Lýsippos

Skyssa af Skafaranum (Apoxyomenos) úr Nordisk familjebok.

Lýsippos var forngrískur myndhöggvari sem var uppi á 4. öld f.Kr. Hann var hirðmyndhöggvari Alexanders mikla. Bronsstyttur Lýsipposar af nöktum piltum höfðu mikil áhrif á stíl annarra listamanna. Af mörgum þeirra hafa varðveist rómverskar eftirlíkingar úr marmara, þ.á m. Skafarinn (gríska: Apoxyomenos) (þ.e. íþróttamaður að skafa af sér svita og olíu eftir keppni). Skafarinn fannst í Róm 1849. Frumeintak hennar (bronsstytta) var flutt til Rómar, þar sem hún var um tíma í svefnherbergi Tíberíusar keisara.

  Þessi fornfræðigrein er stubbur. Þú getur hjálpað til með því að bæta við greinina.