Paamiut

Kirkjan í Paamiut.

Paamiut (Frederikshåb á dönsku; eldri stafsetning Pâmiut) er bær á vesturströnd Grænlands. Um 1300 íbúar eru í bænum (2020) sem er hluti af sveitarfélaginu Sermersooq. Paamiut er yst í firðinum Kuannersooq og dregur nafn af því en grænlenska heitið þýðir „fjarðarmynni“.

Árið 1742 var stofnaður verslunarstaður í Paamiut og voru þar mikil viðskipti með skinnavöru og hvalaafurðir. Upp úr 1950 byggðist upp mikil þorskútgerð og verkun en því tímabili lauk snögglega árið 1989 þegar þorskstofninn hrundi.

Tengill

• Vefur Paamiut Geymt 24 október 2006 í Wayback Machine