Geoffrey Chaucer
| Geoffrey Chaucer |
|---|
| instantia de: esser human |
   |
|
|
| Commons: Geoffrey Chaucer |
Geoffrey Chaucer (c. 1343 - 25 de octobre 1400) es cognoscite como le "patre del litteratura anglese"; il adjutava le legitimitate del lingua anglese vulgar in un era quando le linguas dominante esseva francese e latino.[1] Ille es considerate le melior poeta del medievo e esseva le prime poeta interrate in le Angulo de Poetas in Westminster Abbey.[2] Ille esseva un autor, philosopho, alchemista, e astronomo; in servicio civil, ille esseva un bureaucrate, palatiano, e diplomate. Ben que ille es cognoscite pro su opera Le Contos de Canterbury, il scribeva plure romances e poemas. Como un autor prolific, plus que duo mil parolas del lingua anglese es attestate pro le prime vice in un opera de Chaucer, e alcun de iste parolas totevia es currente in interlingua, gratias al influentia historic e international de su operas.
Influentia super Interlingua
[modificar | modificar fonte]Le derivation de parolas in interlingua es basate in un gruppo de septe linguas, incluso anglese, francese, e italiano. Ben que ille esseva un autor anglese, Chaucer esseva influentiate per le poesia italian e poesia francese de su era, e sovente includeva parolas anglicisate de iste linguas. Gratias al popularitate de su operas, iste dava currentia al parolas romanic in le vocabulario del lingua anglese; in le seculo 20, iste parolas ja habeva currentia quando interlingua esseva derivate.
Como exemplo, iste parolas esse extante in interlingua sin cambios in orthographia: accidental, arbitration, conservative, digestion, domination, equation, humiliation, interrogation, introduction, laxative, longitude, opposite, oriental, perpendicular, reverberation, session, village.
Iste parolas anglese deveniva parolas interlingustic, ma con cambios orthographic: centaur (centauro), collect (colliger), femininity (femininitate), galliard (galliardo), murmur (murmurar), officer (officiero), peace (pace), saffron (safran), superstitious (superstitiose), trench (trenchea). Le exemplos non esse le lista complete del parolas attestate in su operas.