José Bonifácio de Andrada e Silva
| José Bonifácio de Andrada e Silva | ||
| ||
| Profesiono: | politikisto e naturalisto (geologiisto) | |
| Lando: |  Brazilia
| |
| Naskodato: | 13 di junio 1763 | |
| Nasko-loko: | Santos, Sao Paulo, Brazilia | |
| Mortodato: | 6 di aprilo 1838 | |
| Morto-loko: | Niterói, Rio de Janeiro, Brazilia | |
José Bonifácio de Andrada e Silva (1763 til 1838) esis Braziliana politikisto de la 19ma yarcento, notora por lua partopreno en la nedependo-procedo di la lando.
En 1800 ilu divenis profesoro di geologio en Coimbra, Portugal ed en 1812 il divenis sekretario di l'akademio pri cienci di Lisboa. En 1819 il retroiris a Brazilia, ed exhortis princo Pedro a restar en Brazilia, kontre la volado di Portugalana korti. Por ta atitudo, il divenis konocita en Brazilia kom la Patriarko di Nedependo. José Bonifácio ank esis framasono, e divenis chefo di la Granda Oriento di Brazilia ye la 19ma di julio 1822.
Kande Brazilia divenis nedependanta, ilu indikesis kom Ministro por Exteral Aferi dal imperiestro Pedro la 1ma. Kande la Konstitucala Asemblajo esis kunvokita, José Bonifácio elektesis deputato.
Pos Pedro la 1ma abdikir en 1831, ilu indikis José Bonifácio kom preceptoro di lua filiulo Pedro de Alcântara, lor evante nur 5 yari.
José Bonifácio ank esis defensero di publika e laika skoli e dil aboliso di la sklaveso.
