transparente

Galego

• Etimoloxía: do latín medieval transparens, -entis, participio de presente activo de transparere; literalmente, 'aparecer a través de'.

• Pronuncia: /tɾans.pa.'ɾen.te̯/ (AFI)

Adxectivo

transparente
(sg: transparente; pl: transparentes)

1. Dise do corpo que deixa pasar a luz e permite ver os obxetos con nitidez a través del.
   • Exemplo: Os vidros dos escaparates son transparentes.
     
     
2. Dito especialmente dunha institución ou dunha entidade, ou dos seus promotores, que subministra información abonda sobre a súa maneira de actuar.
   • Exemplo: Esta empresa é transparente total.
     
     
3. Dito especialmente dunha xestión ou dun proceso, que se realiza sen que se oculte información sobre a maneira en que se fai ou se desenvolve e, en particular, sen que haia dúbida sobre a súa legalidade ou limpeza.
   • Exemplo: As actividades deste grupo parénceme pouco transparentes.
     
     
4. (Figurado) Claro, patente.
   • Exemplo: A súa proposta é pouco transparente.
     
     

Substantivo masculino

transparente
(sg: transparente; pl: transparentes)

1. Anaco de tea, papel, etc., que se coloca para diminuir a luz dunha ventá ou dun foco de luz.
   • Exemplo: As bibliotecarias puxeron un transparente para evitar que o exceso de luz deteriore os libros.
     
     
2. (Arte) Motivo decorativo que se esculpe nunha ventá e se ilumina por detrás para adornar o fondo dun altar.
   • Exemplo: Os transparentes foron moi usados no século XVIII.