Kyvukyvu
Oiko yvýpe, ijyvyku'ihápe, yvyraguy térã ogaguy rupi ha upépe ojo'o huparã. Hupi'águi oja vove yvy guýpe, oñepyrũ iñakãme omombo yvate gotyo yvyku'i ha péicha ombotuichave ohóvo ikuára. Ojapo peteĩ embúdo amo 2-3 cm ipypukúva ha peichante avei ipéva. Ha'e katu oñapymi huguápe yvy guýpe ha upépe oha'arõ ho'a ikuápe oime raẽ vícho'i. Umi upépe ho'áva osẽsévo, ojupi upe embúdore og̃uahẽ hag̃ua ijuru rembére, ha ojupikuévo pe yvyku'i osyryry ipy guýpe ha oity jey chupe huguápe. Kyvukyvu oñandúvo yvyku'i ho'aha hi'ári oikuaa og̃uahẽmaha hembi'urã. Onohẽ iñakã yvyguýgui, oisu'u ha omoñapymi hendive yvy guýpe ha upépe ho'u.
Kyvukyvu niko oĩ umi vícho Neuroptera hérava apytépe, oĩ avei ambue ijoguaha. Umi itúva ojogua ñahatĩme, ipepo irundy, oveve ha ombo'a yvýpe. Karai ñe'ẽme kyvukyvúpe oje'e hormiga león, ha umi Paraguáipe jahecháva héra Coridales affinis.