შინაარსზე გადასვლა

ევროპის საფეხბურთო ჩემპიონატი 2024: ფინალი: განსხვავება გადახედვებს შორის

მასალა ვიკიპედიიდან — თავისუფალი ენციკლოპედია
ისტორიის ინტერაქციულად გადახედვა
[შეუმოწმებელი ვერსია][შეუმოწმებელი ვერსია]
← წინა ცვლილებაშემდეგი ცვლილება →
შიგთავსი ამოიშალა შიგთავსი დაემატა
ვიზუალურივიკიტექსტი
ხაზი 313: ხაზი 313:
|-
|-
|CF ||'''7''' ||[[ალვარო მორატა]] ([[კაპიტანი (ფეხბურთი)|კ]]) {{suboff|68}}
|CF ||'''7''' ||[[ალვარო მორატა]] ([[კაპიტანი (ფეხბურთი)|კ]]) {{suboff|68}}
|-
|colspan=3|'''ცვლილებები:'''
|-
|MF ||'''18'''||[[მარტინ ზუბიმენდი]] || || {{subon|46}}
|-
|FW ||'''21'''||[[მიკელ ოიარზაბალი]] || || {{subon|68}}
|-
|DF ||'''4'''||[[ნაჩო]] || || {{subon|83}}
|-
|MF ||'''6'''||[[მიკელ მერინო]] || || {{subon|89}}
|-
|-
|colspan=3|'''მწვრთნელი:'''
|colspan=3|'''მწვრთნელი:'''

21:15, 14 ივლისი 2024-ის ვერსია

ევროპის 2024 წლის საფეხბურთო ჩემპიონატის ფინალი
ტურნირი ევროპის საფეხბურთო ჩემპიონატი 2024
ესპანეთი ესპანეთის დროშა ინგლისი ინგლისის დროშა
2 1
თარიღი 14 ივლისი, 2024
არენა ოლიმპიაშტადიონი, ბერლინი, გერმანია
← 2020

2024 წლის ევროპის საფეხბურთო ჩემპიონატის ფინალი გაიმართა 2024 წლის 13 ივლისს. შეხვედრაში, რომელმაც ტურნირის გამარჯვებული გამოავლინა, ერთმანეთის ესპანეთის და ინგლისის ეროვნული საფეხბურთო ნაკრებები დაუპირსპირდნენ. შეხვედრას გერმანიის დედაქალაქ ბერლინში მდებარე ოლიმპიაშტადიონი მასპინძლობდა. შეხვედრა ესპანელთა გამარჯვებით 2–1 დასრულდა.

ადგილმდებარეობა

ოლიმპიაშტადიონის ინტერიერი

ფინალური შეხვედრა ბერლინში, ვესტენდში მდებარე ოლიმპიაშტადიონზე გაიმართება. 2018 წლის 27 სექტემბერს უეფა-მ განაცხადა რომ 2024 წლის ჩემპიონატი გერმანიაში ჩატარდებოდა. კენჭისყრა შვეიცარიის ქალაქ ნიონში დაამარცხა, გერმანიამ მოახერხა მეორე კანდიდატზე, თურქეთზე მეტი ხმის მიღება.[1][2] 2022 წლის მაისში უეფა-ს აღმასრულებელმა კომიტეტმა ოლიმპიაშტადიონი არჩეული იქნა ფინალური შეხვედრის მასპინძლად, აგრეთვე ცნობილი გახდა რომ სტადიონი უმასპინძლებდა ჯგუფური ეტაპის სამ შეხვედრას, ერთ მერვედფინალურ და ერთ მეოთხედფინალური ეტაპის მატჩს.[3][4]

