Grace Kelly

A Súa Alteza Serenísima
Grace Kelly
	;
Biografía
Nacemento	(en) Grace Patricia Kelly ; 12 de novembro de 1929 ; Filadelfia (Estados Unidos de América)
Morte	14 de setembro de 1982 (52 anos); comuna de Mónaco (Mónaco)
Causa da morte	morte accidental, accidente de tráfico
Lugar de sepultura	Catedral da Nosa Señora Inmaculada
Consorte de Mónaco
	1956 – 1982
Datos persoais
País de nacionalidade	Estados Unidos de América ; Mónaco
Relixión	Igrexa católica
Educación	American Academy of Dramatic Arts (–1949); Neighborhood Playhouse School of the Theatre
Altura	169 cm
Cor dos ollos	Azul
Cor do pelo	Louro
Actividade
Ocupación	aristócrata (1956–), actriz de teatro , actriz de televisión , modelo , actriz de cinema
Período de actividade	1949 - 1956
Partido político	Partido Demócrata
Xénero artístico	Wéstern
Profesores	Sanford Meisner
Lingua	Lingua inglesa e lingua francesa
Outro
Título	Princesa consorte
Familia	Dinastía Grimaldi
Cónxuxe	Rainerio III de Mónaco (1956–1982), morte da persoa
Fillos	Carolina de Mónaco, Alberte II de Mónaco, Estefanía de Mónaco
Pais	John B. Kelly e Margaret Katherine Majer (pt)
Irmáns	Margaret Kelly (en) , John B. Kelly, Jr. e Elizabeth Kelly (en)
Cronoloxía
18 de abril de 1956	Voda de Rainerio III, príncipe de Mónaco, e Grace Kelly
	Premios (30 de marzo de 1955) Óscar á mellor actriz, premiado polo traballo The Country Girl (pt) ; (1954) Premio National Board of Review á mellor actriz, premiado polo traballo A ventá indiscreta; (1954) Globo de Ouro á mellor actriz - Drama, premiado polo traballo The Country Girl (pt) ; (1953) Globo de Ouro á mellor actriz secundaria, premiado polo traballo Mogambo (pt) ; (1950) Theatre World Award; estrela no Paseo da Fama de Hollywood; Order pro Merito Melitensi (en) ; anniversary medal at the occasion of the 2500th anniversary of the founding of the Iranian Empire (en) ; Orde do Santo Sepulcro de Xerusalén; Orde da Beneficencia (Grecia); Orde de San Carlos ;
	Sinatura

Grace Patricia Kelly, nada en Filadelfia (Pensilvania) o 12 de novembro de 1929 e finada en Mónaco o 14 de setembro de 1982, foi unha das máis importantes actrices de Hollywood da década de 1950, musa do director Alfred Hitchcock e esposa do príncipe Rainiero III de Mónaco.

Traxectoria

Naceu nunha familia católica de orixe irlandesa. Aínda que a súa familia se opuxo a que fose actriz chegou a cumprir o soño que albergaba dende que era cativa. Foi a Nova York onde traballou de modelo e estudou interpretación na Academia Nacional de Arte Dramática.

En 1949 conseguiu o seu primeiro papel na zona de teatros máis prestixiosa de Nova York. Traballou na televisión, pero decidiu marchar aos Ánxeles e probar sorte no cine. En 1951, aos 22 anos realizou a súa primeira película chamada Fourteen Hours cun papel secundario. A súa elegancia e delicada beleza chamaron a atención en Hollywood, de maneira que nos anos seguintes ofrecéuselle un papel principal no wéstern High Noon, xunto a outra celebridade, Gary Cooper.

A súa seguinte película foi Mogambo, xunto a Clark Gable e Ava Gardner, pola cal foi candidata ao Óscar como mellor actriz secundaria. Na súa curta carreira cinematográfica, Grace foi unha das actrices preferidas de Alfred Hitchcock, con que traballou en tres películas máis; Dial M for Murder con Ray Milland, A ventá indiscreta con James Stewart, e To Catch a Thief, con Cary Grant. Esta última feita en Mónaco, onde a actriz coñeceu o seu futuro esposo, o príncipe Rainiero. Tamén traballou ao lado do Sir Alec Guinness na película O cisne.

En 1954, aos 25 anos, gañou un Óscar como mellor actriz principal por The Country Girl, protagonizada por Bing Crosby e William Holden. Dise deste Óscar que llelo concederon para facela máis famosa e para beneficiar o principado. Tamén se di que llo roubou a Judy Garland porque Grace non era unha boa actriz.^{[Cómpre referencia]}

A súa última película foi High Society, novamente con Bing Crosby. Despois trasladouse a Mónaco para casar co príncipe, e abandonou o cine. O casamento realizouse o 14 de maio de 1956. A partir de entón a súa vida e o seu traballo estiveron dedicados por completo á súa familia e ao principado. Tivo tres fillos con Rainiero chamados Alberte, Carolina e Estefanía.

O 13 de setembro de 1982 a princesa Grace sufriu un grave accidente cando dirixía o seu automóbil por unha estrada preto de Mónaco. Levaba a súa filla Estefanía, quen saíu sen danos e da que se creu que foi quen conducía o automóbil nese momento. Ao día seguinte a princesa morreu no Centro Hospitalario Princesa Grace, con 52 anos.

Filmografía

Fourteen Hours, 1951.
High Noon, 1952.
Mogambo, 1953.
Dial M for Murder, 1954.
A ventá indiscreta, 1954.
The Country Girl, 1954.
Green Fire, 1954.
The Bridges at Toko-Ri, 1954.
To Catch a Thief, 1955.
The Swan, 1956.
High Society, 1956.

Véxase tamén