Paasloo

Paasloo
Tsjerke fan Paasloo
Bestjoer
Lân	Nederlân
Provinsje	Oerisel
Gemeente	Stienwikerlân
Sifers
Ynwennertal	(1 jannewaris 2023)
Oerflak	6,30 km² wêrfan 6,29 km² lân 0,01 km² wetter
Befolkingsticht.	64 ynw. / km²
Oar
Tiidsône	UTC +1
Simmertiid	UTC +2
Koördinaten	52° 49' N 6° 1' E
De tûnemûne
Kaart

Paasloo is in doarp yn de gemeente Stienwikerlân yn de Nederlânske provinsje Oerisel. It doarp leit eastlik fan Aldemerk en noardwestlik fan Stienwyk tsjin de grins mei Fryslân oan.

Paasloo hat ynwenners (1 jannewaris 2023).

Skiednis

De omkriten waarden al yn de tredde milennium f.Kr. bewenne. Dêr binne fjoerstiennen út de trachterbekerkultuer fûn. Ek yn de stientiid wie it gebiet bewenne.

Paasloo waard yn 1251 yn in oarkondeboek foar it earst neamd as Paslo. Fierdere beneamings binne: 1395-1396 Paeschele, 1438 Pasel, 1467 Paesel, 1555 Paezeloe, 1561 Paesloe, 1579 Paslo, 1624 Pacelo, 1634 Paeslo, 1665 Paeslooen yn 1867 Paaslo. It is net alhiel wis wat de namme betsjut. It wurdt mooglik yn ferbân brocht mei it Peaskefjoer dat dêre oanstutsen wurdt. Dêrnjonken is it wurd pas oangeande "trochgong", "oergong" in mooglikheid of it Midnederlânske pasch (greide) ûntstien út it Latynske pascua. It twadde part -lo betsjut sokssawat as "iepen bosk".

Op 10 juny 1438 joech biskop Rudolf fan Diepholt oan de ynwenners fan it karspel Paesloe it rjocht om in selsstannich skoutamt yn te stellen. Mei dy rjochten koe it doarp twa jiermerken en in wykmerk hâlde yn de Oldemarck. Yn 1811 waarden de karspels Paasloo, Iselham, De Hare en Aldemerk gearfoege ta de gemeente Aldemerk. Yn 1973 kaam Paasloo by de gemeente Iselham en yn 2001 by de gemeente Stienwikerlân.

Tsjerke

Yn 1336 joech biskop [[Jan fan Diest de tastimming om in kapel yn Paasloo te bouwen, itjinge oan 'e râne fan syn territoarium lei. Dy karspeltsjerke waard wijd oan de Jongfaam Marije en de hillige Kirinus. De tsjerke fan Paasloo wie in dochtertsjerke fan de tsjerke fan Stienwyk en waard boud nei it model fan de eardere pleatsen. De tsjerke waard yn 'e earste fearnsiuw fan 'e 16e iuw weropboud en yn de 17e iuw wie dêr in grutte ferbouwing.

State

Yn Paasloo hat in grut hearehûs stien. Dat Huis Paesloe waard nei alle gedachten yn 1648 boud en waard yn 1664 al ta state ferheft. It wie in grut hûs fan 17 meter lang. De state besiet 183 bunder lân; seis kapitale boerehiemen. De state hie boppedat guod yn eigendom yn De Kúnder, Blankenham en Dinxterveen. Yn 1846 waard de state ôfbrutsen. Hjoed-de-dei docht allinnich in boskwâl noch oan de eardere state weromtinken.

It besjen wurdich

• Tsjerke fan Paasloo
• De iennige tûnemûne fan Nederlân
• it Harmonymuseum galery De Horst. It museum húsmannet likernôch 65 harmoniums út de perioade 1850 - 1950. Yn de galery wurdt skilderkeunst sjen litten.

Ferienings

• Jongereinklup JCV Paasloo
• Pealdûnsklup Slingervrouwgies
• Frouljusklup Passaazje ôfd. Aldemerk/Paasloo

Boarnen, noaten en referinsjes

Boarnen, noaten en/as referinsjes:

Noaten Boarnen Paasloo yn Plaatsengids Skiednis fan Paasloo yn Geschiedenis van de Stellingwerven en Noordwest-Overijssel Gemeente-argyf Stienwikerlân argivearre op 26 desimber 2016 Argiven gemeente Aldemerk

Ofbylden dy't by dit ûnderwerp hearre, binne te finen yn de kategory Paasloo fan Wikimedia Commons.