Firenze
Firenze | ||
Kelk imaji pri Firenze. | ||
Standardo | Blazono | |
Lando: | ||
Regiono: | Toskania | |
Informo:
| ||
Latitudo: | 43°46'18"N | |
Longitudo: | 11°15'13"E | |
Altitudo: | 50 m | |
Surfaco: | 102.32 km² | |
Habitanti: | 367 150[1] (2022) | |
Denseso di habitantaro: | 3600 hab./km² | |
Disto de Roma: | 274[2] km | |
Horala zono: | UTC+1 (UTC+2 dum somero) | |
Urbestro: | Sara Funaro (PD) | |
Mapo:
| ||
Oficala retosituo:
| ||
http://www.comune.fi.it |
Firenze esas la chef-urbo di Italiana regiono Toskania, e di la provinco samnoma. Segun statistiki de 2022, ol havis 367 150 habitanti. Lua tota surfaco esas 102,32 km². Ol esas la precipua urbo di la metropolala regiono Firenze-Prato-Pistoia, qua havas 1 520 000 habitanti.[3]
Dum Mezepoko, Firenze esis importanta centro artala, kulturala, komercala, politikala, ekonomiala e financala. Dum Modern-epoko, ol itere divenis chef-urbo dil Grandadukio Toskania de 1569 til 1859, kun l'administrado di la familii Medici e Lorena. Nun, ol esas un ek la maxim importanta centro por internaciona modo, ed importanta industriala centro. Lua famoza universitato (Università degli Studi di Firenze, abreviuro UNFI) fondesis en 1321, ed agnoskesis dal papo Klemens la 6ma en 1349. Nun ol havas cirkume 50 mil studenti.
Geografio
[redaktar | redaktar fonto]Firenze jacas en baseno inter kolini Careggi, Fiesole, Settignano, Arcetri, Poggio Imperiale, e Bellosguardo. Fluvio Arno e kelk ek lua enfluanti trairas la urbo. Lua mezavalora altitudo esas 50 metri super la marala nivelo.
La klimato di Firenze esas humida subtropikala (Cfa), kelke proxima a Mediteranea klimato (Csa segun la klimatala klasifikuro da Köppen). Ol havas varma someri, kun moderema pluvozeso, e kolda e humida vintri. La mezavalora temperaturo en januaro (vintro) esas 6,6°C, kontre ke la mezavalora temperaturo en julio ed agosto (somero) esas 25,4°C. Nivo eventas rare. La minima temperaturo ulafoye enrejistrita esis −23.2 °C, ye la 12ma di januaro 1985, kontre ke la rekordo di temperaturo dil urbo esas 42.6 °C, enrejistrita ye la 26ma di julio 1983.
La mezavalora yarala pluvo-quanto dil urbo esas 788 mm, e la maxim pluvoza monato esas novembro, kun mezavalore 115,3 mm. La maxim sika monato esas julio, kande la mezavalora pluvo-quanto esas infre 25 mm.
Referi
[redaktar | redaktar fonto]- ↑ Popolazione residente al 30 maggio 2018 - Publikigita da Dato Istat.
- ↑ Distância entre Florença e Roma - URL vidita ye 29ma di novembro 2018. Idiomo: Portugalana.
- ↑ Il testo della delibera n. 130 - Dato di publikigo: 7ma di agosto 2011.