Ivan Basso

Ivan Basso
	; (2009) Irudi gehiago
Bizitza
Jaiotza	Gallarate, 1977ko azaroaren 26a (46 urte)
Herrialdea	Italia
Hezkuntza
Hizkuntzak	italiera
Jarduerak
Jarduerak	txirrindularia
Ibilbidea
Taldeak	Urteak
Liquigas-Cannondale	2008ko urriaren 24a-2014
Saxo Bank-Sungard	2015-2015
Discovery Channel	2007ko urtarrilaren 1a-2007ko apirilaren 30a
Saxo Bank-Sungard	2004-2006ko urriaren 17a
Fassa Bortolo	2001-2003
Riso Scotti (en)	1999ko maiatzaren 1a-1999ko abenduaren 31
Amica Chips–Tacconi Sport (en)	2000-2000
	Parte-hartzailea Espainiako Vuelta ; Frantziako Tourra ; 2012ko Frantziako Tourra ; 2011ko Frantziako Tourra ; 2010eko Frantziako Tourra ; 2013ko Espainiako Itzulia ; 2014ko Italiako Giroa ; 2004ko Frantziako Tourra ; UCI World Tour 2014 (mul) (127.); UCI World Tour 2013 (99.); UCI World Tour 2012 (59.); 2011 UCI World Tour (en) (14.); 2009 UCI World Ranking (en) (14.); 2010 UCI World Ranking (en) (21.); 2002 UCI Road World Cup (en) (16.); 2001 UCI Road World Rankings (en) (97.); 2002 UCI World Road Rankings (en) (46.); 2003 UCI Road World Rankings (en) (37.); Q53844942 (11.); 2005 UCI ProTour (en) (24.); 2006 UCI ProTour (en) (9.) ;
Posizio edo espezialitatea	etapakako lasterketa; Itzuli Handiak
Pisua	69 kilogramo
Altuera	182 zentimetro
Jasotako sariak	ikusi Gold Collar for Sports Merit ;
	ivanbasso.it

Ivan Basso (Gallarate, Vareseko probintzia, 1977ko azaroak 26) italiar txirrindulari bat da.

Profesionala 1999tik, garaipen garrantzitsuak lortu ditu bere karreran zehar: 2006 eta 2010eko Italiako Giroak, Frantziako Tourrean bi aldiz podiuma zapaltzea (3. 2004ko edizioan eta 2. 2005ekoan) eta 6 etapa Giroan eta beste 1 Tourrean.

2006an, Puerto Operazioaren barnean, Guardia Zibilak Eufemiano Fuentes buru zuen doping sareko bezero bezala identifikatu zuen, número 2 eta Birillo klabezko izenpean. 2007ko maiatzean, CONIk identifikazio hori berretsi zuen, dopingagatik bi urteko zigorra ezarriz (ohikoa kasu hauetan).

Gaur egun Liquigas taldean korritzen du, UCI ProTour mailako italiar taldea.

Biografia

Zaletu garaia

Italiako Lonbardia eskualdeko Vareseko probintziako Gallarate herrian jaio zen. Han hazi zen Claudio Chiapucciren bizilagun izanez, Frantziako Tourreko hiru etapa irabazi zituena eta askotan dopinga erabili zuela frogatu ondoren erretiratu zena.

Gazte mailan, Bassok zenbait garaipen lortu zituen: 1995ean bigarren izan zen San Marinon ospatutako junior mailako munduko txapelketan, eta 1998an Valkenburgen 23 urtez azpikoen munduko txapelketa irabazi zuen.

Debut profesionala

Profesionaletara 1999an pasa zen. Bere bigarren urtean bere lehen garaipena lortu zuen: etapa bat Regio-Tourrean.

1999an lehen aldiz parte hartu zuen Italiako Giroan, 9 etaparen ondoren erretiratuz. Hurrengo urtean berriz parte hartu zuen, eta 52. postuan amaitu zuen.

Mendian ekitaldi onak eginez, baina benetako eskalatzailetzat hartu gabe, ahulagoa da erlojupekoan, hurrengoetan espezialitate honetan hobetzea lortu zuen arren. Ordutik aurrera, Frantziako Tourreko bere ekitaldiak nabarmentzen dira.

Urrezko garaia

2002an hasi zen nabarmentzen, Frantziako Tourreko gazterik hoberenaren maillot zuria irabaziz, era berean 11. postuan amaitu zuelarik. Hala, amaitu zuen lehen Tourrean Parisko podiuma zapaldu zuen jokatutako sailkapenetako baten garaile bezala.

2003ko Frantziako Tourrean aurreko urteko postua hobetu zuen, 7. amaituz sailkapen nagusian.

Basso, Armstrongen ondoan 2004ko Frantziako Tourrean, La Mongien irabazi zuen egunean.

2004an Frantziako Tourreko podiumera igo zen, sailkapen nagusian 3. postuan amaitu ondoren, tourra irabazi zuen Lance Armstrongen eta 2. izan zen Andreas Klödenen atzetik. Bassok, gainera, etapa 1 irabazi zuen, zehazki La Mongie eski estazioan (Tourmaleterako igoeraren lehen zatia) amaitu zen Pirinioetako mendiko etapa. Bassok urtea Emiliako Giroa irabaziz eta Lonbardiako Giroan sailkapen nagusiko 3. bezala podiumera igoz biribildu zuen.

