Orella (doce)
| Orellas | |
 Bandexa de orellas. | |
| Gastronomía | Gastronomía de Galicia Gastronomía de Cataluña Gastronomía de Francia |
| Ingredientes | |
| Orixe animal | Ovo Leite Manteiga |
| Orixe vexetal | Fariña Relas de limón |
| Fungos | Lévedo |
| Condimentos | Azucre Anís |
| |
As orellas son unha sobremesa doce moi típica, xunto coa filloa, do Entroido galego. Son un prato de elaboración sinxela, consistente en amasar fariña con ovos e cortar en anacos con forma de orella a masa que se obtén. Os anacos son fritidos en aceite e espolvoréxaselle azucre por riba.
As orellas tamén son típicas de Cataluña e do País Valenciano co nome de orelletes. No sur de Francia, onde se coñecen coma aurelhetas (en francés oreillettes, orelliñas), e ao igual que en Galicia, son típicas no Entroido.
Elaboración
[editar | editar a fonte]Ingredientes
[editar | editar a fonte]Os principais ingredientes que poden levar son fariña, ovos, auga, manteiga, lévedo, azucre, anís, relas de limón, laranxa, leite, canela e sal.
Receita
[editar | editar a fonte]Orellas para 6 persoas.
O primeiro de todo é quentar nunha tixola unha cunca de aceite coas relas de limón e un anaco de pan. Cando isto estea dourado, deixámolo arrefriar e retiramos o limón e o pan. Pomos unha cunca con dous ovos batidos, unha cunca de leite, media cunca de anís, unha culler e media de lévedo nun recipiente e batemos. Logo engadímoslle as relas de limón e unhas gotas de zume de laranxa. Botámoslle a esta mestura o aceite que tiñamos gardado e vámoslle engadindo fariña ata conseguir unha pasta que poder amasar. Estiramos a masa e vámola cortando en anacos con forma de orella. Estes anacos hanse de ir fritindo en abundante aceite e logo, espallamos o po de azucre por riba.
Esta é unha delas, pero hai moitas variedades e receitas distintas para facer este doce.
Galería de imaxes
[editar | editar a fonte]- Artigo principal: Galería de imaxes de orellas de Galicia.