ოლიმპიაშტადიონი 1936 წლის ზაფხულის ოლიმპიური თამაშებისთვის გაიხსნა. [5] სტადიონი ეკუთვნის ბერლინს და 1963 წლიდან მასზე საშინაო შეხვედრებს ატარებს ბერლინის „ჰერტა“. სტადიონზე უთამაშია გერმანიის ეროვნულ საფეხბურთო ნაკრებს. ოლიმპიაშტადიონმა უმასპინძლა 1974 და 2006 წლებში გამართულ მსოფლიო საფეხბურთო ჩემპიონატებს. სტადიონმა უმასპინძლა 2006 წლის მსოფლიო საფეხბურთო ჩემპიონატის ფინალურ შეხვედრას. მატჩი განსაკუთრებით დასამახსოვრებელი გახადა ზინედინ ზიდანსა და მარკო მატერაცის შორის მომხდარმა ინციდენტმა. შეხვედრა პენალტების სერიამდე მივიდა, სადაც იტალიელებმა ფრანგები 5–3 დაამარცხეს.[6] სტადიონმა 1985 წლიდან არაერთხელ უმასპინძლა გერმანიის საფეხბურთო თასისა და გერმანიის საფეხბურთო სუპერთასის ფინალურ შეხვედრებს. სტადიონმა უმასპინძლა 2011 წელს ქალთა მსოფლიო საფეხბურთო ჩემპიონატის გახსნით შეხვედრას და[7] უეფა-ს 2015 წლის ჩემპიონთა ლიგის ფინალს სადაც ერთმანეთს „ბარსელონა და „იუვენტუსი“ დაუპირსპირდნენ.[8]

გზა ფინალამდე

ინგლისის ნაკრებმა აქამდე ევროპის ჩემპიონატის ფინალში გასვლა ერთხელ მოახერხა, ხოლო ესპანეთმა – ოთხჯერ.

ნაკრებები ევროპის ჩემპიონატის ფინალში

ესპანეთი[9]
# ადგილმდებარეობა თარიღი შედეგი
1 ესპანეთის დროშა ესპანეთი 1964 21/06/1964 ესპანეთის დროშა ესპანეთი 2:1 (1:1) საბჭოთა კავშირის დროშა საბჭოთა კავშირი
2 საფრანგეთის დროშა საფრანგეთი 1984 27/06/1984 ესპანეთის დროშა ესპანეთი 0:2 (0:0) საფრანგეთის დროშა საფრანგეთი
3 ავსტრიის დროშა შვეიცარიის დროშა ავსტრია & შვეიცარია 2008 29/06/2008 ესპანეთის დროშა ესპანეთი 1:0 გერმანიის დროშა გერმანია
4 პოლონეთის დროშა უკრაინის დროშა პოლონეთი & უკრაინა 2012 01/07/2012 ესპანეთის დროშა ესპანეთი 4:0 იტალიის დროშა იტალია
ინგლისი[10]
# ადგილმდებარეობა თარიღი შედეგი
1 Europa ევროპა 2020 11/07/2021 ინგლისის დროშა ინგლისი 1:1 (პ. 2:3) იტალიის დროშა იტალია

ესპანეთი

ესპანეთი 2024 წლის ევროპის საფეხბურთო ჩემპიონატზე შესარჩევი ეტაპიდან მოხვდა, სადაც რვა შეხვედრიდან შვიდში მოგება მოახერხა და მხოლოდ შოტლანდიასთან დამარცხდა. ესპანეთი კენჭისყრის შემდგომ ჩემპიონატის B ჯგუფში მოხვდა სადაც მასთან ერთად ხორვატია, მოქმედი ჩემპიონი იტალია და ალბანეთი მოხვდნენ. ესპანეთმა ჩემპიონატი ხორვატიასთან შეხვედრით დაიწყო, რომელიც ოლიმპიაშტადიონზე გაიმართა. მატჩი ესპანელთა გამარჯვებით 3–0 დასრულდა. ანგარიში 29-ე წუთზე ალვარო მორატამ გახსნა. 32-ე წუთზე მეორე გოლი გაიტანა ფაბიან რუისმა. მატჩის 47-ე წუთზე საბოლოო ანგარიში დანი კარვახალმა დააფიქსირა. ამ შეხვედრაში მონაწილეობით ლამინ იამალი გახდა ტურნირის ყველაზე ახალგაზრდა მოთამაშე.[11][12] ამის შემდგომ ესპანეთი არენა აუფშალკეზე იტალიას დაუპირსპირდა. ესპანელებმა შეხვედრა 1–0 მოიგეს. 55-ე წუთზე ავტოგოლი გაიტანა იტალიელმა რიკარდო კალიაფორიმ.[13] ჯგუფური ეტაპის ბოლო შეხვედრაში ესპანელებმა ალბანეთი ფერან ტორესის ერთადერთი გოლით, 1–0 დაამარცეს. პირველი ორი ტურის შემდეგ ესპანეთის ნაკრებს ჯგუფური.[14]