2005ean Giroan eta Tourrean parte hartzea erabaki zuen. Italiako Giroan faboritoen artean zegoen. Maglia arrosa janztea lortu zuen arren, 13. etapan galdu zuen lidertza, sabeleko arazoak zituela eta, eta hurrengo egunean beste 40 minutu galdu zituen 14. etapan, Stelvioko igarobidea igarotzen zuena. Egun batzuk beranduago hobetu zen eta oso ezaugarri ezberdineko jarraikako bi etapa irabazi zituen: Mendate tontorrean amaitzen zen bat eta erlojupeko bat. Frantziako Tourrean berriz podiumera igo zen, oraingoan sailkapen nagusiko 2. bezala, urte horretan jarraikako bere zazpigarren Tourra irabazi zuen Lance Armstrongen atzetik.

2006an Italiako Giroa irabazi zuen, Armstrong erretiratu ondoren Frantziako Tourra irabazteko faboritoetako bat zelarik.

Puerto Operazioa

2006an, Puerto Operazioaren barnean, Guardia Zibilak Eufemiano Fuentes buru zuen doping sareko bezero bezala identifikatu zuen número 2 eta Birillo izenpean. Identifikazio honen ondorioz, 2006ko Frantziako Tourraren antolakuntzak kanporatu zuen (Tourra hasi aurreko egunean), ondoren, orduko bere taldea zen CSCk bota egin zuelarik.

Basso, Discovery Channel taldearen maillotarekin.

Espainiako Justiziak Guardia Zibilak eginiko identifikazioak ez berrestea erabaki ondoren, Basso 2007an Discovery Channel talde indartsuak fitxatu zuen, Johan Bruyneelek zuzentzen zuena, Lance Armstrongek bere garaipenak lortu zituen taldea, Frantziako Tourra irabazteko asmoz.

Alabaina, 2007ko udaberrian, CONIren ikerketak (espainiar autoritateen jokaera zein zen ikusita Puerto Operazioa bere kabuz ikertzea erabaki zuena) Bassori eta honek Puerto Operazioan eta honen barnean desegindako doping sarean zuen inplikazioari buruzko susmoen handitzean eratorri ziren. Egoera honetan, Bassok eta Discovery Channelek kontratua hautsi zuten, Itzuli Handi batean parte hartu aurretik.

Azkenik, 2007ko maiatzean CONIk Ivan Basso Eufemiano Fuentes buru zuen desegindako doping sarearen bezeroetako bat zela baieztatu zuen, hala, bere garaian Guardia Zibilak eginiko identifikazioa berretsiz. Basso da egundaino baieztatutako lau bezero bakarretako bat.

Baieztapen hau Bassoren beraren aitortzari esker posible izan zen arren, honek prozesuan zehar izan zuen jokaeraren ondorioz CONIk bi urtez zigortzea erabaki zuen (ohiko zigorra doping kasuetan), suspentsio hori murrizteari uko eginez. CONIko dopingaren aurkako prokuradorea den Ettore Torrik berak Bassoren jokaera negargarritzat jo zuen. Bi urteko suspentsioko zigorra 2008ko urriak 24an amaitu zen.

Itzulera zigorraren ondoren

2008ko apirilean, oraindik zigortua zegoenean, Liquigas italiar taldearekin bi urteko kontratu bat sinatu zuen (2009 eta 2010eko denboraldiak). Bassok bere talde berrian Japan Cupean debutatu zuen 2008ko urriak 26an, bere zigorra amaitu eta bi egunera, hirugarren amaituz, Damiano Cunego eta Giovanni Viscontiren atzetik.

2009an, Trentinoko Giroa irabazi ondoren, bere taldekide batzuekin batera Kanaria uharteetara joan zen entrenatzera eta Italiako Giroari begira behar bezala prestatzera. Kasualitatea badirudi ere, Eufemiano Fuentes (Puerto Operazioan desegin zen doping sareko burua, Basso honen bezeroa zelarik) kanariar jatorrikoa da, non gaur egun bizi eta lan egiten duen, gertaera hauen aurrean zuzeneko lotura baten existentziarik ezagutu ez den arren.

2010ean, Basso munduko txirrindularitzako tontorrera itzuli zen 2010eko Italiako Giroa irabaziz, etapa batez gain, Zoncolan Mendian amaitu zena, baita 4. etapako taldekako erlojupekoa ere. 2011n berriz Frantziako Tourrean zentratu zen, baina maiatzaren amaiera aldera jasan zuen erorketa baten ondorioz planak aldatu behar izan zituen. Jada Tourrean, faboritoekin batera egon zen Pirinioetan, baina ez Alpeetan, hala, sailkapen nagusian 8. postu xume batean amaituz.

Palmaresa

1998

23 urtez azpikoen Errepideko Munduko Txapelketa

2000

Regio-Tourreko etapa 1

2001

2002

Gazteen sailkapenaTourrean

2004

2005

2006

2006ko Italiako Giroa , eta 3 etapa
Nazioarteko Kriteriuma, eta etapa 1

2009

Trentinoko Giroa

2010

2010eko Italiako Giroa , eta etapa 1
Industria y Commercio Artigianato Sari Nagusia

2011

Luganoko Sari Nagusia
Padaniako Giroa, eta etapa 1

2012

Japoniako Kopa

Sailkapen orokorra Itzuli Handietan

Itzuli Handia	1999	2000	2001	2002	2003	2004	2005	2006	2007	2008	2009	2010	2011	2012	2013	2014	2015
Italiako Giroa	UT	52	—	—	—	—	28	1	—	—	3	1	—	5	—	15	51
Frantziako Tourra	—	—	UT	11	7	3	2	—	—	—	—	32	7	25	—	—	UT
Espainiako Vuelta	—	—	—	—	—	—	—	—	—	—	4	—	—	—	UT	—	—
Munduko Txapelketa	UT	—	41	—	UT	11	—	—	—	—	16	—	—	—	—	—	—