Pablo Picasso
Pablo Picasso | |
---|---|
Pablo Picasso 1962 | |
Chateau of Vauvenargues 43°33′15″N 5°36′16″E / 43.554142°N 5.604438°E | |
Bangsa | Spanish |
Wiyata | Jose Ruíz (father), Academy of Arts, Madrid |
Kondhang ing | Painting, Drawing, Sculpture, Printmaking, Ceramics |
Karya kondhang | Les Demoiselles d'Avignon (1907) Guernica (1937) The Weeping Woman (1937) |
Obahan | Cubism |
Pablo Ruiz Picasso (25 Oktober 1881 – 8 April 1973) punika seniman ingkang misuwur ing aliran kubisme lan dipunkenal dados pelukis revolusioner ing abad kaping 20. Jénius seni ingkang pinter ndamel patung, grafis, keramik, kostum penari balét ngantos tata panggung. Miyos ing Malaga, Spanyol 25 Oktober 1881 kanthi asma lengkap Pablo (or El Pablito) Diego José Santiago Francisco de Paula Juan Nepomuceno Crispín Crispiniano de los Remedios Cipriano de la Santísima Trinidad Ruiz Blasco y Picasso López. Ramanipun Josse Ruiz Blasco, setunggaling profésor seni lan ibunipun Maria Picasso Lopez.
Pendidikan
[besut | besut sumber]Picasso gadhah sipat adreng ngangsu kawruh. Bèntening kitha utawi nagari boten dados alangan kanggé pikantuk manéka warna èlmu. Ing yuswa 14 taun, panjenenganipun lulus ujian mlebet School of Fine Arts ing Barcelona lan kalih taun pindhah dhateng Madrid kanggé ngangsu kawruh ing Royal Academy. Boten lami salajengipun panjenenganipun kundur malih ing Barcelona lan tumut ing Els Quatre Gats, papanipun para penyair, artis lan kritikus kanggé lintu-lintunan gagasan ingkang dipunpikantuk saking luar Spanyol. Ing yuswa 23 taun, Picasso pindah dhateng Paris, kitha pusat seni donya ing wekdal punika.
Pakaryan
[besut | besut sumber]Picasso ngasilaken 20.000 karya ing gesangipun. Ingkang mranani, Picasso asring gantos gaya lukisan. Piniki saged kadadosan amargi Picasso gadhah kathah réncang. Kados saking gaya lukisan biru lan jambon (amargi lukisan dipundhominasi warna biru lan jambon) éwah drastis dhateng gaya kubisme, amargi prabawa reréncanganipun kaliyan Georges Braque.
Gaya kubisme puniki ingkang ndamel kagéting donya seni, amargi ngéwahi persépsi tiyang tumrap kaéndahan seni. Yèn sadèrèngipun lukisan wanita gampil dipunkenali pasuryan modhélipun, déning Picasso dipundamel drastis saéngga wangun lukisanipun awrat dipunkenali malih, kados ingkang panjenenganipun tuangaken ing karya Demoiselles d'Avignon. Puniki boten lajeng Picasso sembarangan kémawon ndamel lukisan. Panjenenganipun sadèrèngipun sampun nyinaoni karya pamatung Iberia lan patung-patung Afrika sanès (patung primitif) ingkang biyasa wangunipun mlengkung lan boten proporsional.
Kabotensembarangan Picasso ugi dipunbuktèaken kanthi sapérangan éksperimén ingkang asring dipunlampahi, mliginipun ing perspektif lan distorsi ingkang wonten ing setunggaling lukisan. Saéngga gaya kubisme panggihan Picasso puniki ngéwahi wawasan donya dhumateng panilaian setunggaling lukisan. Lukisan boten namung kaéndahan seni, nanging wujud asil panlitén lan éksperimén.
Inspirasi saking Kasunyatan Gesang
[besut | besut sumber]Picasso punika seniman ingkang melankolis, gadhah kapribadian kiyat, égois lan gesangipun bébas sanget. Boten ngéramaken, karya karyanipun kathah neyerminaken kapribadianipun punika. Kapribadianipun ingkang kiyat, égois lan bébas, kathah katingal saking karya seninipun ingkang gadhah kesan kontrovérsial lan èksprésif sanget, bénten saking ingkang naté wonten sadèrèngipun. Ing sisih sanès, kamelankolisan Picasso katon saking sipatipun ingkang sénsitif sanget sarta rinci salebeting mbiji satunggaling kasunyatan gesang. Panjenenganipun saged ndamel kasunyatan gesang punika dados sumber inspirasi karyanipun. Umpaminipun lukisan Mesra Cinta (periode biru) ingkang suasananipun muram lan pesimis, nyerminaken mangsa-mangsa awrat Picasso ing tengah situasi ingkang kompetitif. Lukisan Guernica ingkang dados pusat paningal ing Museum Reina Sofia (Madrid) punika gorésan tangan saking asil péngetaning tragedi berdarah awal taun 1930-an ing tlatah Basque, Guernica dumados nalika perang sipil lan dhawahipun atusan bom. Salajengipun burung merpati, simbol perdamaian donya, nyatanipun ugi wujud rancanganipun. Picasso ngrampungaken seni grafis punika sasampunipun terisnpirasi déning burung Melanesia, paringanipun Henri Matisse.
Langkung unik malih, Picasso ugi ndadosaken wanita sumber inspirasi. Kocap, saben wanita maringi inspirasi bénten dhumateng piyambakipun. Umpaminipun saking pacanganipun, Marie-Terese Walter, panjenenganipun ngasilaken karya La Reve (impén) ingkang dipunsadé 48.402.500 dolar AS. Saking pacangan sanèsipun, Eva Gouel, kawiyosaken lukisan Femme Assise Dans Un Fauteuil, ingkang lumebet salah satunggiling adikarya gaya kubistis. Boten éram yèn Picasso ngantos dipunjuluki Don Juan (playboy). Picasso asring gonti-ganti pacangan. Panjenenganipun ugi sampun palakrama makaping-kaping, antawisipun kaliyan Fernande Olivier, Marchelle Thumbert, Olga Kohklova lan Jaqueline Roque.