მეერვედფინალში რეინენერგიესტადიონზე ესპანელები F ჯგუფის მესამე ადგილოსან და დებიუტანტ საქართველოს ნაკრებს დაუპირსპირდა. მატჩში ანგარიში 18-ე წუთზე გაიხსნა, როდესაც ესპანელმა რობინ ლე ნორმანდმა ქართველთა ჩაწოდების შემდეგ ბურთი საკუთარ კარში ჩაჭრა. ამის შემდეგ ესპანელთა მხრიდან 39-ე წუთზე ანგარიში როდრიმ გაათანაბრა. მეორე ტაიმში გოლების გატანა მოახერხეს ფაბიან რუისმა (51-ე წუთზე), ნიკო უილიამსმა (75-ე წუთზე) და დანი ოლმომ (83-ე წუთზე). მატჩი ესპანელთა გამარჯვებით 4–1 დასრულდა.[15] მეოთხედფინალში ესპანელები გერმანიას დაუპირსპირდნენ, რომელთანაც მათ 2008 წლის ევროპის ჩემპიონატის ფინალურ შეხვედრაში ითამაშეს. 2008 წელს ფინალი 1–0, ესპანელთა გამარჯვებით დასრულდა. მეოთხედფინალური შეხვედრის 51-ე წუთზე კი ანგარიში დანი ოლმომ გახსნა, გერმანელებმა ანგარიში ფრლორიან ვირცის გოლით, 89-ე წუთზე გაათანაბრეს. საბოლოო ჯამში შეხვედრა დამატებით დროში გადავიდა, სადაც 119-ე წუთზე ესპანელთა მხრიდან გამარჯვების გოლი მიკელ მერინომ გაიტანა და საბოლოო ანგარიში 2–1 დააფიქსირა.[16] ნახევარფინალურ შეხვედრაში ესპანელები 2022 წლის მსოფლიო საფეხბურთო ჩემპიონატის ფინალისტ საფრანგეთის ეროვნულ ნაკრებს, ალიანც არენაზე დაუპირსპირდნენ. ეს გუნდები ერთმანეთს 1984 წლის ევროპის საფეხბურთო ჩემპიონატის ფინალსა და უეფა-ს ერთა ლიგის 2021 წლის გათამაშების ფინალში დაუპირსპირდნენ. ორივე შეხვედრა ფრანგთა გამარჯვებით დასრულდა. ნახევარფინალურ შეხვედრაში კი ანგარიში მე-9 წუთზე ფრანგების სასარგებლოდ, რანდალ კოლო მუანიმ გახსნა, რასაც ესპანეთმა ლამინ იამალის 21-ე და დანი ოლმოს 25-ე წუთებზე გატანილი ბურთებით უპასუხა და ნაკრებს ფინალში გასვლაში დაეხმარა. ესპანელები 2012 წლის შემდეგ პირველად გავიდნენ ფინალში, სადაც მათ იტალია 4–0 დაამარცეს. ლამინ იამალი გახდა ყველაზე ახალგაზრდა მოთამაშე რომელმაც ევროპის ჩემპიონატზე გაიტანა. აღსანიშნავია რომ 25-ე წუთზე დანი ოლმოს დარყმის შემდეგ ბურთი ფრანგმა მცველმა, ჟიულ კუნდემ საკუთარ კარში ჩაჭრა და ავტოგოლი გაიტანა, თუმცა გადახედვის შემდგომ ბურთი ოლმოს ჩაეთვალა. [17][18]

ჯგუფური ეტაპის სამივე შეხვედრაში მატჩის საუკეთესო მოთამაშის წოდება ესპანელმა ფეხბურთელებმა მოიპოვეს. ესპანეთისა და ხორვატიის შეხვედრაში მატჩის საუკეთესო მოთამაშედ ესპანელი ფაბიან რუისი დასახელდა, იტალიასთან მატჩში ამ ჯილდოს მოპოვება ნიკო უილიამსმა მოახერხა, ხოლო ალბანეთთან – ფერან ტორესმა.

