Bulus Ijem

Bulus ijem utawi Chelonia mydas
Chelonia mydas.
Setatus konservasi
Kadrawasan  (IUCN 2.3)
Klasifikasi ngèlmiah
Karajan:	Animalia
Filum:	Chordata
Klas:	Reptilia
Ordho:	Testudines
Famili:	Cheloniidae
Génus:	Chelonia Latreille dalam Sonnini & Latreille, 1802
Spésies:	Chelonia mydas
Jeneng binomial
Chelonia mydas (Linnaeus, 1758)

Chelonia mydas, utawi Bulus Ijem (ngoko: Bulus Ijo) inggih punika penyu seganten ingkang ukuranipun ageng lan kalebet kulawarga Cheloniidae. Kéwan punika inggih punika spésies mung-mungan saking golongan Chelonia. Kéwan punika gesang ing seganten tropis lan subtropis, mliginipun ing Samodra Atlantik lan Samodra Pasifik. Namanipun kéwan punika dipunpendhet saking lemak awarni ijem ingkang wonten ing sangandhapipun thothok bulus punika.

Bulus ijem inggih punika jinis bulus ingkang gesang ing seganten lan kalebet kéwan poikiloterm. Populasi bulus ijem kathah kapanggih ing wewengkon ingkang kathah sumber pakan lan wontenipun sarang ingkang jumbuh. 134

Nalika bulus Ijem badhé nigan ing pinggir seganten lan damel sarang saged dipunpengaruhi déning pinten-pinten faktor, inggih punika faktor pasisir ingkang landai lan kakiyatan gelombang ingkang saged mbiyantu bulus dhateng dharatan, sanèsipun punika wontenipun alangan kados watu utawi tebing lan alangan sanèsipun saged mempengaruhi dhatengipun bulus punika ing pasisir.

Ing Indonésia aktivitas bulus ijem ingkang badhé nigan saged kapanggih ing Pulo Jemur, ingkang limrahipun dipunwiwiti ing wulan April, lan ingkang kathah piyambak ing wulan Mèi lan Juni. Bulus ijem gadhah wekdal nigan ingkang temporal, kathahipun ing wulan Juni lan Juli, lan wiwit kirang anggènipun nigan ing wulan Agustus, lan pungkasanipun ing wulan September.