Tele2
| Tele2 AB | |
 | |
| Түрі |
Көпшілік компания |
|---|---|
| Компанияның ұраны |
Why pay more? (қаз. Көп төлеп не керек?) |
| Құрылды | |
| Орналасуы | |
| Басты адамдары |
Матс Гранрид (президент), |
| Сайты | |
Tele2 AB — Ұялы байланыс дискаунтері ретінде танымал шведтік телекоммуникациялық компания[1]. Компанияның штаб-пәтері Стокгольм қаласында орналасқан.
Тарихы
[өңдеу | қайнарын өңдеу]Компанияның негізін 1993 жылы өзінің әкесі Хьюго Стенбектің тобындағы телекоммуникациялық бағытты дамытуды қолға ала бастаған Ян Стенбек қалады[2]. 1988 жылы компания GSM форматында ұялы байланыс қызметін көрсету лицензиясына ие болды, ал төрт жылдан соң өзінің алғашқы желісін Швецияда іске қосты. 1993 жылы қазіргі кездегі атауы — Tele2 пайда болды[2].
1996 жылы компания Швециядан тысқары экспансиясын бастайды: 1997-2004 жылдар аралығында Норвегия, Эстония, Литва, Германия, Австрия, Швейцария, Голландия, Латвия және т.б. Еуропа елдерінде өз желілерін өркендетеді,. 2000 жылы компания алғаш 3G-лицензиясын алды, 2009 жылы 4G желілерінің құрылысын бастады[2]. 2001 жылдан бастап Tele2 ұялы байланыс операторы ретінде Ресейде де жұмыс жасай бастайды.
2007 жылдың қазан айында Tele2 компаниясы өзінің Италия және Испаниядағы бөлімшелерін Vodafone компаниясына 775 млн евроға сатқаны белгілі болды[3].
2011 жылдың наурыз айында Tele2 компаниясы өзінің Қазақстан Республикасындағы шараларын іске асыру мерзімдерін жариялады. Tele2 ұялы байланыс желісі өзінің қызмет көрсетуін 24 сәуірде Ақтөбе облысынан бастады. 2011 жылдың мамыр-маусым айларында Tele2 қамту аймағына Орал, Алматы, Шымкент және Астана қалалары (маңайындағы елді мекендерімен қоса) кірді[4]. Қазіргі кезде Tele2-нің 3G-желісі Қазақстанның барлық облыс орталықтарын қамтиды.
Меншік иелері және басшылығы
[өңдеу | қайнарын өңдеу]Компанияның ірі акционерлері — Investment AB Kinnevik (акциялардың 47,9 %-ы), қалған акциялар еркін айналымда[1].
Президенті — Матс Гранрид.
Қызмет аясы
[өңдеу | қайнарын өңдеу]
Tele2 холдингі 2010 жылда Еуропаның 11 елінде: Швеция, Норвегия, Нидерланд, Германия, Австрия, Хорватия, Эстония, Латвия, Литва, Ресей және Қазақстанда 30 миллион клиентке мобильді және тиянақталған қызмет түрлерін, интернет және кабельді теледидар қызметін көрсете отырып жұмыс жасады[5]. TELE2-нің лицензиялық аймағында 61 миллион адам мекендейді. Нарықтық стратегиясы — ұялы байланыс дискаунтері.
Tele2 Қазақстанда
[өңдеу | қайнарын өңдеу]2009 жылдың желтоқсан айында компания «Қазақтелеком» мемлекеттік тиянақталған байланыс операторынан отандық «Мобайл Телеком-Сервис» (МТС) ұялы байланыс операторының 51 % акциясын сатып алу жөніндегі келісім-шартқа қол қойды (келісім 2010 жылдың наурыз айында аяқталды[6]). Келісім-шарттың құны 545 млн швед кронасын ($76,7 млн) құрады (операторға 360 млн крона ($50,6 млн) инвестиция құю міндеттілігімен қоса). Tele2 сондай-ақ Amun Capital жекеше компаниясына тиесілі МТС-тың қалған 49%-ын 5 жылдың ішінде сатып алуға мүмкіндік беретін опционға ие болды[7].
2012 жылдың 29 сәуірінде Tele2 Атырау облысында ұялы байланысын іске қосты, осыдан кейін оператор Қазақстанның барлық аймақтарында жұмыс жасайтын болды[8].
Дереккөздер
[өңдеу | қайнарын өңдеу]- ↑ a b Тимофей Дзядко. «Сейчас стоит запастись терпением», — Матс Гранрид, генеральный директор Tele2. // Ведомости, 17.05.2011, 87 (2853). Басты дереккөзінен мұрағатталған 10 ақпан 2012. Тексерілді, 17 мамыр 2011.
- ↑ a b c Tele2 в мире. // ru.tele2.ru. Басты дереккөзінен мұрағатталған 10 ақпан 2012. Тексерілді, 17 мамыр 2011.
- ↑ «Коммерсантъ», «Tele2 продал подразделения в Италии и Испании», 8 қазан 2007
- ↑ Tele2 Қазақстан Мұрағатталған 5 наурыздың 2016 жылы.
- ↑ TELE2 — европейский оператор на Российском рынке Мұрағатталған 19 ақпанның 2014 жылы.
- ↑ CNEWS Tele2 завершил сделку по приобретению 51 % акций казахстанского мобильного оператора NEO(қолжетпейтін сілтеме)
- ↑ Tele2 купила МТС Мұрағатталған 3 маусымның 2015 жылы.
- ↑ Tele2 выходит на Национальный уровень! Мұрағатталған 27 желтоқсанның 2013 жылы.
Тағы қараңыз
[өңдеу | қайнарын өңдеу]Сілтемелер
[өңдеу | қайнарын өңдеу]
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |