Fundamentalismo
Le term fundamentalismo significa le attachament strict a un doctrina precise, religios o altere.
FUNDAMENTALISMO (n) [Fun-da-men-ta-lì-smo]
Definition:
Le adjectivo "fundamentalista" es hodie frequentemente utilisate in le pressa. Infelicemente, iste termino ha essite utilisate pro describer phenomenos tanto diverse uno del alteres, que nemo pare saper plus lo que exactemente illo significa. Hodie on refere se a "fundamentalismo" pro describer alicun sorta de credentia religiose traditional [radical e aggressive], mesmo si se tracta de un predicator televisive baptista, un rabbin hasidic, un femina mormon, o un soldato del Jihad islamic.
Assi, le termino "fundamentalista" deveniva quasi inutile. Quando illo es usate in le contexto historic del America del Nord, tamen, il ha precedentes pro le utilisation de iste termino, le quales restabli un senso de cohesion descriptive.
Le Fundamentalismo esseva un movimento que surgeva in le tarde 19e seculo e in le preste 20e seculo intra le Protestantismo american, le qual reageva sia contra le theologia "modernista" e le critica biblic, sia contra le cambios del scena cultural e social del Statos Unite. Illo prendeva su nomine de "Le fundamentales" (The Fundamentals), 1910-15, un serie de essayos in 15 volumines, projectate pro contrastar le theologia liberal. Iste movimento cresceva multo de post le prime guerra mundial.
Durante le annos 1920, le fundamentalistas luctava contra le modernismo in tres manieras, per essayar, primo, de reprender le controlo (sin successo) del denominationes protestante, agentias missionari e seminarios; secundo: per supportar (con un poco de successo) le Prohibitionismo, le leges pro le respecto del reposo dominical e altere actiones pro defender le moralitate e sensibilitate traditional del Protestantismo; e, tertio (con relative successo) per essayar de haltar le inseniamento del hypothese evolutionista in le scholas public, un doctrina que illes videva inextricabilemente associate al alte critica "german" e al fonte del Grande Guerra. Iste ultime strategia resultava in le insuccesso del infame processo Scopes del 1925 (plus tarde representate in un film multo poco accurate, "Inherit the Wind"), in le qual un inseniante de biologia de Dayton (MN) esseva accusate de inseniar illegalmente le evolutionismo a su classe. Le atmosphera de circo que se creava, discreditava le movimento al oculos del intellecttuales e del medios, e resultava in le subsequente disparition del fundamentalismo del scena cultural nordamerican.
Desde de annos 1940, le termino "fundamentalista" perveniva a denotar un stylo particularmente aggressive ligate al conviction que le separation ab le decadentia cultural e apostasia del ecclesias liberal, es le signo meritori de distinction del fidelitate a Christo.
Le major parte hodie del ecclesias que se describe como "fundamentalista" es ecclesias baptista separatista (que sovente se appella "ecclesias biblic"), gruppos como le General Association of Regular Baptist Churches (GARBC), or le Independent Fundamental Churches of America (IFCA).
Institutiones associate a iste movimento include le Bob Jones University (Greenville, SC) e le Tennessee Temple (Chattanooga, TN). Publicationes representative es: The Sword of the Lord and The Biblical Evangelist.
Vide: Theologia relational.