen urte betez. Halaber, Durangaldeko Anboto astekarian zutabegile egon da bi urtetan.

Bi pintura erakusketa egin ditu: "Hara begire" eta "Samuraiaren hegaldia". Gainera, hainbat ekitaldi desberdinetako gidoilaria eta aurkezlea izan da. Shakespearen "The Tempest" antzerkia egin du. Anboto Irratiko "Plus eta minus" irratsaioa zuzendu zuen.

2005ean akzesita lortu zuen Igartza Sarian, Lile izeneko eleberriaren proiektuagatik.

Bibliografia

Narratiba

• Lile (Elkar, 2006). Igartza Sarian akzesita.
• Egia esan (Elkar, 2013).
• Ametsondoa (Elkar, 2017).

Poesia

• Hutsik (Elkar-Poesia, 2008)
• Argia (Elkar-Poesia, 2016).

Beste esparru batzuk

Pello Salaberriarekin batera "Hemen eta han" (2017) dokumentala egin zuen Euskal Herrian eta Kuban, Joseba Sarrionandia idazle herrikidearen biografiari buruzkoa. Bertan, elkarrizketatu dituzte Bernardo Atxaga, Ruper Ordorika, txikitako lagunak eta senideak eta kubatar euskara ikasleak, besteak beste.

Ikus, gainera

• Bizkaiko idazleen zerrenda
• Dokumentalak Euskal Herrian

Kanpo loturak

• Peru Magdalena "Literaturaren Zubitegia"n
• Peru Magdalena Euskal Idazleen Elkarteko webgunean

• Datuak: Q12265774