Yerushalayim Oryentala
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Es yamada Yerushalayim Oryentala (en ivrit: מזרח ירושלים, Mizrah Yerushalayim o ירושלים המזרחית, Yerushalayim Amizrahi) la parte oryentala de la sivdad de Yerushalayim ke se topa al este de la Linea Vedre markada por el akodro arabo-israeliano de 1949. Fue tomada por Djordania en la gerra araba-israeliana de 1948 i ansina sigio fina la gerra de los Sesh Diyas en 1967. Diskues fue echa parte de la munisipalitad de la parte oksidentala de la sivdad, la kuala endagora es una sivdad unifikada. En esta parte de la sivdad se topan la Sivdad Vieja i alkunos de los prinsipales lugares de entereso relijiozo komo el Kotel Amaaravi, el Santo Sepulkro i el Ar Abait o la Plasa de las Mishkitas.