მერვედფინალში საქართველოს და ესპანეთის მატჩის საუკეთესო მოთამაშედ როდრი დასახელდა, მეოთხედფინალში ესპანეთისა და გერმანიის მატჩში – დანი ოლმო, ხოლო საფრანგეთსა და ესპანეთს შორის გამართულ ნახევარფინალურ შეხვედრაში – ლამინ იამალი. [19] ფინალამდე ესპანეთის მონაწილეობით ჩატარებულ ყველა შეხვედრაში მატჩის საუკეთესო მოთამაშის ჯილდო ესპანელმა ფეხბურთელმა მიიღო.

ინგლისი

ინგლისი ჩემპიონატზე C შესარჩევი ჯგუფიდან მოხვდა, სადაც 8-დან 6 შეხვედრაში გამარჯვება მოიპოვა.[20] ევროპის ჩემპიონატზე ინგლისი აგრეთვე C ჯგუფში, სერბეთთან, დანიასთან და სლოვენიასთან ერთად მოხვდა. ინგლისმა პირველ შეხვედრაში, არენა აუფშალკეზე სერბეთის ნაკრები დაამარცხა. შეხვედრის ერთადერთი გოლი მე-13 წუთზე ჯუდ ბელინგემმა გაიტანა.[21] ინგლისი ამის შემდეგ ვალდშტადიონზე დანიის ნაკრებს დაუპირსპირდა, რომელსაც 2020 წლის ჩემპიონატის ნახევარფინალში დაუპირსპირდა და დამატებით დროში 2–1 დაამარცხა. ამჯერად, მატჩი ფრედ, 1–1 დასრულდა. მე-18 წუთზე ანგარიში ჰარი კეინმა გახსნა, რომელსაც დანიელთა მხრიდან 34-ე წუთზე მორტენ ჰიუმლანდმა უპასუხა.[22]ჯგუფური ეტაპის ბოლო მატჩში ინგლისი რეინენერგიეშტადიონზე სლოვენიას დაუპირსპირდა. შეხვედრა უგოლოდ დასრულდა.[23] ინგლისმა ჯგუფში 5 ქულა მოიპოვა და პირველი ადგილი დაიკავა.[23]

მერვედფინალში ინგლისი E ჯგუფის მესამეადგილოსან სლოვაკეთს არენა აუფშალკეზე დაუპირსპირდა. მატჩი ინგლისელთა გამარჯვებით 2–1. 25-ე წუთზე ანგარიში სლოვაკმა ივან შრანცმა გახსნა. მეორე ტაიმის მიწურულს, შეხვედრის დასრულებამდე რამდენიმე წამით ადრე ჯუდ ბელინგემმა მაკრატელა დარტყმით ანგარიში გაათანაბრა და შეხვედრამ დამატებით დროში გადაინაცვლა. დამატებითი დროის დაწყებიდან მალევე, 91-ე წუთზე ინგლისელთა მხრიდან მეორე ბურთი ჰარი კეინმა გაიტანა.[24] მეოთხედფინალში, მერკურ-შპიელ არენაზე ინგლისი შვეიცარიას დაუპირსპირდა. ანგარიში 75-ე წუთზე შვეიცარიელებმა ბრეელ ემბოლოს გოლით გახსნეს, რომელსაც ინგლისელთა მხრიდან 80-ე წუთზე ბუკაიო საკამ უპასუხა. მატჩი დამატებით დროში გადავიდა, სადაც ანგარიში არ შეცვლილა. ინგლისელთა მხრიდან თერთმეტრიანები კოულ პალმერმა, ჯუდ ბელინგემმა, ბუკაიო საკამ, ივან ტოუნმა და ტრენტ ალექსანდერ არნოლდმა გაიტანეს. შვეიცარიელთა მხრიდან თერთმემეტრიანები გაიტანეს ფაბიან შერმა, ჯერდან შაჩირიმ და ზეკი ამდუნმა, ხოლო მანუელ აკანჯის დარტყმული ინგლისელთა მეკარე ჯორდან პიკფორდმა მოიგერია.[25] ნახევარფინალში, ვესტფალენსტადიონზე ინგლისი ნიდერლანდებს დაუპირსპირდა. შეხვედრაში ანგარიში ხავი სიმონსმა მეშვიდე წუთზე გახსნა და ნიდერლანდები დააწინაურა, რასაც მალევე ნიდერლანდელთა კარში საკამათო თერთმეტმეტრიანის დანიშვნა მოჰყვა. დენზელ დიუმფრიზი ჰარი კეინზე დაჯარიმდა. მომენტი ვიდეო რეფერიზე გადამოწმდა. კეინმა თერთმეტმეტრიანის რეალიზება შეძლო და ანგარიში გაათანაბრა. 90-ე წუთზე ცვლილებაზე შემოსულმა კოულ პალმერმა აგრეთვე ცვლილებაზე შემოსულ ოლი უოტკინს გაუკეთა გადაცემა, რომელმაც ნიდერლანდელთა კარის აღება მოახერხა და ინგლისი წინ გაიყვანა. ინგლისის ნაკრები ევროპის ჩემპიონატის ფინალში ზედიზედ მეორედ გავიდა.[26]

