Wikipedia:Copyright
|
A proposito del copyright (importante): Omne contento in Wikipedia es subjecte simultaneemente al duo licentias Creative Commons Attribution/Share-Alike 4.0 e Licentia GNU pro Documentation Libere. Vostre uso, addition o modification de un articulo in Wikipedia implica vostre consentimento con le stipulationes de iste duo licentias. Pro un explication complete, lege le proposition pro actualisation de licentia, le questiones e responsas e le resultato del votation. Non copia sin permission documentos protegite sub lege de copyright. |
|
A partir del 15 de julio 2009, Wikipedia ha adoptate un systema de licentia duple que supplanta le licentia GFDL anterior. In breve, isto significa que omne texto licentiate solmente sub GFDL non plus pote esser importate in Wikipedia. Iste mesura es retroactive usque al 1 de novembre 2008. In addition, le derecto de exportar texto de Wikipedia solmente sub GFDL depende de si alcun contento ha essite addite o removite depost le 15 de julio 2009. Vide le pagina Actualisation de licentia pro plus information. |
- (REQUIRE REVISION: Le sequente information es obsolete e debe esser actualisate. Vide le advertimento precedente.)
Tote le contento de Wikipedia es publicate secundo le terminos del Licentia GNU pro Documentation Libere (GFDL): un licentia legal, applicabile a documentos, que garanti a omnes le libertate de copiar, distribuer, e cambiar le documentos in question. Le version in anglese del Licentia es definitive. Un traduction inofficial in interlingua es disponibile.
Wikipedia, copyright, e le Licentia GNU pro Documentation Libere
[modificar fonte]Le objectivo de Wikipedia es crear un repositorio de information in forma de un encyclopedia liberemente disponibile. Le licentia que nos usa garanti le accesso libere a nostre materiales in le mesme senso que le software libere es licentiate liberemente. Isto es, le contento de Wikipedia pote esser copiate, modificate, e redistribuite a condition que le nove version garanti le mesme libertates a alteres e recognosce Wikipedia como le origine. Le articulos de Wikipedia dunque remanera libere pro sempre, e pote esser usate per omnes qui se conforma a certe restrictiones, le majoritate del quales servi a assecurar iste libertate.
Pro attinger iste objectivo, le texto continite in Wikipedia es licentiate al publico sub le conditiones exponite in le Licentia GNU pro Documentation Libere (GNU Free Documentation License; GFDL). Le texto complete del licentia, in anglese, se trova a en:Wikipedia:Text of the GNU Free Documentation License.
- Permission es date a copiar, distribuer e/o modificar le texto de omne materiales de Wikipedia secundo le terminos del Licentia GNU pro Documentation Libere, Version 1.2 o un version plus recente publicate per Free Software Foundation; sin Sectiones Invariabile (Invariant Sections), sin Textos de Copertura Anterior (Front-Cover Texts), e sin Textos de Copertura Posterior (Back-Cover Texts).
Le texto del GFDL es le sol documento con fortia legal; lo que seque es nostre interpretation del GFDL: le derectos e obligationes de usatores e contributores.
Derectos e obligationes de usatores
[modificar fonte]Si vos vole usar materiales de Wikipedia in vostre proprie libros/articulos/sitos web o altere publicationes, vos pote facer lo, ma vos debe sequer le GFDL, que necessita lo sequente:
- vostre materiales debe equalmente esser subjecte al GFDL,
- vos debe recognoscer le autores del articulo (section 4B), e
- vos debe fornir accesso al "copia transparente" del material (section 4J). (Le "copia transparente" de un articulo Wikipedia es su codice wiki.)
Si vos simplemente duplica le articulo Wikipedia, le secunde e tertie obligationes pote esser satisfacite per fornir un retroligamine conspicue al pagina principal del articulo ci a wikipedia.org.
Si vos crea un version derivative per cambiar o adder contento, vos debe e recognoscer le autores e fornir accesso a un copia transparente del nove texto.
Nota-exemplo
[modificar fonte]Un nota-exemplo pro un articulo que usa le articulo de Wikipedia Exemplo, scribite in linguage HTML pro paginas web, poterea esser como seque:
Iste articulo es subjecte al <a href="http://www.gnu.org/copyleft/fdl.html"> Licentia GNU pro Documentation Libere</a>. Illo usa material del <a href="http://ia.wikipedia.org/wiki/Exemplo">articulo de Wikipedia 'Exemplo'</a>.
(Le parola "Exemplo" e le adresse URL de Wikipedia debe naturalmente esser cambiate como necessari.)
Materiales de fair use e exigentias special
[modificar fonte]Occasionalmente, articulos de Wikipedia pote includer imagines, sonos, o citationes textual usate secundo le doctrina "fair use". In iste caso, le material debe esser identificate como proveniente de un origine externe (in le pagina de description del imagine, o in le pagina de historia, como applicabile). Nonobstante, un uso que es juste (fair) in nostre caso poterea esser injuste in caso de vostre intendite uso del medios de communication.
Per exemplo, si nos include un imagine secundo fair use, vos debe assecurar que vostre uso del articulo es equalmente conforme a fair use (isto possibilemente non es le caso, per exemplo, si vos usa un articulo de Wikipedia a un proposito commercial alteremente permittite per le GFDL).