ურთიერთშეხვედრები

ნაკრებები ერთმანეთს დიდ ტურნირზე უკანასკნელად 1996 წლის ევროპის საფეხბურთო ჩემპიონატის მერვედფინალურ შეხვედრაში შეხვდნენ, რომელიც ძირითად დროში 0–0 დასრულდა. თერთმეტმეტრიანების სერიაში ინგლისელებმა 4–2 გაიმარჯვეს. გარეთ საუთგეიტი, რომელიც 2024 წლის ფინალში ინგლისის ნაკრების მენეჯერია, იმ შეხვედრაში ინგლისის ეროვნული ნაკრების რიგებში თამაშობდა. ესპანელებს ინგლისი დიდ ტურნირებზე ერთადერთხელ, 1950 წლის მსოფლიო საფეხბურთო ჩემპიონატზე ჰყავთ დამარცხებული. [27]

ორი გუნდი ერთმანეთს უკანასკნელად 2018–19 წლების უეფა-ს ერთა ლიგის ჯგუფურ ეტაპზე დაუპირსპირდა. ესპანეთმა ინგლისელები უემბლიზე 2–1 დაამარცხეს, ინგლისელებმა კი სევილიაში, ესტადიო ბენიტო ვილამარინზე გამართულ შეხვედრაში ესპანეთი 3–2 დაამარცეს.[27]

2023 წლის უეფა-ს 21 წლამდე ფეხბურთელთა ევროპის საფეხბურთო ჩემპიონატის ფინალში, რომელიც აჭარაბეთ არენაზე, ბათუმში გაიმართა ერთმანეთს ესპანეთისა და ინგლისის 21 წლამდე ფეხბურთელთა ნაკრებები დაუპირისპირდნენ. მატჩი ინგლისელთა გამარჯვებით 1–0 დასრულდა. ნაკრებების 2024 წლის ევროპის ჩემპიონატის განაცხადიდან 21 წლამდელთა ნაკრებებში ესპანელთა მხრიდან ალექს ბაენა, ხოლო ინგლისელთა მხრიდან კოულ პალმერი და ენტონი გორდონი ირიცხებოდნენ.[28]

მატჩები

ესპანეთი რაუნდი ინგლისი
მოწინააღმდეგე შედეგი ჯგუფური ეტაპი მოწინააღმდეგე შედეგი
ხორვატიის დროშა ხორვატია 3–0 პირველი ტური სერბეთის დროშა სერბეთი 1–0
იტალიის დროშა იტალია 1–0 მეორე ტური დანიის დროშა დანია 1–1
ალბანეთის დროშა ალბანეთი 1–0 მესამე ტური სლოვენიის დროშა სლოვენია 0–0
გუნდი თ მ ფ წ გატ გაშ სხვ ქ
ესპანეთის დროშა ესპანეთი 3 3 0 0 5 0 +5 9
იტალიის დროშა იტალია 3 1 1 1 3 3 0 4
ხორვატიის დროშა ხორვატია 3 0 2 1 3 6 –3 1
ალბანეთის დროშა ალბანეთი 3 0 1 2 3 5 –2 1
საბოლოო მდგომარეობა
გუნდი თ მ ფ წ გატ გაშ სხვ ქ
ინგლისის დროშა ინგლისი 3 1 2 0 2 1 +1 5
დანიის დროშა დანია 3 0 3 0 2 2 0 3
სლოვენიის დროშა სლოვენია 3 0 0 3 2 2 0 3
სერბეთის დროშა სერბეთი 3 0 2 1 1 2 –1 2
მოწინააღმდეგე შედეგი პლეი-ოფი მოწინააღმდეგე შედეგი
საქართველოს დროშა საქართველო 4–1 მერვედფინალები სლოვაკეთის დროშა სლოვაკეთი

2–1 (დ. დ.)

გერმანიის დროშა გერმანია 2–1 მეოთხედფინალები შვეიცარიის დროშა შვეიცარია 1—1 (დ.დ.) (5–3 პენალტების სერია)
საფრანგეთის დროშა საფრანგეთი 2–1 ნახევარფინალები ნიდერლანდების დროშა ნიდერლანდები 2–1

მატჩამდე

ცნობილი დამსწრეები

კენინგსტონის სასახლემ ფინალამდე გაავრცელა ინფორმაცია რომლის მიხედვითაც ფინალს უელსის პრინცი უილიამი დაესწრებოდა. მანამდე, კემბრიჯის ჰერცოგის რანგში ის დაესწრო 2022 წლის ქალთა ევროპის საფეხბურთო ჩემპიონატის ფინალს და მონაწილეობა მიიღო გამარჯვებული ინგლისის ნაკრების მედლებით დაჯილდოებაში.[29] დაუნინგ-სტრიტმა ასევე დაადასტურა რომ ფინალს დაესწრება დიდი ბრიტანეთის ახლადარჩეული პრემიერ-მინისტრი კირ სტრამერი.[30]

დახურვის ცერემონია

იტალურმა მუსიკალურმა ჯგუფმა Meduza, ამერიკულმა პოპ-როკ ბენდმა OneRepublic-მა და გერმანელმა პოპ-მომღერალმა Leony-მ შეასრულეს ჩემპიონატის ოფიციალური სიმღერა „Fire“.[31]

მსაჯები

2024 წლის 11 ივლისს უეფა-ს მსაჯების კომიტეტმა დააანონსა რომ ფინალს ფრანგი მსაჯი ფრანსუა ლეტეკსიე განსჯიდა, რომელიც 2017 წლიდან საერთაშორისო რეფერია და უმუშავია უეფა-ს ეგიდით გამართულ 65 შეხვედრაში. ევრო 2024-ზე მან იმსაჯა ჯგუფური ეტაპის სამ შეხვედრაში. ლეტეკსიე მსაჯობდა B ჯგუფში ხორვატიისა და ალბანეთის, ხოლო C ჯგუფში დანია-სერბეთის მატჩში. ლეტეკსიემ იმსაჯა ესპანეთსა და საქართველოს შორის გამართულ მერვედფინალურ შეხვედრაში. ის იყო მეოთხე მსაჯი ჩემპიონატის გახსნით შეხვედრაში, სადაც ერთმანეთს გერმანია და შოტლანდია დაუპირსპირდნენ.

გასულ სეზონში ლეტეკსიე უეფა-ს ეგიდით გამართულ შეჯიბრებში მსაჯობდა. იმსაჯა უეფა-ს ჩემპიონთა ლიგასა და უეფა-ს ევროპა ლიგაზე. იყო მეოთხე ოფიციალური მსაჯი 2024 წლის უეფა-ს ჩემპიონთა ლიგის ფინალში, სადაც ერთმანეთს მადრიდის „რეალი“ და დორტმუნდის „ბორუსია“ დაუპირსპირდნენ. ის აგრეთვე იყო მეოთხე მსაჯი 2023 წლის უეფა-ს სუპერ თასზე. 35 წლის ასაკში ლეტეკსიე უეფა-ს ჩემპიონთა ლიგის ფინალის ყველაზე ახალგაზრდა მსაჯი გახდა. აქამდე აღნიშნულ სტატუსს ანდრეს ფრისკი ატარებდა, რომელმაც 2000 წლის ევროპის ჩემპიონატის ფინალში 37 წლის ასაკში იმსაჯა.[32]

ლეტეკსიეს ასისტენტები იქნებიან სირილ მუნიე და მეჰდი რაჰუნი. მეოთხე მსაჯი იქნება პოლონელი შიმონ მარცინიაკი. ვიდეო რეფერი იქნება ფრანგი ჟერომ ბრიზარდი, რომლის ასისტენტიც ვილი დელაჟოდი იქნება.[33]