Wikipedia de facto usa alcun texto subjecte a licentias que es compatibile con le GFDL ma que exige possibilemente terminos additional que nos non require pro texto original de Wikipedia (como le inclusion de Sectiones Invariabile, Textos de Copertura Anterior, o Textos de Copertura Posterior). Si vos usa iste materiales, vos debe includer iste sectiones invariabile parola pro parola.
Derectos e obligationes de contributores
[modificar fonte]Si vos contribue material a Wikipedia, vos lo rende in iste modo subjecte al GFDL (sin sectiones invariante, textos de copertura anterior, o textos de copertura posterior). A fin de contribuer, vos debe ergo haber le autorisation legal de conceder iste licentia, que significa o que vos possede le copyright al contento, per exemplo proque vos ipse lo ha producite, o que vos ha acquirite le material de un fonte que permitte render lo subjecte al GFDL, per exemplo proque le contento es in le dominio public (i.e. non es subjecte a alicun copyright) o es jam subjecte al GFDL.
In le prime caso, vos retene le copyright a voste materiales. Vos pote republicar e relicentiar los plus tarde in omne maniera desirate. Nonobstante, vos non potera jammais retraher le licentia GFDL pro le versiones que vos ha publicate ci: iste contento specific remanera subjecte al GFDL pro sempre. In le secunde caso, si vos incorpora material externe que es subjecte al GFDL, le GFDL exige que vos recognosce le autores e forni un retroligamine al location in le rete del copia original. Si le copia original require sectiones invariabile, vos debe incorporar los in le articulo Wikipedia; nonobstante, il es multo preferite reimplaciar integremente le textos GFDL que include sectiones invariabile per contento original quandocunque possibile.
Usar obras subjecte a copyright possedite per alteres
[modificar fonte]Si vos usa un parte de un obra subjecte a copyright de modo conforme a fair use, o si vos obtene permission special de usar un obra subjecte a copyright del possessor del copyright secundo le terminos de nostre licentia, vos debe facer un nota de iste facto (con nomines e datas). Il es nostre objectivo poter distribuer liberemente tanto del contento de Wikipedia como possibile, dunque imagines original e files de sono subjecte al GFDL o in le dominio public es multo preferibile a files subjecte a copyright usate secundo fair use. Vide pro un lettera-formulario demandante a un possessor de copyright conceder a nos un licentia pro usar su obra secundo le terminos del GFDL.
Non usa jammais materiales que infringe le copyright de alteres. Isto poterea crear responsabiliates legal al projecto e damnificar lo seriosemente. Si vos ha dubita, scribe lo ipse.
Nota que le lege de copyright governa le expression creative de ideas, non le ideas o information in se. Dunque, es ben legal leger un articulo de encyclopedia o altere obra, reformular lo in vostre proprie parolas, e submitter lo a Wikipedia. (Vide plagiarismo e fair use pro discussiones super quante reformulation es necessari in un contexto general.)
Ligar a obras subjecte a copyright
[modificar fonte]Generalmente non es un problema facer ligamines a obras subjecte a copyright, a condition que vos ha facite un effortio rationabile a determinar que le pagina in question non viola le copyright de alcuno altere. Si le pagina infringe, per favor non liga a illo. On debatte ancora in le cortes statounitese super le question si un tal ligamine constitue infraction contributori, ma in omne caso, un ligamine a un sito que distribue illegalmente le obras de un altere persona da un mal reputation a nos.
Si vos trova un infraction de copyright
[modificar fonte]Il non es le carga del armea de Wikipedistas policiar omne articulo contra possibile infraction de copyright, ma si vos ha un tal suspicion, vos deberea al minimo discuter le problema in le area de discussion del pagina in question. Alteres pote alora examinar le situation e initiar action si necessari. Le plus utile information que vos pote fornir es un adresse URL o altere referentia a lo que pote secundo vos esser le origine del texto.
Alcun casos essera alarmas false. Per exemplo, si le contributor esseva de facto le autor del texto que es publicate in altere loco secundo altere terminos, isto non affice lor derecto a publicar lo ci subjecte al GFDL. In ultra, a vices vos trovara texto alterubi in le Web que esseva copiate ab Wikipedia. In ambe casos, es un bon idea facer nota in le pagina de discussion pro discoragiar tal alarmas false in le futuro.
Si alco in le contento de un pagina vermente es un infraction, alora le contento infringente debe esser removite, e un nota a iste effecto debe esser facite in le pagina de discussion, con un indication del origine. Si le permission del autor es obtenite plus tarde, le texto pote esser restituite.
Si tote le contento de un pagina es suspecte como infraction de copyright, alora le pagina debe esser listate in Wikipedia:Votos pro deletion e le contento del articulo reimplaciate per le nota standard disponibile del pagina en:Wikipedia:Boilerplate text. Si, post un septimana, le pagina continua a parer un infraction de copyright, alora illo pote esser delite secundo le proceduras in le pagina de votos.
In casos extreme de contributores continuante le publication de contento subjecte a copyright post advertimentos rationabile, tal usatores pote esser blocate de editar a fin de proteger le projecto.
Vide in ultra
[modificar fonte]- en:Wikipedia:Contributing FAQ pro questiones concernente copyright.
- Le agente designate de Wikipedia secundo le lege statounitese en:Online Copyright Infringement Liability Limitation Act
- en:Wikipedia:Sites that use Wikipedia as a source
- en:Wikipedia:Standard GFDL violation letter
- en:Wikipedia:Spotting possible copyright violations