მატჩი

დეტალები

14 ივლისი, 2024
21:00 (ცენტრალური ევროპის დროით)
 ესპანეთი ესპანეთის დროშა 2–1 ინგლისის დროშა ინგლისი ოლიმპიაშტადიონი, ბერლინი
მსაჯი: ფრანსუა ლეტეკსიე (საფრანგეთი)
უილიამსი გოლი 47'
ოიარზაბალი გოლი 86' 		ბმული პალმერი გოლი 47'
ესპანეთი
ინგლისი
GK 23 უნაი სიმონი
RB 2 დანი კარვახალი
CB 3 რობინ ლე ნორმანდი შეცვლაზე გამოყვანა 83 წუთის შემდეგ 83'
CB 14 აიმერიკ ლაპორტე
LB 24 მარკ კუკურელია
CM 16 როდრი შეცვლაზე გამოყვანა 46 წუთის შემდეგ 46'
CM 8 ფაბიან რუისი
RW 19 ლამინ იამალი შეცვლაზე გამოყვანა 89 წუთის შემდეგ 89'
AM 10 დანი ოლმო Booked after 31 minutes 31'
LW 17 ნიკო უილიამსი
CF 7 ალვარო მორატა (კ) შეცვლაზე გამოყვანა 68 წუთის შემდეგ 68'
ცვლილებები:
MF 18 მარტინ ზუბიმენდი შეცვლაზე შესვლა after 46 წუთი 46'
FW 21 მიკელ ოიარზაბალი შეცვლაზე შესვლა after 68 წუთი 68'
DF 4 ნაჩო შეცვლაზე შესვლა after 83 წუთი 83'
MF 6 მიკელ მერინო შეცვლაზე შესვლა after 89 წუთი 89'
მწვრთნელი:
ლუის დე ლა ფუენტე
GK 1 ჯორდან პიკფორდი
CB 2 კაილ უოლკერი
CB 5 ჯონ სტოუნზი Booked after 53 minutes 53'
CB 6 მარკ გეჰი
RM 7 ბუკაიო საკა
CM 26 კობი მეინუ შეცვლაზე გამოყვანა 70 წუთის შემდეგ 70'
CM 4 დეკლან რაისი
LM 3 ლუკ შოუ
AM 11 ფილ ფოდენი შეცვლაზე გამოყვანა 89 წუთის შემდეგ 89'
AM 10 ჯუდ ბელინგემი
CF 9 ჰარი კეინი (კ) Booked after 25 minutes 25' შეცვლაზე გამოყვანა 61 წუთის შემდეგ 61'
მწვრთნელი:
გარეთ საუთგეიტი


საუკეთესო მოთამაშე:

მსაჯის ასისტენტები:
სირილ მუნიე (საფრანგეთი)
მეჰდი რაჰმუნი (საფრანგეთი)
მე-4 მსაჯი:
შიმონ მარცინიაკი (პოლონეთი)
ვიდეო რეფერი:
ჟერომ ბრიზარდი (საფრანგეთი)

სტატისტიკა

რესურსები ინტერნეტში

სქოლიო

  1. ↑ Germany to host UEFA EURO 2024. UEFA (27 September 2018).
  2. ↑ „Euro 2024: Germany beats Turkey to host tournament“. BBC Sport. 27 September 2018. ციტირების თარიღი: 27 September 2018.
  3. ↑ Uefa EURO 2024 Final in the Olympiade stadion Berlin, Six Games in the Capital. Olympiastadion Berlin (20 May 2022). ციტირების თარიღი: 3 December 2023
  4. ↑ EURO 2024 host cities: Venue guide. UEFA (2022). ციტირების თარიღი: 12 May 2022
  5. ↑ Olympic Stadium (11 May 2022). ციტირების თარიღი: 11 July 2024
  6. ↑ Italy – France. Fédération Internationale de Football Association. ციტირების თარიღი: 9 August 2016
  7. ↑ Nine Host Cities announced. Fédération Internationale de Football Association (30 September 2008).
  8. ↑ Executive Committee decides hosts for 2015 finals. Union of European Football Associations (23 May 2013). ციტირების თარიღი: 14 February 2015
  9. ↑ თარგი:Cita web
  10. ↑ თარგი:Cita web
  11. ↑ Spain 3–0 Croatia | UEFA EURO 2024. Union of European Football Associations. ციტირების თარიღი: 10 July 2024
  12. ↑ Lamine Yamal sets new record as youngest player to feature at a UEFA European Championship. Union of European Football Associations (15 June 2024). ციტირების თარიღი: 10 July 2024
  13. ↑ Spain 1–0 Italy | UEFA EURO 2024. Union of European Football Associations. ციტირების თარიღი: 10 July 2024
  14. ↑ Albania 0–1 Spain | UEFA EURO 2024. Union of European Football Associations. ციტირების თარიღი: 10 July 2024
  15. ↑ Spain 4–1 Georgia | UEFA EURO 2024. Union of European Football Associations. ციტირების თარიღი: 10 July 2024
  16. ↑ Spain 2–1 Germany | UEFA EURO 2024. Union of European Football Associations. ციტირების თარიღი: 10 July 2024
  17. ↑ Spain 2–1 France | UEFA EURO 2024. Union of European Football Associations. ციტირების თარიღი: 10 July 2024
  18. ↑ Lamine Yamal: Spain 'superstar' makes his mark at Euro 2024 (9 July 2024). ციტირების თარიღი: 10 July 2024
  19. ↑ Every EURO 2024 Player of the Match
  20. ↑ Euro 2024: Who has qualified? Who is in the play-offs? Who has failed to qualify? (7 September 2023). ციტირების თარიღი: 11 July 2024
  21. ↑ England 1-0 Serbia (15 June 2024). ციტირების თარიღი: 11 July 2024
  22. ↑ England 1-1 Denmark: England miss chance to reach last 16 after frustrating draw in Frankfurt (19 June 2024). ციტირების თარიღი: 11 July 2024
  23. ↑ 23.0 23.1 England 0-0 Slovenia: England frustrated in Slovenia draw but still top group (24 June 2024). ციტირების თარიღი: 11 July 2024
  24. ↑ England 2-1 Slovakia | UEFA EURO 2024. Union of European Football Associations (30 June 2024). ციტირების თარიღი: 11 July 2024
  25. ↑ England 1-1 Switzerland | UEFA EURO 2024. Union of European Football Associations (6 July 2024). ციტირების თარიღი: 11 July 2024
  26. ↑ Netherlands 1-2 England | UEFA EURO 2024. Union of European Football Associations (10 July 2024). ციტირების თარიღი: 11 July 2024
  27. ↑ 27.0 27.1 Previous meetings between England and Spain ahead of Euro 2024 final (11 July 2024). ციტირების თარიღი: 11 July 2024
  28. ↑ Howell, Alex. (7 July 2023) England U21 1-0 Spain U21: England win Under-21 Euros for first time in 39 years. ციტირების თარიღი: 11 July 2024
  29. ↑ Hollie, Cole (12 July 2024). „Prince William to attend Euro 2024 final in Berlin“. BBC News (ინგლისური). British Broadcasting Corporation. ციტირების თარიღი: 13 July 2024.
  30. ↑ Rhoden-Paul, André (11 July 2024). „Euro 2024: I don't want to jinx it, Starmer says about Euros bank holiday“. BBC News (ინგლისური). British Broadcasting Corporation. ციტირების თარიღი: 13 July 2024.
  31. ↑ Meduza, OneRepublic and Leony release UEFA EURO 2024 official song FIRE. Union of European Football Associations (10 May 2024). ციტირების თარიღი: 10 July 2024
  32. ↑ French referee François Letexier picked to handle Spain-England final of Euro 2024. Associated Press (11 July 2024). ციტირების თარიღი: 11 July 2024
  33. ↑ François Letexier to referee UEFA EURO 2024 final. Union of European Football Associations (11 July 2024). ციტირების თარიღი: 11 July 2024
ხ • გ • რ
ტურნირები
ფინალები

1960 · 1964 · 1968 · 1972 · 1976 · 1980 · 1984 · 1988 · 1992 · 1996 · 2000 · 2004 · 2008 · 2012 · 2016 · 2020  · 2024

მოძიებულია „https://ka.wikipedia.org/w/index.php?title=ევროპის_საფეხბურთო_ჩემპიონატი_2024:_ფინალი&oldid=4681405“-დან